عاجل لكل الاخوات القاطنات بالرباط الى بغيتي تولدي متمشيش لسويسي المهزلة

السلام عليكم الاخوات
بكل اختصارانا عاد ولدت والحمد لله لي تفكيت على خير
ترتقات ليا السقية بالليل وجاني الوجع وفاش مشيت لمستشفى العسكري الي كنت متبعة فيه حبسونا فالباب حيت عامر صيفتوني للسويسي
اوا اجو تشوفو واحد المنظر كلشي كيسب القابلات وحتى الطبيب حسبي الله ونعم الوكيل انا شخصيا سبني وضربني فكرشي بونية الله ياخد فيه الحق والقابلة كتخاصم دارتلي قطعة قداش فلولادة لولا اومقطعوني بزاف وحتى الخياطة غير مدرمة هدي يومين مشيت عند اخصائية لقات عندي باقي طراف من الخلاص وحيدات ليا الخيط تصورو حتى بنتي مدارو ليها الدو للبوط وعطاوها ليا والدم لاصق فوجها حسبي الله ونعم الوكيل.

---

uh[g g;g hgho,hj hgrh’khj fhgvfh’ hgn fydjd j,g]d ljlada gs,dsd hgli.gm gjHsds g;l hld f,g]d

شكرا اختي على نصيحتك فعلا قسم الولادة فالسويسي موصيبة راه ديجا كانو نشرو ليه فيديو فالنت مبروك اختي والحمدلله على سلامتك

الله يسلمك اختي اكبر غلط هو حنا كنسكتو على الحاجة لضراتنا الله ياخد فيهم الحق

سلام عليكم مبروك أختي ، بنسبة لولادة ف سويسي لبارح كنت كنهدر مع ماما وعاودتلي منين ولدات خويا صغير دبا 5 سنوات والله إلى جاتني البكية ، قاتلي كانت فرملية وحدة وخلات ماما ولدات بحدها معونتهاش خرج لولد جات هزاتو ومشات وخلات ماما هاكاك بدمايتها و- مجبدتش لها دكشي لكيكون، الله ياخد فيهم لحق فداك سويسي خاص ليشكي بهم لماليك يتصور شي فيديو ويشوفو لمليك والله حتى يوريهم
حاجة أخرى ماما فداك لحالة لخلوها هاكاك أعريانة لعب فيها لبرد مزيان لحد لأن بقى مريضة بضهر وراس وصحتها كلها

حسبي الله و نعم الوكيل، آش هاد العجب كنسمعو؟

لا حول و لاقوة إلا بالله،راه هدوك ماشي مسلمين الله ياخد فيهم ألحق أنا غير من قصص الناس على سبيطرات فالمغرب كرهتهوم،واحد المرا من العايلة عصبوها مسكينة فالولادة حتى مشا ليها صوت أتعوج ليها الفم يالله برات وخى بقى كتاخد الدوا،أنا واحد المرة مشيت مع واحد المرا لدار الولادة المرحاض دارو ليه القفل أراكم عارفين الحامل كثحتاج المرحاض لعدة أسباب،ابلا منعاود على المعاملة زوينة ديالهوم،او الله كيبقى فيا الحال ملي كنشوف أو كانسمع هادشي حيت كانشوف الفرق مابين سبيطرات هنا او ديال بلادنا فرق كبير فكولشي او الله العضيم أنا هنا ولدت عاملوني بحال أميرة هنا كولشي ناس بحال بحال.بقيتي فيا ملي قلتي ضربك فكرشك كون أنا او الله نشكي بيه او نقربلهة عليهم خاص ناس تهدر على حقوقها ماشي كل واحد يكمذها فقلبو إلا تجمعو عائلة دوك لغيولدو أدارو مضاهرة تماك أعيطو لصحافة ابينو الوضع الحقيقي لكتعيشو كل حامل أكيد غايكون تغيير احتى غيخافو،أيديرو خدمتهم وخى يديروها غير من خوفهم أما الضمير غير خليوه كون كان جاع مغنسمعو هادشي كل نهار.نتي الحمد لله على سلامتك او الله يجعل ليدوزو عليك مغفرة لدنوب،او ألف مبروك الزيادة تربى فعزكوم.

اولا الحمد لله على سلامتك ، وما تفرطيش في راسك ، مزيان لي مشيتي عند الاختصاصية باش تصلح الاعطاب لي داروها ذوي الضماءر الميتة
انا دار راجلي هناك عملية ، وبلفقايص ديالهم الله ياخذ فيهم الحق ، كنأك هنا الممرضات والممرضين ، الله ينتقم منهم شر انتقام ، بفقصتهم ، خلاو السكري عندي من 1,20 لحتى ثلاثة دياللغرامات حتى لثلاثة وثمانين ، و راكم عارفين عواقب عدم استقرار السكري
راني اول ما دوزوها علي حطيت موضوع كنتكلم على الممرضات ، قالك اسمهم ملاك الرحمة ، هذوك ملاك العذاب ، اما الطبيب لي ضربك ، محال هذاك واش انسان لان مهنة الطب قبل ان تكون تجارية خاصها تكون انسانية ، هذشي راه خاصنا نديروه في الفيس ، ماشي غير هنا

اختي مسكينة الصيف لي فات وصل موعد الولادة ملي كتمشي كيردوها شي اربعة ديال المرات وقالو ليها سيري حتى طرطق السقية اوا ولينا شفنا واحد البروفيسور تما صاحبت واحد السيدة كنعرفوها وصات عليها اوا جاب الله ديم الليلة طرطقات ليها السقية اوا قالت لي دار فيها الطبيب علاش بقيتي حتى طرطقات السقية قالت ليه راه انت لي رديتيني ونكر هههه صراحة حنا عيينا فيها تمشي لكلينيك قالت ليك منبرزط حد معايا حيت شفنا فالولادة الاولى ضربو بالمقص قبل ميشد فيها البنج مسكين غوتات وبداو تاني اعايرو اوا واحد الممرضة دخلات لفين ناعسين النافسات قالت لصاحبتها اوا عاد صبغو والله هاد الصباغة حتى خسارة فيهم قلت لاختي قولها راه حنا هادي دايرينها غي فبيت الصابون اودي الله اهدي ماخلق

الحمد لله اختي على سلامتك
دعيهم للواحد القهار ياخد فيهم الحق معرفتش هد الناس كيفاش غدي اكون عقابهم

حسبي الله و نعم الوكيل
انا شفت ما داز على بابا الله يرحمه في السويسي و في مولاي عبد الله
الله ياخد فيهم الحق لا ممرضات لا اطباء كلشي عديان