عاجل إلى الأخت أم الباتول

السلام عليك أختي أم الباتولأنا عاد عرفت مؤخرا بلي أنتي طبيبة من فضلك عندي ليك واحد السؤال على الحالة ديال ابنتي أنا ابنتي عمرها ثلاث سنوات و شهراين عندها تأخر في الحركة يعني ماكاتعملش الحركات اللي المفروض يعملوهوم الأصفال اللي في السن ديالها مثلا هي بدات كتمشى حتا وصلات سنة و ثمانية أو تسعة أشهر كانت لا تستطيع الجلوس من وضعية الإستلقاء على الظهر يعني إذا حطيتها على ظهرها هاكداك كاتبقى ماكاتقدارشي تنود بحدها باش تجلس هاكداك كاتبقى على ظهرها بقات على هاد الحال حتى كملات عمين تقريبا وملي كتمشا و كان فيدها شي حاجة و صاحت ليها ماكاتقدارشي تحني ن الأرض باش تهوزا و إدا جلسات ماكاتقدارش تنود توقف خصها ضروري تشبر فشي حاجة باش تنود , وعندها أيضا دابا تأخر في الكلام ماكاتنطقش مزيان و ماكاتقولش جملة مكونة أكثر من ثلاث كلمات أنا موسوسة من جهتها مرة تنشك يقدر يكون عندها ضمور في العضلات حيت من كتمشي ن البارك بش تلعب مع الأطفال ماكاتقدرش تعمل نفس الحركات اللي كيعملوها الأطفال اللي في السن ديالها ياعني كاتعمل مجهود باش تسلق بعض الألعاب و لو كانو بساط نوعا ما , و في بعض الأحيان كنشك يكون عندها خمول في الغدة الدرقية حيت عندها تساقط في الشعر و نقصان الشهية مع أن الجسم ديالها كايبان ماشي ديال المكلة اللي كاتاكول يعني غليضة شي شوية ماشي بزاف كتوزن 16 — 17 kg و عندها بطن شوية تأخر طفييييف في الإستعاب و للإشارة حتى أنا عندي خمول في الغدة الدرقية كتشفتو شهراين بعد الولادة ديالها على هايدا كنشك يكون حتا هيا فحالي مع العلم أني عملت لية ديك تخاليل اللي تيديو الدم من أسفل القدم عملتها ليها شي أسبوع بعد الولادة ديالها حيت هنا في أروبا إجباري تعمل هاد النوع ديال التحاليل للرضع ا النتائج خرجو ليها كولشي مزيان و ديتاه هنايا عاد طبيب الأعصاب و قال بللي ماعاندها حتشي مشكل في الأعصاب مع العلم راه الطبيب ماعمليها لا رنين معناطيسي لا والو غير شافليهاالعضلات ديالها و طرح علينا بزاف ديال الأسلة عليها و قال راه ماعندها لا مشكل في الأعصاب لا والو المهم سمحلي حبيبة إذ طولت عليك ونتمنى تجاوبيني الله يجازيك بألف خير و يجعلها في ميزان حستاتك إن شاء الله وإدا شي سؤال على الحالة ديالها أنا رهن الإشارة و السلام​

---

uh[g Ygn hgHoj Hl hgfhj,g

اختي انا دخلت غي ندعي معاك
الله يفرحك بيها و تشوفيها كيف تبغي

آمييين الله يرحم ليك الواليدين يا أختي و شكرا بزاااف

الله افرحك بيها ان شاء الله و تشوفها عروس قمر 14 . لمهم دوك الاعراض يمكن يكون كما قلتي من الغدة الدرقية + البشرة كتكون ناشفة و جافة + القبض المزمن في اغلب الاحيان قلة العرق+زيادة الوزن رغم قلة الاكل.. لعندو ضمور ف الغدة تكون (بحال الى مكلخ و بطئ ف كولشي) بنتك ما يكون فيها باس ان شاء الله .

اللهم آمين أختي وشكرا على ردك العطر

​أختي أم الباتول من فضلك جاوبيبي الله يجازيك بخير و حتى الأخوات اللي عندها شي تجربة تفيدني الله يجازيكم بخير

ختي ماعندي حتى فكرة ولكن نصيحة ديها للبيدياتخ فاقرب وقت لان كل ماكان الطفل صغير والعلاج بكري كيكون احسن.الله يشافيها ويعافيها ليك

الله يشافيها ليك ان شاء الله وتشفيها كيف بغيتي وتشوفي وليدات وليداتها ان شاء الله

احبيبة الله اشفيها لك اختي
ولكن را ام البتول مريضة مسكينة دعيو معاها را عطاها طبيب 10 متنوضش تبقا على ظهرها

اللهم شافيها و عافيها ياااارب واشفيها أنت الشافي شفاء لا يغدر سقما