عاااااجل البنات جاوبوني

انشاء الله غدا غتجي عندي واحد السيدة باش تصبنلي زربية وموكيط ومانطة وكوفرلي وتحكلي شي ماعن ماشي بزاف كوكوط وبرمة ديال سكسو وشي كاسرونات والصراحة الوقت شوية مزيرة ومعرفتش شحال نعطيها مع العلم المانطا والكوفرلي نقيين فيهم غير ريحة الغمال حيت كانو مخبيين فالماريو
ما بغيتش نضيعها فعرقها واش 150 درهم كافية اولا قليلة
عفاكم ط¬ط§ظˆط¨ظˆظ†ظٹ والف شكر مسبقا

---

uhhhhh[g hgfkhj [h,f,kd

عفاكم البنات فيدوني الله يسر امركم

اختي شوفي تمرا اللي غتحيد عليك السيدة او نتي الى درتيها كيغادي تعياي او الضروف د السيدة اللي خلاتها تخدم فالديور انا من نضري 200 درهم كافيا خصوصا الى كانت مراة كبيرة شوية

اه اختي عرق بنادم واعر راه غير الظروف اللي مزيرة شوية هاد الايامات اما انا نعطيها بزايد واحتا الجهد معنديش اللي ندير كلشي بوحدي
بارك الله وفيك اختي والف شكر لاهتمامك

اوا اختي 150 درهم كافية نتي اللي عارفة ضروفك او الله اسهل على الجميع اختي حنا هنا اختي راه خوت الحمدو ليلاه

او هانتي اختي دخلي لهاد الرابط راه افيدك فتيسير امور دارك بلا متحتاجي تا واحد

السلام أختي أنا كنضن 150 كافية او إلى معمرتش لك عينك عطيها شي حويجات لي ما بقيتوش كتلبسو شي سببطات أي حاجة هكدا كنديرو حنا نتمنى نكون فدتك

انا كاتبان ليا 150 درهم مزيانة و كيف ڭالت الاخت عطيها شي حاجة من الدار ايلا عندج زايدة و حتى شوية الماكلة
الحمد لله اللي كاتفكري هاكا راه كاينين العيالات اللي كاديرو ليهم هادشي كولو و في الاخير تڭول ليها صايبي المسمن و تعطيها يالاه 100 درهم
راه حتى هما مساكن ربي اللي عالم بيهم شنو هي ظروفهم اللي خرجاتهم و لهلا يجعلنا ناكلو عرق ش واحد

كنضن اختي يلا كانت غتبقى النهار كامل 150 قليلة و الله اعلم على الاقل 200 ويلا كانت غتمشي من عندك ماخر الحال فالظلام شدي لها طاكسي و ما عرفت هدا نظري و نتي تعرفي و الله يكون فعون الجميع و لا هلا يحوج شي مسلم لشي حد

السلام عليكم
اختي هيا اصلا من قبل ماتجيبيها لدار كتسولك شنو عندك وكتقول ليك شحال
اتعطيني الى ماعجبهاش راه كتقولها ليك تم تم والى بغات راه كتجي راهم كيضربو حسابهم
الله يسر الامور لجميع راه الدنيا صعا ا آ ابت الله يحسن اخرتنا يارب