طورطة بالكريمة مزينة بوريدات

5 البيضات

150 سكر

150 دقيق

فاني

مقادير الكريمة

250 جبنة الماسكربون

200 قشدة طرية مضربة

100 كراميل

ضربت جبن الماسكربون مع الكراميل حتى ندمجو و ضفت لهم القشدة الطرية مضربة و خلطت كلشي

لتحضيرالكراميل عملت كأس سنيدة في كسرونة على نار مهيلة حتى أصبح لونه ذهبي و ضفت له نصف

كأس قشدة طرية سائلة حركتو مزيان و طفيت عليه خليتو برد و خذيت منو القياس لي محتاجه

للجينواز ضربت السكر مع البيض مزيان ثم ضفت لهم الفاني و الدقيق مغربل خلطتهم بشوية وفرغت العجين في المول وطيبتو

بعد ما برد الجينواز قسمتو على 3 خذيت الأول سقيتو بسيرو ثم طبقة من الكريمة و نفس الشئ لطبقة الثانية

غطيت الكيك كامل بالقشدة الطرية مضربة ثم عملت طبقة ثانية من القشدة على وجه الطورطة

تكون سميكة و عملت عليها تموجات بالفرشيطة

زينت الجوانب بالقشدة و عملت وريدات على الوجه بالقشدة

و عملت خيوط بعجينة السكر باللون الأخضر على شكل غصون

مقادير عجينة السكر

250 سكر كلاصي أو أكثر

ورقة جيلاتين

15 غرام ماء قياس 2 معالق كبار

8 غرام زبدة قياس معلقة صغيرة

25 غرام عسل قياس معلقة كبيرة

ملونات غذائية

رطبت ورقة الجيلاتين في ماء بارد 10 دقايق وضعت العسل و الزبدة و الماء في كسرونة

على نار مهيلة حتى داب كلشي ضفت لهم الجيلاتين بعد ما عصرتها من الماء

طفيت عليه و ضفتو مباشرة على سكر كلاصي نضيفو السكر حتى نحصلو على عجين متماسك

طريقة باش صايبت الوريدات في هاد الرابط https://www.anaqamaghribia.com/vb/sho…606&highlight=

و زينت بقليبات ديال الفنيد و عملت مربى سائل مع شوية السكر و ملون أخضر على نار مهيلة

حتى ندمجو عملتهم في قمع من ورق الزبدة و عملت به نقيطات على الوريدات