السلام عليكم ورحمة الله تعالى وبركاته
oum hedayah
10-16-2019
المهم هاد الطورطة صوبتها ظ„ط¨ظ†طھظٹ وخداتها معها للروض و قلت نحطها تشوفها
درت 2 جنوازبالشكلاط وابيض
المقادير والطريقة :3بيضات نعزلو 2 بياض ونطلعوه
وناخد باقي البيض ونخدموه مع9 م ك سكر سنيدة+1فاني+9م ك حليب+1م ك ونصف زبدة باردة+م ك ونصف كاكاو +2 خميرات+8م ك طحين ونخلطو الكل بالطراب الكهربائي ونضيفو عليه ابيض البيض ونديروها فمول مفرش بالورق وندخلوها طيب
وبالنسبة للجنواز ابيض نفس المقادير غير نحيدو كاكاو ونديرو فبلاصتو طحين وقشرة ليمون محكوكة(ودائما الطحين حسب النوعية ممكن نزيدو وممكن نقصو)
بالنسبة الكريم بالليمون:رابعة د الليمون مع عصيرنصف حامضة ومعلقة كبيرة بودرة كريم باتسيير والسكر حسب الدوق نديرو الكل فوق النار حتى يعقد ويبرد ونضيفوه على قشدة طرية مطربة مع السكر وفاني ونزيدو معاها 2 معالق الكوك (هاد الكريمة بغيناها للداخل الطورطة)
الطبقة د الشكلاط:250مل قشدة طرية+300غ شكلاط مخلط اسود وشكلاط بالحليب نديروهم فوق النار حتى يندمجوويبردو ونضيفو عليهم 50غ لوز ايفلي محمر+2م ك كوك+50غ بسكوي للي كنديرو لوليدات مع الحليب او كورن فلكس نهرسوه شوي
وبالنسبة للخارج د الطورطة قشدة طرية مطربة مع فاني وناخد منها شوي نخلطوه مع ملوينات
ورسمت الصورة د Dora فوق الورق وقلبتو وعاودت عليه بالشكلاط ودرتو فالمجمد
وقسمت كل جنواز ل 2اقراص وبديت بالجنواز الشكلاط ودرت كريمة د الليمون وجنواز ابيض ودرت الطبقة د الشكلاط ودرت جنواز ابيض ودرت كريم د الليمون وختمت بجنواز الشكلاط وغلفتها بالكريمة بيضاء ودرت فالجناب شعرية الشكلاط وحطيت الرسم الوسط وعمرتو بالكريمة مع الملوينات
والصور تشرح اكتر
وهاهي فاش كملتها
وكيف جاتكوم Dora فالطبيعة وكتشمش مزال هههههههههههه
وهدي درتها لينا حنا للدار واه علاه نتعدب ومنكولش ههههههه
وها هما بجوج
وهاني قطعت طريف باش تشوفها من الداخل
وللي ردت عليا الاولى حلال عليها
ايوا الا مفهمتوش شي حاجة انا رهن الاشارة
وايلا عجبتكم شي دعيوة د الخير ولكن بالمتل
‘,v’m Dora ggd whdfj gfkjd lg[ dora whpfm
الهه يعطيك الصحة وشهيتني فشي طريف
الله يعطيك الصحة غزااااااااالة وباينة فيها لديدة غير سوال داك لكوك مجاش باين فيها بزاف
حيت معنديش معاه بزااف هههه وشكرا الله يحفض ليك لكتكوتة وتشوفيها كيف تمنيتي ولجميع بنات المسلمن
الله يعطيك الصحة و الله يخلي لك بنيتك و تفرحي بها و يجعلها ربي من عبادو الصالحين
احسن تقييم من عندي
جاتك غزااااااااالة
بصحتكم والله يحفظ ليك البنوتة