طلب من الحبيبات . الله يرحم ليكم الوالدين

‘gf lk hgpfdfhj >>> hggi dvpl gd;l hg,hg]dk

لا الحبيبة ما كاين حتى شي ازعاج على الراس والعين
بالنسبة لعجين السيراميك راها خاصة اما ديال الملح فراها خاااااااايبة
المقادير: 2بكيات مايزينا + حك ديال الكولا dynaglu +ملعقة كبيرة فازلين +ملعقة كبيرة glycerine +ملعقة صغيرة formol + اربعة ملاعق من الماء
الطريقة : في اناء مثلا بانيو صغير ديري الكولا +الكليسيرين+الفازلين+الفورمول +الماء خلطي مزيان عاد زيدي مايزينا وخلطي الكل مزيان حتى يولي بحال عجين الكيك
ديري مقلاة طيفال تسخن غير شوية وحيديها من فوق البوطة وكبي الخليط وعاد عودي حطيها فوق البوطة على عافية مهييييييييلة وانت تتحركي ما تحيديش يدك على التحراك راها غادة تبدا تتقال وتجمع ملي تبان ليك نشفات وتجمعات حيديها من فوق البوطة ودهني يدك بالفازلين وخوي العجين فوق البوطاجي لي تكوني دهنتيه بالفازلين ودلكيها شوية ما حدها سخونة راها غادة تشويك في يدك ولكن غير صبري دلكيها مزيان وغطيها بشي زيف وخليها حتى تبرد شوية ماشي بزاف ومرة مرة ديها وجيبيها وملي تبردشوية ديريها فشي زيف وميكة وسدي عليها مزيان وبداي تاخدي منها لقياس وتسدي على الباقي ماخاصهاش يضربها البرد وراه الفورمول تيعمل كمعقم ماتخسرش واخا تبقى حتى شهر
الحبيبة خاصكي تعرفي بلي راه هاد العجين مسموم يعني جميع الادوات لي تتخدمي بهم :مقلاة بانيو ملعقة العود لي تتحركي بها كلهم تخليهم خاصين غير للعجين راهم مسمومين

منين تشري ؟: الفازلين والفورمول والكليسيرين كلهم تنشريهم من محل بيع لوازم فن السيراميك اما الكولا فمن عند دروكري تدير 15درهم مايزينا من الحانوت

وعادي يخصك القطاعات بحال ديال الحلوى +ستيلووات ديال الترفال من عند بائع لوازم السيراميك +ومدلك +وميكة شوية غليضة تبداي تسرحي فوقها العجين +وكريم نيفيا دهني بها يدك ودهني بها الميكة باش العجينة تمشي بسهولة وما تلصقش + سلك خاص بالورود ديال السيراميك وكاغيط بحال اللصقة باش تغلفي السلك .السلك واللصاق ديالو حتى هما من عند بائع لوازم السيراميك

الفورمول راه مسموم وخطير بعديه على الاطفال وحتى عليك حطيه في شي بلاصة عالية وماتقيسيهش بيدك تقدري تحكي عينيك راه تيحرق الى كنتي غادة تخدمي بالعجين كلها في اسبوع بلا ما ديري الفورمول ديري غير شوية الملح العادية الفورمول الى كنت باغة تحتافضي بالعجين مدة اكثر من اسبوع