طلب لاخواتي فهاد لعواشر

اخواتي رمضان مبارك وكل عام وانتم بالف صحة وعافية بغيت عافكم طريقة صوبة العادية والشوربة ديال السميدة بالحليب منسمة او اي حاجة خفيفة ظپظ‡ط§ط¯ الصهد حيت لحريرة مكيكلهالي حتى واحدغير كنهرقها الله يسامح علينا بغيت داكشي يكون عادي الي كديرو فديوركم الله يعطيكم متمنيتو ظپظ‡ط§ط¯ الشهر المبارك

---

‘gf gho,hjd tih] gu,hav

السلام عليكم بالنسبة لحسوة دالسميدة كتديري الما فالكاسرونة حتى يطيب ونضيفو لها السميدة والنافع حتى تطيب عاد ضيفي الحليب وخليها شوية وطفي عليها .والحسوة دالدشيشة ديري الدشيشة فالماء سخون حتى تطيب ثم ضيفي الدقيق مخلط بالماء حتى الطيب وضيفي شوية الزعتر مطحون وخليها شوية وطفي عليها . وبالصحة والراحة

ا حبيبة بالنسبةللحريرة د السميدة كتردي الماء يغلي وتزيدي فيه الملح والزيت البلدية والسميدة فاش كطيب كتزيدي شوي نافع مدقوق والحليب بزايد وتخلي كلشي يغلى راه كتجي بنيينة

وبالنسبة للشوربة كتحكي بصلةوتشحريها وتزيدي طريفات د الدجاج وتشحري وتزيدي خيزو مبشور غليظ والمعدنوس مقطع وعاد ضيفي ضامة د البنة وشوي ملح وابزار و سكنجبير وخرقوم بلدي وتشحري وديري الماء فاش يغلى مزيان ضيفي الشعرية وخليها حتى تطيب راه كتبقى خفيفة وكتجي راااائعة
كنتمنى نكون فدتك وعواشر مبرووووووكة

تبارك الله على الأخوات الحادكات ..نزيدك اختي واحد الصوبة خفيفة وبنينة تديري 4 حبات خيزو مقشرين ومقطعين و2 بطاطات مقطعين مربعات وراس ديال البورو والا ما كانش ديري نص بصلة مشلضة وزيدي شويا الزيت والملحة والابزار وسدي عليها تطيب وخليها تبرد وطحنيها في مولينيكس وزيدي عليها جوج فرماجات وملي تطحن مزيان رديها في الكوكوط وزيدي عليها نص لتر حليب وحركي حتى تغلى واحد الشويا وطفي عليها وبالصحة والراحة

لهلا يخطيكم قلولي عافاكم منين كتقولو السميدة واش كتقصدو السميدة دالحرشة والددشيشة هي القمح مشرد اولى صبرو معايا وصححو لي اخطائي

وبالنسبة للصوبة ديري بصلة+مطيشة+خيزو+بطاطا+كرعةخضراء+معدنوس+الزيت البلدية والملح والابزار والضامة د البنة وسكنجبير وتشحري وضيفي الماء وتسدي الكوكوت فاش تطيب طحنيها بماها فمولينكس غير ميكونش بزاف وطحني معاها2 فرماجات ورديها تغلى
كنتمنى ينفعوك هاد الوصفات وتجربيهم على حسابي

اختي الا كتبي السميدة الرقيقة او الغليظة راه ب2 زوينين
والدشيشة هي البلبولة د الشعير

ام فاطمة نورتي الصفحة ديالي انت والاخوات لهلا يخطيكم كل نهار نجرب وصفة من وصفاتك ونرد عليك نتمنى نتلقاو فمشاركات اخرى