طلب بخصوص الحلوى الشباكية

صباح النور عليكم.الله يخليكم ممكن وحدة من الانيقات كاتقن ط§ظ„ط´ط¨ط§ظƒظٹط© تحط لينا المقادير والطريقة بالتفصيل الممل وكذلك الطريقة ديال العسل في البيت وتشرح لينا بالتدقيق الخطوات ،انا جربتها جوج مرات وجات حالتها وشبعت بكا وتصهطت فالفراش حيت دوزت رمضان بلا بيها وماكاتعجبنيش ديال الزنقة وانا عايشة فالخارج ماعندي منين جيبها واللي زاد كمل عليا طلبت من واحد الصديقة تعلمني كيفاش نصاوبها صدماتني وقالتلي لا هاكا عيني عينك وبطبيعة الحال السمعة ديال ولات فالحضيض ولكن انا عندي ثقة كبيرة فهاد المنتدى الغالي اللي بالفعل استافدت منو بزاف والوصفات ديالو رائعة واخا راني مقلة فالمشاركات حيت ظروفي ماكاتسمحش نكون ديما معاكم هنا راكم عارفين الترابي.ممكن تحطو الطريقة فموضوع خاص باش كلشي يستافد وجازاكم الله الف خير

‘gf fow,w hgpg,n hgafh;dm

اختي مونيا شكراً بزاف ،ايوا كي ندير نشبكها ههههههههه!!!!!

اختي ماعندك علاش تبكي او تفقصي راسك ان شاء الله تعلمي تصوبيها وتجيك غزالة غير ملي تجربي دير كمية قليلة باش ماتوحليش وحتى تشوفي النتيجة عاد زيدي وبالنسبة للسيدة لي مابغات تعلمك سبحان الله الواحد كيحسب ليه تزاد معلم راه حتى واحد ماتزاد معلم وهانقولها لك وترحميني عليها ديري راسك فيها تعلميها راك غادي تعلميها والله شحال من حاجة تعلمتها غير بالفقصة ديال شي اخوات تقولها وريني تقولك سامحهم الله والله يهدي الجميع المهم اختي هاك طريقتي https://www.anaqamaghribia.com/vb/sho…84#post7604184 وها فيديو للاخت ام ريان للتشباك ان شاء الله يكون واضح https://www.youtube.com/watch?v=aEEvlzyMCHg مافهمتيش شي حاجة سولي ماتحشميش

المشاركة الأصلية كتبت بواسطة بسمة 2

آه عندي استفسار انتي اللي جبدتي النحل عليك،واش نقدر الشباكية منديرش فيها اللوز حيت الطحانة ديالي غير كانفرفشو ماكايجيش مدعوق وحاجة اخرى الى بغيت ندير اللوز فيها كيفاش ندير نطحنوبالضبط حيت واحد السيدة قالتلي راها ديك الطحانة اللي عندك مزيانة ولكن انا فاش درت بيها العقدة جاني باقي اللوز مرفش وحاجة ثالثة دابا انا ماعندي حد اللي يعاوني واش فنضرك نقدر نصاوب الشباكية بوحدي بلا مساعدة.انا صوبتها جوج مرات مرة جاتني فالمذاق زوينة والشكل مكفس ومرة خمراتلي ماجيت نقليهم حتى ولاو قدهم قداش ههههه.هاد العام الى ماصوبتهاش ماغاديش نرتاح وحتى من المغرب شكون هادا اللي غادي يجيبهالك ونزيدك حاجة خرى راهم كاينين شي عيالات كايوريوك الغلط مازال الى قالولك لا كاتكمديها وتسكتي الكارثة فاش كايقولولك مرحبا ويعطيوك كلشي غالط .حبيبة شكراً بزاف وسمحيلي ونتمنى تجاوبيني

المشاركة الأصلية كتبت بواسطة lalla salma

ههههههه مرحبا سولي نعم تقدري ماتديريش اللوز والا بغيتي تدعقيه كتقليه وكطحنيه وتزوليه وتعاودي تطحنيه مرة ثانية كيتدعق .نعم اختي انا ديما كنصوبها بوحدي غير ماتديريش بزااف يعني كيلو او نص كيلو باركة باش تقدري عليه وماتغلبكش الخميرة ماتديريش خميرة معجونة غير خمارة باش ماكتفيضش فيها الخميرة وتعذبك .لا غادي ترتاحي ان شاء الله غير زعمي وصوبيها وتوكلي على الله وانتي خذامة فيها وانتي كتستغفري الله ربي غادي يرزقك العوين ودغيا غادي تلقاي راسكم ساليتي وتجيك فالشهوة باذن الله. عندك الصح كاين لي يعطيك الغلط ومااكثرهم وجربتهم حتى انا الله يعفو عليهم وخلاص. العفو اختي الشكر لله واي سؤال مرحبا .

متابعة معكم

أختي شوفي ديري كوكل و كتبي أم فدوى باش تشوفي الشباكية والعسل راه أختي جربتها زوينة بزاف

om fadwa

المشاركة الأصلية كتبت بواسطة بسمة 2

ههههههه مرحبا سولي نعم تقدري ماتديريش اللوز والا بغيتي تدعقيه كتقليه وكطحنيه وتزوليه وتعاودي تطحنيه مرة ثانية كيتدعق .نعم اختي انا ديما كنصوبها بوحدي غير ماتديريش بزااف يعني كيلو او نص كيلو باركة باش تقدري عليه وماتغلبكش الخميرة ماتديريش خميرة معجونة غير خمارة باش ماكتفيضش فيها الخميرة وتعذبك .لا غادي ترتاحي ان شاء الله غير زعمي وصوبيها وتوكلي على الله وانتي خذامة فيها وانتي كتستغفري الله ربي غادي يرزقك العوين ودغيا غادي تلقاي راسكم ساليتي وتجيك فالشهوة باذن الله. عندك الصح كاين لي يعطيك الغلط ومااكثرهم را وجربتهم حتى انا الله يعفو عليهم وخلاص. العفو اختي الشكر لله واي سؤال مرحبا .

شكراً حبيبة بزاف وجازاك الله الف خير على المساعدة الطيبة

طلب بخصوص الحلوى الشباكية

اترك تعليقاً إلغاء الرد