طاجين بالخضرة منوعة اتفضلو

25-02-2019

السلام عليكم اليوم جبت ليكم واحد الطويجين صايبو البارح للعشا وهدي اول مرة نجرب الطاجين بهاد الكمية ديال الخضرة موالفة غير البصلة ومطيشة اولا خيزو وبطاطا البارح جابو ماليين الدار خضر ظ…ظ†ظˆط¹ط© من السوق كلت خليني نجرب شي ط·ط§ط¬ظٹظ† يمكن يجي حلو هههههههههههههه يلاه ندخلو فالمعقول
غادي نحتاجو اللحم انا درت غنمي التوابل (قزبر/معدنوس/ملح/ابزار/تحميرة/زعفران/كمون/سكنجبير/خرقوم/زيت الزيتون وزيت المائدة/معلقة ديال عصير الحامض [IMG][/IMG]
هاد المقادير كلها تخلط ونشرملو فيها اللحم من بعد نجيبو الخضرة غادي نحتاجو
بصلة/خيزو/مطيشة/كرعة خضرة/البروكولي /اللوبيا خضرا/بطاطا/الفول /واحد الفلفلة حارة /الزيتون للتزيين
[IMG][/IMG]
ندوزو للطريقة بعد مانشرملو اللحم نحطوه على جنب ونفس الشرمولة نشرملو فيها جميع الخضر الى مابقاتش لينا نزيدوها من بعد نجيبو الطاجين نفرشو فيه البصلة المقطعة دوائر ومشرملة
[IMG][/IMG]
من بعد نحطو اللحم فوق البصلة
[IMG][/IMG]
فوق اللحم نديرو اللوبيا خضرا ومن بعد الفول
[IMG][/IMG]
[IMG][/IMG]
من بعد نستفو بقية الخضر الكرعة وخيزو وبطاطا
[IMG][/IMG]
وفي الاخير نزوقو بالبروكولي ومطيشة مقطعة دوائر والزيتون والفلفة الحارة
[IMG][/IMG]
من بعد نقصو عليه العافية نخلوها غي شوية باش يطيب على خاطرو ومايتحرقش والى خصنا الما نزيدو شوية باش مايجيش باسل وبالصحة والراحة سمحوليا ماصورتوش مللي طاب حيت ماشي انا اللي حطيت العشا وغي تحط زربو عليه ههههههههههههههههههههه