صابلي بالكاكاو والشكلاط

للتزين : 125 غ شكلاط دايب ورقائق اللوز أو لوز مهرمش

الطريقة :


أول حاجة نخلطو الزبدة مع السكر الصقيل حتى نحصلو على كريمة
نغربلو الفرينة والكاكاو ونضيفها للخليط ديالنا
نخلطو مزيان ونضيف جوج معالق حليب ورشة ملح
الخليط المحصول عليه خاص يكون ما قاسح بزاف ما رطب بزاف

نعملو الفرن يسخن على 180


نوضعو الخليط ديالنا في جيب الحلواني ،مكانش عندي عملت الطريقة ديال واحد الأخت في المنتدى معقلتش على اسمها الله يجزيها بخير ، كتخدي بلاستيكة غدائية وبسكين سخون كتقطعي من راس لراس المخالف له بش تحصل على جوج جيب حلواني ، هكدا عديت بنسبة لمعندهش ، وعملت فيه البوق الداخل وزيارتو بسكوتش هههه صحة خاص يصدق وربي كبير

نعملو العجين على شكل قضبان صغيرة 5 أو 6 cm طول

ندخلهم الفرن المسخن مسبقاً 12 دقيقة وضروري من ورق الفرن نكونو مفرشينو

منين نخرجهم نخلوهم يرتاحوا حتى يبردو ، أول ما تخرجو تيكونو مقرمشٍ من برا ومعلكين من الداخل ومنين تبردو تماماً تيولي عندهم نفس القوام

ندوبو الشكلاط
نغطو النص ديالهم ونزينوهم بلوز أو رقائق ديلو أو الموجود وحسب الرغبة
كجو غزالين بزاف بزاف ، متشبعوش منهم وهاد المقادير كتعطنة تقريباً 30 وحدة

بصحة وراحة اخواتي أسأل الله إعجبوكوم سواء جربتوهم أو لا ههههه

ويا سلام إلا قدمتو معاهم شي كويس القهوة معطرة هههه وقدمتوه لناس لعزاز عليكم ، بحل لمزوجة تعمل زوجها بحل هاد طبسيل هههه غادي يرضي عليها أكيد ولا تنسونا من الخلاص راكم عرفينو ههههه صالح الدعاء ديلكم

السلام عليكم ورحمة الله وبركاته