شوية ونقتل ولدي بالاعصاب والفقصة

عندي تربية ديال 3شهور وعامين كنت هازاه كنهدرو ظˆظ„ط¯ظٹ لآخر كيلعب ونا نحيد ليه لعبة من اديه وهو اطيح علية وتضرب راسو مع ظˆظ„ط¯ظٹ لفعمر تلاتة شهور حتى غوت مسكين بحر الضربة حت تسمعات ونا نوض سلخت كنت غنقتلو ط¨ط§ظ„ط§ط¹طµط§ط¨ ضربتو وقرصتو وجبت ليه الشعر مبقيتش حاسا براسي وسديت عليه بدأ كيبكي حتى نفس عافاكم شكون وقع لها بحالي واش نديه عند طبيب

---

a,dm ,krjg ,g]d fhghuwhf ,hgtrwm

الله يكون معك اختي حسن عوانك 2 وليدات مقاربين صعيب الحال مافهمتش دابا شكون لمضروب صغير 3 شهور ولا عامين؟
ياك بعدة تيتجاوب معك فين تتهدري معه ؟عندو حروح ولا شنو الله يعينك على تربيتهم مايكبرو تيشيبونا الله يسمح لينا من الوالدين .

الله يا ختي مالكي عليه ما دارهاش ليه بلعاني
ملي تعصبي مع وليداتك بقاي تقولي اعوذ بالله من الشيطان الرجيم باش يمشي الغيظ
وحاجة اخرى ما تبقايش تسدي عليه مسكين ملي يكون يبكي راه خايب ليه

دابا انتي واش خايفة على الكبير ولا الصغير
الا على الصغير راه عادي ربي تايحفظهم ما تخافيش ياما تايطيحو طيحات خايبيب و ربي تايحفظهم

اختي عند ك الحق ونا فالغربة وبعيدة على المدينة قولي كاينة فقرية وراجلي خدام ونا بين ربعة دالحيوط الحمد لله وكنتعصب على ولدي لعند عامين هو لمحني أما الصغير مسكين غير ارضع ويلعب اختي راه خايفة على ولدي الصغير لعند تلات شهور حت فاش ضربو خوه براص كان كيرضع وطلق غوتة خفت عليه واش نديه عند طبيب هو دابا عادي ناعس كلهم نعسو بالبكاء

الله يكون معك اختي حاسة بيك حيت تانا مغربة هذا هو نصيبنا الحمد لله على كل حال منين ناعس ماتخافي عليه والو حيت كون كانت ضراه شي حاجة كون يبكي مايسكتش لك وماينعسش ليك تتكون الملائكة حمياهم .نت فين يفيق بقي تغاغي ولعبي معه بصبعانك كما تنلعبوا معهم وشوفي واش ايتبع اصابعك وعطيه يرضع ايلا خاذ البزولة راه كل شي مزيان وغير صبري معهم ان شاء الله يكبرو ويتهدنوا وضمنينا عليه .

ختي موالفين كنسدو عليه حيت هادا هو الحل باش منضربوهش بزاف كيبكي ويغوت ومنبعد نحل ليه وهكذا كيخاف اتعاقب اختي انا خايفة على ولدي الصغير لفعمر تلاتة الشهور

ما تخافيش عليه اختي
انا ملي كنت صغيرة طحت لماما من الحمال للارض على راسي و الحمد لله ما وقع لي والو هههههههههههه

اختي بالنسبة للسدان على الدراريو الصغار كنت قريت في واحد المنتدى واحد السيدة سدات على ولدها كان يبكي ملي حلات تاتسمع الدري ومالقاتوش وجابو شيخ قرا القرآن وقاليها راه داوه الجنون نسأل الله السلامة بقاي تعاقبيه وقفيه في القنت ديال البيت هكاك كنا نديروا في المدرسة راه قدام فينيك والدراري الصغار ما تايحملوش le coin

الله ياختي ومالك كتخرجي اعصابك فهاداك لوليد .والله تا حاسا بيك حيت فاتو عليا جوج بحال عمر ولادك .
بلاماتخافي الا ما رجع ماوالو راه ماتخافيش عليه .وملي بكا نيت مزيان .دهني ليه البلاصة بالزبدة راه مزيانة لزروقية .ونت الا بغيتي نصيحتي خودي واحد دوا كيريح الاعصاب وماتخافي راه ماشي مهدء لي ممكن تدمني عليه سميتو Neurexan تلقايه فapotheke .حيت راكي عارفة بحالي بحالك مغربين وحتى انا فاتت عليا ايااااام بنتي مسكينة هيا لكبيرة وتعلمت فيها مسكينة والله شي عصا كنت نعطيها ندمت ندمت وكل مرة نقول ليها سمحي ليا على مادوزت عليك .هادا ماشي دوا كانت عطاتو ليا طبيبة حيت وصلت لحالة اكتئاب وراكي حتى نت الا مارديتي بالك توصلي ليه الله يستر .بالصح لا حنين لا رحيم وعاد رجال ماهازين ماحاطين ويزيدوك تا بالهضرة والتعاليق يكملو لك لي بقا .المهم اختي والله تا فكرتيني فراسي وحسيت بيك .الله يوفقك معاهم والله يصبرنا مع وليداتنا

عن طريق : samsung – SM-N9005

شوفي وحتى ولدك كاينين واحد لحبيبات كيهدنو خرجاتهم لي طبيبة لولدي 3 سنوات وماكيتسنطش وعاطيها غير لتهرنين ولبكى وتاحاجة مكتعجبو
سميتهم* chamomilla تاهما تاخديهم فراي من الافارماسي .والله تا الولد ولا بعدا يضحك لي ضحكتو شحااال هادي ما شفناها وحتى لعصا مابقا مسكين ياكلها .

عن طريق : samsung – SM-N9005

السلام عليكم
شوفي اختي سبحان الله انا كان طاري ليا بحالك تقريبا كانت عندي بنتي وزادت عندي بنيه الحمد لله اكتشفت انه البنت الكبيرة لي كان عندها عامين هداك الوقت كتغير وكانت هاديه عير تزادت عندي اختها وهي تبدل حيت غارت من اختها
انا عاودت ليك باش تفهمي وليدك لي عندو عامين وممزيانش اختي تسدي عليه واخه معرت اشنو يدير ياختي نعمه اعطاها ليك الله خاصك تحافظي عليها وما ضربيهش مسكين راه هاديك غير الغيرة لي فيه تيشوفك مسكين هازة واحد اخر في بلاصتو حيت مسكين مفاهمش
متبقايش مسكين ضربيه انا كنت كنت كنضرب بحالك ولكن الحمد لله نصحاتني ماما راكي تقدري تفوتي فيه شي ضربه لي تندمي عليها طول عمرك خدمي اختي القران في دارك بركي معاه لعبي معاه راه حنا كلنا في غربه
بقا فيا مسكين حيت كان عندي نفس المشكل حسي بيه اختي وقربيه لك ومتسديش عليه راه يقدر يتسطا لك الله يحفظه