شهيوة بالسردين روعة

هاد طبق كيجي رائع وساهل في التحضير الى جربتيه مغاديش تبقادي تطيبي سردين عادي
يالله نبداو على بركة الله المقادير والطريقة ديال الطبق
المقادير:
سمك السردين الكمية لي تكفيك انا درت 2 كيلوا
شوية ديال شحمة الغنم ديال الكلوة
كأس روز مصلوق
4 معالق زيتون مشرمل مقطع
1 فلفلة حمراء
1 فلفلة خضراء

(الى مكانتش متوفرة فلفة حمرة ممكن ديري غير خضرة )
ملعقة زيت
قزبر ومعدنوس

عطرية ديال الحوت
كمون
ابزار
خرقوم
سكينجبير
ملح
تحميرة
الطريقة:
تنقي السردين مزيان تحيدي ليه شوك ثم طحنيه في الالة ديال مطيشة
ثم ضيفي عليه شوية شحمة وتخلطي مزيان

ثم تزيدي الفلفل المقطع مربعات والروز و الزيتون وتخلطي مزيان حتى تنسجم العناصر

في الاخير ضيفي العطرية والزيت والملح والربيع

خلطي مزيان ثم عملي من الخليط كويرات مرغيهم في الدقيق

ثم قليهم في الزيت الساخن

جربوه وردوا عليا الاخبار وبالصحة والراحة

---

aid,m fhgsv]dk v,um

مممممممم الله يعطيك الصحة طريقة غزالة وبنينة للسردين تبارك الله على الحداكة

بارك الله فيك الغزالة ديالي دايما منوراني بمواضعيي وشكرا على التثبيت

تبارك الله على ديدو شهيوة غزالة

بالفعل راه كتجي لذيذة و ما كا يكونش غالب فيها ريحت السردين بالزاف

شكرا الزين و لهلا يخطيك علينا

ها ي هاااااااااااي انا جا يا ليك كتديري شهيوات من مورايا
تبارك الله غايك

شهيوة غزالة راجلي كايعجبو السرديل غانجرب الطريقة ديالك إن شاء الله تبارك الله عليك أختي والله إجازك كل خير

الله يبارك فيك الغزالة ديالي نورتيني بالمرور

هههه الزين ديالي بارك الله فيك هادشي غير شوية من عندك ههههه نورتيني الغزالة بمرورك

غير جربيه الحبيبة ديالي على حسابي كيجي روعة مغاديش تستغني عليه مشكورة للمرور الطيب

[align=center]
طبق مميز تبارك الله عليك

[/align]