شنو ديري بالخبز الكارم؟ أجيو نجمعو الوصفات

السلام عليكم ورحمة الله وبركاته

ترميه؟ أوهو!
حنا المغربيات ما كاين عندنا شي حاجة سميتها لوح، حنا حتى من الملابس تا نحلفوهم مساكن، إلى ما فيهم ما يليق نردوهم زيوف الكوزينة ولا جفايف خخخخخ

الخبز الكارم، يا إما ترميه للعصافير والحمام أو تعطيه اللي تا يربيو الدجاج …
ممكن توضعيه في الفرن ماشي حرارة مجهدة يكرم أكثر وطحنيه ودير به chaplure
ولكن كاين لي تا يعملوا طبق
وهذا هو صميم الموضوع
ما هي الأطباق التي تصلح ط¨ط§ظ„ط®ط¨ط² الكارم؟

---

ak, ]dvd fhgof. hg;hvl? H[d, k[lu, hg,wthj

الخبز اليابس بالفرماج : شرائح الخبز ترش بالزيت البلدية و الزعتر و شوية الملح و الفرماج و الزيتون الأسود أو الأخضر مطحون ويدهن به شرائح الخبز و يدخل للفرن يتحمر

تردة بالخبز و القديد : 2 بصلات ، 2 طماطم ، ربيع مكرض ، ثوم ، العدس ، الفول ، ملح ، ابزار ، سكينجبير ، الكديد و الكرداس ، السودانية ، الحلبة حسب الاختيار .

الخبز يقطع طريفات صغار ثم يفور ثم يسقى بالخليط و يقدم بالصحة و الراحة.

أو الرفيسة العمية :
بصلة كبيرة مقطعة على الطول
3مطيشات متوسطين منقين ومقطعين
قزبر ومعدنوس مقبط
ملح+بزار+زعفران او خرقوم سكنجبير
عدس وفول يابس او خضر
نعملوهم فالكوكوت ونصيف ليهم الزيت وشوية السمن ونردوهم فوق البوطة يتشحرو
من بعد نضيف العدس ونخليوه يتشحر شوية ثم نصيف الفول يابس بطبيعة الحل يكونو منقين ومغسولين
ومن بعد نضيف الماء الكافي وضامة البنة بقري ونسد الكوكوت حتى يطيب القوام
ملي يطيب المرق نعمل الخبز مقطع في الكسكاس حتى طلع الفورة
ونزلوه في طبسيل اوو قصرية ونسقيوه بالمرق وهاهو الطبق النهائي

البيتزا : فاش كيشيطو خبيزات كاملين يقسمو من الوسط على العرض و تحضر صلصة البيتزا حسب الاختيار ، يدهن بالصلصة و نضيفة الطون و الزيتون و الفرماج محكوك و يدخلو للفرن وممكن تطبيق هذه الوصفة مع الكومير

عندك الحق اختي راه نيت الضياع حرام علاش نسيبو الخبز انا بعدا مين كيشيطلي الخبز الكارم كنديرو فلفران وكنحكو باحكاكة وكيولي سابلير كنقلي بيه عوض الدقيق
واما كنقطعو دوائر وكنفزكو بالبيض والحليب ونقليه للفطور كيجي رائع

كرات بالخبز الكارم : تجمع كمية من الخبز الكارم ثم تاخذي الحليب و ماء الزهر و القرفة و تعركيه مزيان مع هاد العناصر ثم تديري كويرات صغار بهم ، تطربي 2بيضات و تاخذي النشا و تغطسي فيها الخبيزات و ندخلوهم للفرن تطيب أو نقليوهم في الزيت

الزميتة بالخبز كارم : يفزك الجبز بالماء لمدة 10 دقائق ثم تعصريه و تفرتيه بحال الكسكس و نضيفو ليه المسكة الحرة مدقوقة مع السكر و النافع مدقوق و 2 معالق كبار من الزهر ، وفي مقلا تذوبي 2معالق من الزبدة ثم تلوحي عليها الخبز و نقدموه

السفة بالخبز كارم : الخبز كارم يقطع طريفات و يرش بالماء ثم يفور في كسكاس و يدهن بالزبدة و ممكن اضافة السكر كلاصي و نقدموه بالصحة و الراحة

امينة فاقت الصباح بان ليها الخبز الكارم فالبلان ههههه فغيمو تبارك الله عليك

ما يسمى ب pain perdu :
تاخدي شرائح الخبز الكارم وترقدهم في الحليب مخلط مع السنيدة والبيض وما بغات نفسك من نسمة القرفة أو الزعتر أو…. ، أو المالح ترقدهم في الحليب مع الملح والبيض وأضيفي الثوم المجفف أو كل ما بغيتي من نسمة وسخني المقلة فيها الزبدة وهزي الطريفات وقليهم ممم تا يجيو لداد
ممكن تعملهم في الفرن