شكون كيصدق ليها العجين المورق؟؟؟؟؟؟؟

السلام اخواتي الحادكات اوا رمضان قرب الله يدخلو علينا بالصحة والسلامة و على جميع الامة الاسلامية.مع شهيوات رمضان ط§ظ„ط¹ط¬ظٹظ† المورق غاااادي نحتاجو للمملحات.اخواتي من بعد عدة محاااولات معاه مكنش يصدق 100% منبعد بحثت على اسرارو فالنت و لقيت موضووع فيه بزززززاف النصائح اي استفدت منهوم بززاف و طبقت و خرجت مزيانة على الاقل تنفخات لكن المشكل ملي كانت طيب كتطلق زيت بززاف و فالجناب كتجي مورقة و هشيشة و منفوخة لكن فالوسط ملي نعض فيها نلقا فالوسط بحالا باقي معجنة و مزييييتتة اشنو السبب؟؟واش ممكن يكون المشكل فقط فمرحلة الطهي؟؟شحال كاع كتبغي الوقت؟؟و على شحال من درجة؟؟المعلومات كلهوم لقيتهوم فالنت الا مرحلة الطهي معرفتش!!!و شكرا ليكوم

---

a;,k ;dw]r gdih hgu[dk hgl,vr???????

اختي العجين المورق الطياب اديالو خصو يكون محمر لان مع الزبدة خاصو يجي مقرمش الى ماطاب تيجي تيتجبد وملصق نتمنى نكون أفدتك اختي

اختي بالنسبة لي كيصدقلي العجين المورق والحمد لله يمكن قضية الطياب اختي
انا كنطيبهم ف اعلى درجة الحرارة وكنشعل من فوق ولتحت وكنعملهم ف الوسط ديال الفرن وف الطاوة كنفرش ورق الطبخ داك الابيض كنسخن الفرن مزيان على 250 وندخلهم حتى يتنفخو مزيااااان يعني تقريبا مدة 10 دقايق على حسب الفرن ونحني درجة الى 200 او 180 من فوق وتحت وانا كنرد البال ليهم مزيان ومن الافضل وضع زلافة بالما ف الفرن ادا كانت المورقات كيتحمرو دغيان من تحت قبل ما يطيبو يعني فران سخوووون بزاف و ادا كان الفرن درجته عادي او كبير ما تبقاش تفتح الفران وتسدو حتى تشوف انهم تنفخو مزياااان كدلك العجين ملي تعدل المملحات ندخلهم للتلاجة حتى يبردو عااااااد ندخلوهم للفرن
بالنسبة للعجين كنعمل 250 غرام زبدة وبااااردة مقطعة مربعات صغيرة + 300 غرام دقيق نبسبسوهم مع بعضم بيدينا او ف الماكينة حتى يغطي الطحين قطع الزبدة وكنضيفو تقريبا 125 مل ديال الما المتلج غير باش نجمعوها ما نعجنوهاش نطلقوها ونلموها على 3 ونعملوها ف التلاجة عاد نبداو عملية التوريق الي هي 3 مرات بين كل مرة على الاقل نص ساعة من الافضل ساعةوكل مرة نعملوها 4 طيات
ارجو نكون افدتك اختي

أختي العجين المورق خاصها فران صخون مزيان في الاول حتي تبد تحمر عاد نقصي شوية وخليها طيب على خاطرها
والمقادير لكندير وكت نجح لي
كيلو طحين
200 غ زيت
2 معاقل كبار خل
ملح
600 غ ماء
تخليط الكل عجين شوية قاصح
سرحي الزبدة بين 2 مكات
سرحي العجينة وزيدي وسطها الزبدة وطويها عليها سرحي العجين وطويها على 3 وكرري العملية من 4 حتى. 5 المرات
أنا متن ختندخلهاش لثلاجة حتى تنكمل الطيات وكتنجح لي مزيان
ملاحظة ديمة الفتحة تحطيها في نفس الاتجاه هدا هو السر
نتمنى نكون فدتكم

شكرا اختي فعلا داك شي لي بان ليا فالجوانب كتصدقلي مزيان مقرمشة و منفوخة لكن الوسط كنقول يمكن خاصها مزال الطياب لكن كتكون محمرة بززااف من لتحت و كنخاف تحرق و نخرجها و نلقى هاد المشكل.شكرا ليك اختي

شكرا اختي جزيلا على التفاصيل بالنسبة للبرودية كنحرص عليها فقط بالنسبة للغرفية ديال الماء فالفرن كان سبقلي قريت هاد المعلومة و الصراحة مطبقتهاش قلت يمكن معندهاش اهمية و سمعت بلي الصني ديال الفرن خاصنا نمسحوه بالماء و نحطو فيه العجين منبعد نديروه فالتلاجة و نسخنو الفرن مزيااااان و ندخلهوم كيف قالو نديرولهوم صدمة ههه و هاد شي لي درت لكن هاد المرة نجرب طريقة الماء.حيت فعلا كيتحرقو من لتحت قبل مايطيبو من الوسط.وملي كيتنفخو فالفرن و تنقصي الفرن شحال كاع كيبقاو فالفرن و تخرجيهوم؟؟و واش كيطلقو الزيت؟؟بالنسبة للعجين كندير فقط 50 زبدة و نبسس و مندلكش ابدا فقط نجمع و قليل ماء مثلج ز ملعقة خل.و باقي الزبدة نورق بيها.انت اختي 250 زبدة واش كديريها كلها فالاول ؟و ملي كتورقي كتزيدي تورقي بالزبدة او تكتفين بالتوريق فقط بدون زبدة؟؟و سمحيلي كترت عليك

شكرا ليك اختي غير هو شحال كاع كتخليها فالفرن منبعد ما تنقصي الفرن يعني واش ياخدو وقت طوييييل حيت منبعد ما تنفخو و نقصت ل 180 بقات وقت طويييييل قريب ساعة و نصف و غير كتطلق فالزيت و ملي تحمرت مزيان لقيتها باااقي معجنة من الوسط واش كتخليها بززاااف؟؟بالنسبة للعجين كندير نفس الطريقة فقط فبلاصت الزيت مدير الزبدة و نفس المراحل من بعد و كنحرص باش تبقا باااااردة و منخرجليش الزبدة وقت التوريق.لكن الحمد لله تحسنت فيها بززااف كانت فالبداية مكتخرجليش بتاااتا كتجيني رقيقة و كاااع مكتنفخ ولا تورق.لكن دبا مزيان غير مشكل الزيت لي كتطلق فوقت الطياب واش عادي؟؟و شحال تاخد كاع ديال الوقت؟؟و شكرا لكم

اختي بالنسبة للسؤال د الوقت مور ما كيتنفخو تقريبا ربع ساعة علا الأكثر
اختي جرب عمل ورق الطياب فوق الاطة وبعدها من العافية لتحت وعملا قريبة للعافية لفوق وعليها علا 220 واذا تحمرت من فوق طفيه و خلي لتحت حتا تبانلك طايبة
لا اختي ما كتطلقليش الزيت بالعكس كتجي ناسفة
بالنسبة للزبدة ما كنزيدهاش ف التوفيق وكتجي سهلة ف التوريق فقط بقليل من الدقيق وأحيانا دقيق ومايزينا رشات خفيفة غير باش ما تلصقشي هدا ما كان وانتينا جرب حتا تطيح فيها كيف بغيتي أن شاء الله

ما خاصكيش اختي تدهني الصينية
و لازم تخلي العجين حتى بعد التشكيل عالاقل ساعة فالثلاجة عاد تطيبيه
و العافية تكون مجهدة

شكرا ليك اختي انا جد معجبة بطبخك و غادي ننتهز الفرصة نشكرك على واحد الوصفة ولات معتمدة عندي ديال خبيزات الهمبركر والسندويتشات جاوني زوينين و راني معتمداها جزاكي الله خيرا.