السلام عليكم اخواتي الانيقات بغينا نزيدوا ط¨ظٹظˆطھ ظپط§ظ„ط³ط·ط بيت وكوزينة وحمام ط´ظƒظˆظ† عندها ظ…ط¹ظ„ظˆظ…ط§طھ حول التكلفة وبعض النصائح وشكرا 
a;,k jtd]kd lug,lhj fkhx fd,j thgs’p
يﻻه للبنات فيدونا عنداكو طلو وتهربو
صباح الخير عليكم فينكم ردوا علييييييييييي وشكرا
اختي ماعنديش فكره على الله البنات يدخلو يفيدوك
اختي التكلفة تختلف حسب البناء اللي بغيتي تديري مثلا كاين اللي تايبني هاداك البيت والكوزينةوالحمام غير بالاجور ويدير الماء والضو والقوادس ويدير المرطوب وشطابة ديال الجير وشي زليج عادي هاداك الحمر والبيض بحال ديال الشوارع وهاهو سالا وكاين اختي اللي غايدير الكوزينة عصرية بالفينسيون ديالها والبيت بالجبص ديالو وخ غير خفيف ويدير فيه سطالاسيون ديال التليفيزيون والانترنت والتليفوا ولانطيرفون ويدير زليج عصري باش تجي فيه التفريشة مزيونة وصباغة متوسطة الى ماكانت ممتازة وهاداك الحمام عاود يدير فيه لافابو بالبالاكار تحتو والبانيو او الدوش باللوازم ديالو والمصابيح ولي سبوط والزليج وسطالاسيون ديل السخون والسطح يجلجو بليج خاص ديال لاطيراس ويغطيه بالباش بحال ديال المقاهي ويدير تما محيبقات وشي جليسة بالكراسى باش يجلسو تما ياكلو شهور الصيف وةالربيع والخريف والسطح فوق البيت والحمام والكوزينة يجلجو بالليج الخاص بالاماكن الخارجية ويدير تما مكان البارابول والنشير ومكان شي مغروسات الخ
اختي فين كاينة انت واش كازا لانهم تيمنعو البني فسطاح وخا غير بيت
شكرا اختي ياسمين على المعلومات ان شاء بغيت ندير الاختيار الثاني اللي قلتي عليه ولكن كتجمع ختك شوية الفليسات وبغيت معلومات شكرا بزاف والى عندك تفاصيل اخرى فيديني
اختي الى كنت فطنجة عليك بكسابراطا قلبي مزيان على الزليج بالنسبة للاماكن الخارجية بحال لاطيراس والسطح سقسي شي معلم دالزليج يكون كايتقي الله باش يوريك النوعية المزيانة دالزليج اللي يصبر للمؤثرات ديال الطقس ومايزلقشي في الشتاء واثناء التسياق ومايتحفرشي ومايخسرشي بالشمس ومايجمعشي الوسخ يكون ساهل في التنظيف هوما راهم انواع والاثمنة متقاربة بزاف يعني غير التجربة هي باش تعرفي المزيان فيهم الى كان عندك الدروج من لاطيراس للسطاح كاين زليج خاص بالدروج الخارجيين ومناسب مع الارضية حتى هو باش منين تكوني هابطة فيهم مايزلقكشي مع الشتا الزليج الداخلاني عادي اختاري غير الذوق اللي عجبك بالنسبة للحيوط ديال لاطيراس ماتصبغيهاشي لان الصباغة ماكتصبرشي للعوامل دالطقس عمل الكريفي دالواجهات المنزلية يعني ديال الفراشادات واعمل معاه في النص التحتاني زليج يكون ماكايباشي فيه في الوسخ في الذوق اللي عجبك ونصيحة مني تفاداي الحجر باش حتى الى بغيتي دوز العيد الكبير فديك الطيراس يسهال عليك النيطواياج اما الحجر صعييييب فب الغسيل الى عدلتي الدروج في الطيراس المساحة تحت الدروج عملا بيت الصابون او لا شي مخيزن للمؤن او شي طواليط ستيتوة او مكان للمتلاشيات ولا الاحذية او على الاقل عوطيها للمحيبقات المهم ماضيعيهاشي هايداك خاوية كاين عاود اللي كايعجبو يعدل شي سقاية بلدية بالزليج بلدي فديك الطيراسة وواحد صاحبتي عدلت شواية بالشوميني ديالا دالحجر في الطيراسة انا ماعدلت والو بغيت يبقالي فيها التيساع ماسخيتشي هههههههههههههههههههه دابا عمراتا بالمحابق يالاه عندي فاين نعدل طابلة دالماكلة صافي الله يسر ليك اختي
شكرا بزاف اختي ياسمين على الافادة المهمة وجزاك الله خيرا
ان شاء الله الاخوات يفيدو