اخواتي رمضان مبارك الله اجعلو مغفرة للذنوب
وكسب للحسنات لجميع الامة الاسلامية اميين يارب
اليوم جبت ليكم الشباكية المعتمدة عندي معمرني بدلتها حيت اللي داقها كتعجبو بزاف والوالدة ديالي مكتعجبهاش الشباكية مسوسة لانها مريضة بالسكرالله اشافيها ويرزقها الجنة لكن هادي كتعجبها واخا مسوسة
على بركة الله
المقادير
2kg فورص ممتاز
500g جنجلان محمر شويا *ماشي بزاف لانه باقي غيتحمر فالقلي* ومطحون
250g لوز مقشر ومقلي شويا *غير يبدا يتغير لونو نحيدوه من الزيت* ومطحون
ملعقة كبيرة ونص قرفة
ملعقة كبيرة ونص نافع مصهض ومطحون
ش مسكة حرة
ش ملح
1خميرة ح
ش خميرة الدار تقريبا م ك معامراش
ش زعغران حر
قرعة كبيرة ماء الزهر انا فالمغرب كنفضل نوع اسمو بن العامري
250g زبدة دايبة *ماشي مشكل الا كانت ديال العبار*
1 بيضة
2 اصفر بيضة
قياس 1 بيضة معامراش خل
زلافة متوسطة زيت مخلطة بلدية وعادية
على فكرة انا كندير غير نصف المقادير كيكفيوني انا وراجلي والفطور ديال الصدقة
نخلطو المكونات وفي الاخير الدقيق تدريجيا حتا تجمع عينك ميزانك لانه الدقيق انواع الى كان كيشرب مغتديش ليك 2 كيلو كاملا انا بعض المرات مكنكملوش ونعجنوها مزياااان تكون العجية قاسحة شويا ماشي بزاف تقسم على كورات والباقي راه معروف
سمحولي مصورتش المقادير الاني كنت مزروبة ونسيتهم
راه مافيهاش الماء كتعجن غير بماء الزهر بلحق الا خصك زيدي شوياد الماء
ملاحظة : الجنجلان واللوز ممكن متحمروهمش فالاول
ملي ساليت درتها فبواطات
ارجو دعواتكم ولو معا خاطركم للوالدة ديالي
دمتم في امان الله
afhh;djd hgiadam ,hgg`ddd`m faih]m hg[ldu
الله يخلي لك الوالدة ويطول لك في عمرها يآآرب
عواشرك مبروكة أزين باش ماتمنيتي إن شاء الله
ربي يحفضك اختي ام هنية ومنصف الله اخليهم ليك وتفرحي بيهم وتشوفي فيهم كل متمناي
شرفني مروركم