سليلات بالفواكه الجافة

السلام عليكم و رحمة الله تعالى و بركاته، كيدايرين الانيقات لباس عليكم، مبروك عواشركم الله يجعل هاد الايام المباركة تدخل عليكم بالصحة و الرزق و التيسير و طول العمر ان شاء الله
وصفة اليوم حلوى تتجي لديدة بزاف غزالة لجربتوها اكيد غتعجبكم
ادن بلا منطول عليكم اول حاجة هي العجين لي غنصاوبو بيه السليلات

125 غ زبدة رطبة
125 غ سكر صقيل
بيضة
300 غ دقيق
فاني
25 غ بودرة اللوز
م ك نيدو
شوية من نكهة البيسطاش ‘ اختياري ‘

الطريقة ساهلة بحال الصابلي، تنخدم الزبدة مع السكر نزيد البيض، بودرة اللوز ، نيدو، الفاني والنكهة و فالاخير الدقيق، نديرها فميكة وتنخليها تبات ليلة فالتلاجة

في الغد تنطلقها وتنقطعها بالمرشم لي فالصورة و تنديرها فالطويسات بلا منحتاج ندهنهم و كدلك بلا منحتاج انني نتبتهم مزيان فالطويسة غي نحطهم و صافي حيت انا الغرض ديالي نحصل على سليلات
ملاحظة : باش ميتخسرش ليكم الشكل مني تبغيو تهزوه وديروه فالطويسة بقاو تغطسو المرشم مزيان فالدقيق قبل مترشمو حيت العجين تتكون طرية

دابا ندوزو للحشوة
180 غ سكر صقيل
40 غ كليكوز
20 غ ماء
100 غ زبدة
100 غ كريما سائلة
الفواكه ط§ظ„ط¬ط§ظپط© حسب الرغبة انا درت لوز كركاع بيسطاش نوازيت حمرت كلشي فالفران وزدت عليهم ت قشرة الليمون معسلة عطات مداق غزال

تندير فكاسرونة السكر الماء و الكليكوز فوق العافية تتنحصل على كراميل ميكونش مغلوق بزاف ، تم تنزيد الكريما و الزبدة و نخلط مزيان تينساجمو العناصر، نزولو من فوق العافية و نخويه فوق الفواكه الجافة، ماشي كولو ، القياس فقط لي يجمعهوملي
نعمر الطويسات ونرجعهم الفران باش العمارة تشد راسها شوية و تعلك و هاهوما واجدين بالصحة و الراحة و مبروك عواشركم

sgdghj fhgt,h;i hg[htm