سلطـة سهلـة وراقيـة للضياف العزاز

بسم الله نبدا في المقادير :

غادين نحتاجوا لعلبة فلفلـة حمراء ديال التعمار أو فلفلة عادية شويها ونقيها
من الأحسن تكون من الحجم المتوسط أو الصغير .

خص مشكل ( خودي كيس ديال السلطة اللي كيكون في الخص بالألوان
والأنواع )
ثوم قصبي أو سيبوليت .
للحشوة سنحتاج :
سمك أبيض مثلاً ( لا موريMORUE )

صلصـة البيشاميل أو مايونيز .
ملح ـ بزار ـ زيت الزيتون ـ ثوم ـ ورق موسى ـ فلفلة سودانية .

أولا نبداوا بالحشـوة كناخدوا ديك السمك نطيبوه على البخـار ( ما
تنسايش تحطي تحتوا قطعة ديال فيلم آليمونطير أو ورق سولفوريزي
باش مايلصق لك السمك في الكسكاس ).

خليه على جنب يبرد ووجدي مقلة سخني فيها الزيت البلدية مع فص
أو2 ديال الثومـة وورقـة موسى وشي فلفلة حارة ماتكونش
مفتوحة تمشي تقفريها هههههههههه تحطيهم مع الزيت منين هو مازال
بارد وتحطيهم على نار هـادية باش ما يتحرق لك الزيت ..
غير يبان لك بدا يدير فقاعات وحيديه من على النار وخليه حتى يبرد
شوية ولكن مازال دافي تزيدي ليه مثلا شي عشبة منسمة لعندك ( سالمية
وزعتر درت أنا ) لمكانش صافي براكة عليه غير ديك لمنسمات اللي درتي
معاه في الأول . منين يبرد غادي يولي معطر ..

* مهم جدا العافية مهيلة وماتحرقيش المنسمات خصوصاً الثوم .
ـ صفي هاد الزيت منين يبرد ، وخليه على جنب دابا غادين نحتاجوه .
ـ نرجعوا للسمك اللي فورناه كتفرتتيه بالشوكة وكتضيفي ليه مايناسبك
من الزيت البلدية المنسمـة والقليل من البيشاميل ( ممكن تعوضيها
بالمايونيز ) و تبلي بالملح والبزار .

ـ وجدي الفلفلات اللي غادية تعمري : شويهم في الفرن أو على النار
وقشريهم ونضفيهم . مع المحاظة عليهم صاينين حاولي مايتمزقوش .
أنا ستعملت المعلبة راه سبقلي حطيت الصورة..

عمري الفلفلـة بالحشوة ديال السمك ( على فكرة الحشوة خاصها تكون
شادة في راسها ماشي جارية .. باش ماتديع لك وتسيح ..).

ـ في طبق التقديم حطي الخص على جنب واحد كأنه قاعدة المزهرية
والأغصان ديال الوردات دريهم بالسيبوليت وستفي الفلفلة كأنها وريدات
حمر ونسقي وتفنني في الجْرَيْدَة ديالك ههههههههه

هذا هـو التقديم اللي درت لها في الأخير .. ومانساش رافقيها بصوص
فيني’ڭريت : 1 ملعقة خل + 3 ملعقة زيت زيتون ( ستعملي هداك المنسم)
وقليل من الملح والإبزار . لتتبيل الخص .

كنتمنى تكون سلطتي عجباتكم وعلى حسب تجاوبكم غنشوف واش نزيد
نجيب لكم سلطات وأطباق ثاني ولى غير نتكمش وندخل سوق راسي ههههه
وكيما كان الحال اللي قرأ موضوعي هذا يدعي معايا شي دعوات لعلها
تقبل منه وله بالمثل وزيادة يارب .

sg’Jm sigJm ,vhrdJm ggqdht hgu.h.