سلطة الأفوكا والجبن

ثبت بتاريخ 6/11/2019سلطة لافوكا والجبن

هاد السلطة مغدية وممكن ناخدوها كوجبة خفيفة للعشا وفيها نوع من التغير باش نستافذو من فوائد لافوكا بلا متكون عصير

غادي نحتاجو
3 حبات مطيشة طايبن مزيان
2 حبات أفوكا ناضجين وشادين فراسهم ماشي رطبين بزاف
تقريبا 200 غ جبن منسم
معلقة زعتر
أوراق خس مغسولين ومنشفين

صلصة السقي
3 معالق كبار زيت زيتون
معلقة كبيرة خل
شوية ملح
3 فصوص ثوم محكوكين ولا مدقوقين يكون أحسن
راس معلقة صغيرة سكر سنيدة (كاهرس لينا مذاق الثوم وكيجي رائع)

كنخلطو مقادير الصوص هي الأولى ونخليوها على جنب
نخلط الجبن مع زعتر وتشكل كويرات ونخليه فالثلاجة لحين تحضير السلطة ( ممكن نسمو الجبن بالمعدنوس ولا أي أعشاب منسمة بغيناها)
نقطع مطيشة دوائر
ثم لافوكا الى نصفين نحيد النواة ونقطعها كيف موضح فالصورة
ناخدو ايناء التقديم ممكن يكون فردي ولا جماعي
ونوضع دوائر الطاطم ثم لاقوكا ومن بعد كويرات الجبن ونزين بالخس وفالاخير نسقي السلطة بالصلصة الزيت والثوم
وتقدم بالصحة والراحة كتجي لذيذة
نخليكم مع الصور التوضيحية