سؤال للبنات اللي قراو في مدارس للفصالة و الخياطة و للمشرفات كذلك

مساء الخير اخواتي انا قريت السنة الماضية في مدرسة ديال واحد السيدة كتعلم لفصالة و لخياطة و الطرز المهم انا حسيت براسي شديت شي حوايج قلال حيتاش كل تلميذة واشنو تتفصل و المعلمة ما كتعطينيش وقتها كامل يعني كتمشي عند هادي كتفصل جلابة و تمشي عند الاخرى تفصل سروال و الاخرى كتخيط المهم الدنيا مرونة كتحاول تعطي كل وحدة شوية و لكن انا لقيت راسي ما شديتش كلشي من ناحية لفصالة شوية اما من ناحية لخياطة والوووو
و اليوم مشيت شفت مدرسة اخرى تتبدا من الصفر قالت لي المعلمة كنبدا من الفصالة عادية حتى الفصالة بلدية رومية و هادي فيها عامين قالت لي انا كنمشي مع لبنات دقة دقة و كلشي كيخدم في درس واحد حتى نساليو منو عاد ننتاقلو للدرس الموالي و لكن هادي ما تديرش لخياطة الى بغيت لخياطة نخلص عليها 200 د بوحدها و على ما وراتني في الكطالوغ كتعلم جميع الطرق ديال لخياطة بحال الجيوب و الكول و الاكمام وووو
البنات ط§ظ„ظ„ظٹ ظ‚ط±ط§ظˆ في ظ…ط¯ط§ط±ط³ و حتى المشرفات باش تنصحوني الله يجازيكم بخير انا راسي داخ واش نرجع للمدرسة الاولى او نبدا من الصفر مع الثانية
جاوبوني عفاكم وما تبخلوش علي بتجاربكم و نصائحكم راني في امس الحاجة لها

---

schg ggfkhj hggd rvh, td l]hvs ggtwhgm , hgodh’m gglavthj ;`g;

اختي سيري للمدرسة ديري موضيليست مصممة انا قريتها الى كنتي في كازا تعلمت
في مدرسة الاخيار في شارع ادريس الحارثي وخذيت الدبلوم في الفصالة والخياطة
كانت الاستاذة تدير لينا الدرس للجميع في الصبورة والادوات ديالنا وتنديروا التطبيقات
وعاد الاختبارات وتتعلمي مزيان حسب استعمال الزمن كاين الايام ديال الماكينة
وكاين الفصالة وذيك الساعة تتحمسي تفصلي وتخيطي صراحة زوينة انك تعلمي في راسك
لانك تتبرعي هذا الي نقدر نصحك به ، لان الى تعلمتي الرومي غادي تفهمي البلدي
ساهل ومعروف الجلابة والقفطان والتكشيطة تتبقى غير مسالة الاذواق والموضيلات

ملاحظة :
غير هي حاجة الى قطعتي الممارسة تيتنسى كلشي لكن غير تراجعي تتبدا ترجع المفكرة

انا كنعرض عليك لمدرستنا دخلي زوريها مرحبا بك هذا رابط الدروس

https://www.anaqamaghribia.com/vb/sho…d.php?t=416387

وهذا رابط التطبيقات

https://www.anaqamaghribia.com/vb/sho…d.php?t=416436

https://www.anaqamaghribia.com/vb/sho…d.php?t=419562

وهذا رابط الدردشة

https://www.anaqamaghribia.com/vb/sho…d.php?t=416385

شكرا أختي ذاكرة وش نفهم من كلامك أني إلى تعلمت الرومي نقدر ندير البلدي بوحدي دون الحاجة لمعلمة حيتاش أنا بغيت نتعلمهم ب 2 ولكن المعلمة قالت لي كل حاجة كتعلم بحدها جاوبيني الله يخليك راني دايخة هههه

شوفي اختي انتي الى غرضك تعلمي الفصالة والقطعات الى ما كانش عندك دراية في الرومي
ما غاديش تفهمي في البلدي المعصرن يعني انا عمري تعلمت البلدي ولكن مع الرومي تنفهم
وفصلت شحال من جلابة راسي مع اننا درناها عصرية في قراية الرومي وكذلك نفصل القفطان
والكندورة وكلشي لكن فقط حوايجي الي خسرت ديالي هههههههههههه كنصحك تعلمي الرومي
لان فيه القاعدة الاساسية وضبطي القياسات ماشي غير اجي وشد المقص بحال شي متطفلين
على الصنعة غير يشد المقص ويخرج لك على الثوب .
اي استفسار حبيبتي ما ترديش

ديري الرومي راه هو الي غادي يخليك تفهمي في البلدي غير تشدي الحاجة وتعرفي كيفاش تفصلت
اما الى درتي البلدي غادي تبقاي ديما محصورة في نمط واحد لكن مع الرومي تيخرج الابداع وتتزيدي
من راسك ويبانوا لك بزاف الحوايج مثلا الى شديتي شي ثوب بان لك ما تيعجبش الى كنتي دايرا
الرومي تيبان لك البلان ديالو وتخرجي منو ما ينفع ماشي بحال دائرة البلدي محصورة

انا تعملت الرومي في مدرسة ودابة نفصل اي حاجة كيف قالت الاخت داكرة الرومي هوة الاهم لاننك منو تفصلي الي بغيت دابة اان اي حاجة نشوفها نفصلها كنصحك اختي تشوفي هنا الى مشديتيش سيري للمدرسة التانية مترجعيش الي كنت فيها لانو المعلمة الي كانت معاطياش الوقت للزبائنها مناقص منها غادي غير تخصري فلوسك انا راه شديت اختي الفصالة بز مني وخا يعني كانت تتدير لينا بحال الي قلتي والخياطة دابة انا شوية الفصالة ايه ولكن الخياطة تعلمتها بحدي مع الموداومة في الخياطة في الدار المهم تعلمي هنا وشوفي

شكرا أختي ثروتي ديني ربي يخليك أنا بغيت نتعلم البلدي والرومي وضهر لي نتومة كتعلمو غي الرومي أنا غدي نسول الأستاذة ونشوف رأيها حتى هي مشكورة لترحيبك واهتمامك حبيبتي

ختى كملي معاها راكي تعلمي كولشي و خصوصا غاتوريك جميع تقنيات الخياطة غادي تنفعك بزاف غير توكلي على الله

الله لا يخطيك ا حبيبة نصيحتك على عيني وراسي راك عزيزة علي كنشوف ردودك على لبنات وعرفت بالي كتبغي الخير لهم وكتبذلي أقصى ما في جهدك بش تعونيهم ربي ييسر امورك ويرزقك بالذرية الصالحة المعافاة شرفتيني حبيبتي أحبك في الله