السلام عليكم اخواتي
اليوم بغيت نستاشر معاكم في قضية واحد السيدة عزيزة عليا بززاف
هاد صاحبتي عطاها ربي 4 بنات تبارك الله في تمام الصحة و العافية الحمد لله و عايشة مع بنياتها وراجلها في الغربة
القضية ومافيها ان راجلها شرا واحد الشقة في المغرب ب 25ميلون وهاد راجلها مريض مرض مزمن وباقي كيستنى يشد حقو في الورث ديالو ديال باه وخاف معرفنا شكون السابق نهار يموت امو و خوتو مينن عندو غي لبنات يورثوه ومراتو وبنياتو يبقاو على الضس خصوصا هما 4 بنات و 2 ذكور وامه لهادا قرر يكتب وصية انه نهار يموت مراته و بنياته ياخدو الشقة وحقو في ورث باه بالحق معرفش فين يكتب ط§ظ„ظˆطµظٹط© واش ينزل للمغرب يكتبها عند لعدول ولا هنا في اوروبا عند المحامي
الله يخليكم اللي عندو معلومات يفيدني
schg fow,w hg,wdm hgksom
احسن حاجة يكتب لبناته ب4 الشقة بيع و شراء و لكن بدون التصرف فيها و هو حي يعني يتم التصرف بعد الممات الله يطول فعمره ان شاء الله و يحفظه ليهم
احسن محيت ينزل للمغرب يمشي يشوف محامي هو يقاد ليه الامور و يكون كلشي قانوني باش ميبقاو بناته و مرتو طالعين هابطين
و الله يحفظه لبناته و مرتو و ربي ما يجيب اي حاجة خايبة
احسن حل هو الهبة او البيع الصوري بيع بدون قبض الثمن
من الاحسن توثيق العقد عند العدول بالمغرب حتء لا يتم الطعن قضائا في المسطرة المتبعة
نصيحتي اليك استشيري اهل الدين بخصوص الامر فالميراث شرع وحق من حقوق الله حددت بنظام في غاية الدقة بالكتاب العزيز وما ستقدمون عليه فيه تغييير لشرع الله وحرمان البعض من الميراث
الله الدي وهبكم اناثا دون الذكور وهو اعلم بحكمة ذلك ولا احد يعلم ما من خير عنده لهاته البنات
اعتذر ان تجاوزت الرد عن الاستشارة وتدخلت في امورك الخاصة هذا راي خاص بي انت غير ملزمة به
وفقك الله لما يحب ويرضئ
