سؤال بخصوص أول كوموند ديال الحلوى

السلام عليكم الأنيقات الله يرحم لكم الوالدين أول حاجة دعيو معايا بتيسيير الأمور الله ييسرها علينا و عليكم أنا كنخدم للناس الحلوة مرة مرة و لكن داكشي قليل حيت كنت كنخاف و ما كنتش عندي ثقة فراسي و لكن من بعد الله و تشجيعاتكم ليا فواحد الموضوع قلت وداعا للخوف و الأفكار السلبية و قررت نغامر فهاد المجال عاودت ليكم قصة حياتي عاوتاني هههه
المهم واحد السيدة داقت الحلوة ديالي عند عدوزتي و قالت ليها باش نخدم ليها الحلوة لعرس شي حد فعائلتها السيمانة الجاية إن شاء الله باغا 4 شكال ل 200 ط¯ظٹط§ظ„ الناس ما عرفتش شحال من كيلو يخصني و شحال نكول لها الثمن حيت تافقت معاها باش غدا نشوفها و نوريها الأشكال و هادي أول كومند كبيرة نشدها و بيني و بينكم غنزعم فيها و فينما خرجات

---

schg fow,w H,g ;,l,k] ]dhg hgpg,n

الله يسر ليك اختي وان شاء الله توفقي فالكوموند ديالك غير توكلي عالله متنسايش تفكرينا بتصيورات للحليوات

مكنفهمش فهادشي دليكوموند ومانا نوريك
انا بغيت غير نقولك زعمي وماتخافي من ولو ولله غادي يعاونك ودابا يدخلو الخبيرات فهاد لمجال ويعاونوك
لك كل التوفيق

غي زعمي احبيبة و توكلي على الله وهو غايعاونك
صوبي قياس بقياس باش تحسبي شحال غيعطيك ما تخلطيش عجينة كبيييرة و توحلي فيها اما التزيين هو لي جمعي العدد كاااامل و زوقيه فمرة وحدة
نتمنى توفقي و ترجعي تفرحينا

إول حاجة الله يسهل عليك. المهم سوليها شحال فالطابلة ديال ناس و البلاطو ش7ال تكون فيه من حلووة 8 ولا 10 و شحال من طابلة

ومتلا يلا كان 8 الحلوات لبلاطو ضربيها ف عدد الطوابل و هاكا غدي تعرفي شحال من حلوة تصاوبي نتمنى تكوني فهمتي ني بغيت نوصل ليك

اختي الى كان لوز راه كيلو كيخرج تقريبا 100 حبة الى كان الشكل صغير اما صابلي حتحسبيهلها بالكيلو والثمن ديالو عل حساب باش خدمتيه
الله يسهل الامور ويوفقك

السلام عليكم اختي بحكم تجربتي البسيطة نقولك بعض الافكار .حلوة اللوز كتخدم ب 170 درهم ل للكيلو يعني كيلو ديال اللوز وشحال عطاك كيلو ديال اللوز كيعطي تقريبا 120 حبة .اما الكعبة كيعطيك 90 حبة لان الحجم ديالها كيكون كبير شوية .
الصابلي كيتخدم ب 70 حتى 80 درهم للكيلو حتى هو يعني كيلو ديال الدقيق مع المقادير ديالو هي وشحال حطات لك .حتى هو كيخرخ شي مابين 120و 130حبة على حسب الكبر ديال المرشم.
الغريبة المعلكة كتخدم ب 90 حتى 100 درهم .
حلوة الشكلاط 100 درهم ..

الله يهز بيكوم كيفما كتهزو بيا فينما كانحتاجكوم و ما كاتبخلوش علي بنصيحة و لاه الله يسهل على لجميع و ان شالله ما ننساكمش ف تصورات

شكرا أختي و غي هاد دعوات ديالك را فيهوم لخير و لبركة و هوما ربح كامل

شكرا ليك أختي و لهلا يخطيك ولكن المشكل عندي ماشي ف تخلاط ولكن ف لقياس ديال لحالوا و هيا طيبة ياعني 200 د ناس شحال خصني ليهوم من كيلو ديال طحين

الله اسهل علينا و عليك هيا اختي ما باغاش بلاطوات باغة غي فطباسل و ما نظنش يكون طوابل حيت لعرس يمكن ف لبادية

بارك الله فيك اختي صراحة دابا وضحت عندي الأمور لهلا يحرمني منكم

الله يرحم الوالدين اختي و إجعلها ليك ف ميزان الحسنات هاد لمعلومات ب ضبط إللي كانو خاصيني