دورة العضوات حرشة بغرير .بكل انواعها متجدد باذن الله

اليوم عملت البطبوط بالكفتة و الجبن هي وصفة بسيطة و سهلة لا ترقى لموضوع ط¯ظˆط±ط© المطبخ فصورت المراحل البطبوط معمر بالكفتة و الجبن بالنسبة للعجين نحتاج 2زلايف فورص نوع ممتاز زلافة فينو ملح ورشيشة السكر و خميرة الخبز ممكن تستعملوا البلدية او الفورية ماء دافيء للعجن نمزج الكل مع اضافة الماء قليلا قليلا للحصول على عجين لين نعجنه مزيان ولازم يكون كيلصق بالايد هكدا غتحصلوا على خبز خفييف جدا نخليوه يخمر حتى يتضاعف تقريبا 45د اثناء التخمير نحضره الحشو و الي غنحتاجوله كفتة تقريبا 400غ 2بصلات مشلدين رقيييق بزاف العطرية الي كتحبوا هنا استعملت ابزار و كمون و تحميرة و سودانية و قرفة و متنساوش الملح معدنوس وجبن بمقلاة نوضعه جهد 2معالق زيت و نضيفه البصل و نخليوه يلين شوية نضيفه الكفتة و نبداو نضغطه عليها باش تفرتت نضيفه العطرية ثم معدنوس و نخليوه الخليط يطيب لدقائق مع التحريك المستمر الا طلقات الكفتة شوية دليدام الافضل نصفيوها باش يطلع ليكم البطبوط ناشف و غزاال ناخده العجين بعد ما خمر نشكلوه كريات بحجم كرة المسمن نطلقوه خفيف مع مراعاة ان الجوانب تكون رق من الوسط لاننا غير نجمع الجوانب غتساوى العجينة من الجهتين و نحصلوا على نفس السمك ومتقطعليناش بسبب الحشو ملي نطلقوها نعمله كمية لا باس بها من الكفتة ثم معلقة كبيرة جبن ونجمعوه مزيان ونشكلوه كرة و نخليوه جانبا حتى نكمله كل الكريات ثم نبسطوهم شوية و نخليوهم 15د تخمر ونطيبوها بمقلاة ثقيلة بلا منضيفواالزيت و نعمله ثقبة خفيفة بالوسط باش ميتنفخش وقدموه سخون بالصحة و الراحة هنا ان شاء ط§ظ„ظ„ظ‡ ستكون تطبقاتكن انيقاتي https://www.anaqamaghribia.com/vb/sho…d.php?t=299410 وهنا دردشة https://www.anaqamaghribia.com/vb/sho…d.php?t=299407 في امان ط§ظ„ظ„ظ‡

],vm hguq,hj>>>>>>pvam fyvdv >>>f;g hk,huih lj[]] fh`k hggi Hjp]n hguq,hjpvam h’fhr f;l

لبنات يبس قديدكم وصاوبتو لخليع ولا مزال ؟ههههه المقادير 400غ سميدة رقيقة كاس الا ربع ادام لخليع خليع مقطع بالمقص قطع صغيرة بصلة محكوكة قصبر مقطع طري او يابس خمارة حمراء ملعقة خمارة حبوب ملح بلاش الا كان لخليع مالح زيادة نصف ملعقة ابزار رابعة حليب تقريبا سميدة غليظة ولا رقيقة للتقراص الطريقة نخلطو النواشف اولا مع سميدة ونزيدو لبصيلة لي نكونو حكيناها وربيع ونبسسو بلدام ديال لخليع ونجمعوها بلحليب يكون سخون حتى تتجمع لينا وتكون مرخوفة نخلطو الزيتون حلقات مع لخليع لي عندنا ونبداو نعملو كويرات قد كف اليد ونحشيهم بالحشوة ديال لخليع ونقرصو في سميدة غليظة ..نكرصوهم حسب الرغبة والشكل لي بغينا ونخليهم يرتاحو نصف ساعة عاد نطيبوهم …الافظل يتكالو سخونين مع كويس اتاي وبالصحة والراحة وها هو مع كويس اتاي بلا سكر هههه

الحرشة معمرة باللحم العجين نصف كيلو سميدة رقيقة خمارة ديال الحلوى شوية الملح كاس صغير زيت المائدة ماء لعجن الخليط الحشوة رابعة هبرة اللحم مقطعة صغير (او دجاج او بيبي) 2 بصلات كبار مشلضين ملح+ بزار+ كمون+ تحميرة +خرقوم + شوية سودانية(اختياري) قزبر و معدنوس مقطعين زيت ملعقة كبيرة من شحمة الكلوة مقطعة صغير الطريقة نشحرو البصلة و اللحم مزيان مع الزيت والتوابل اللي عندنا ثم نزيدو الربيع و نزولوهم من فوق النار ونخليوهم يبردو نخلطو السميدة مع الملح و الخمارة والزيت و نبسسوها مزيان ثم نزيدو الماء و نخلطو حتى نحصلو على عجينة خفيفة و نخليوها ترتاح شوية ندهنو المقلة الثقيلة بالزبدة و نرشوها بالسميدة نقسمو العجينة على جوج نديرو النصف الاول في المقلة و نكرصوه مزيان ثم نديرو الحشوة و نقادوها فوق العجين و نخليو شي سنتيم ديال الحاشية بلا حشوة ثم نغطيو بالنصف الاخر ديال العجين و نقادو الجناب بالموس و نرشوها بالسميدة من الفوق و هنا عندنا الاختيار اما ندخلو الحرشة تطيب فالفران من التحت ثم تتحمر من الفوق

مسيمنات بحشوات مختلفة السلام عليكم ورحمة الله تعالى وبركاته هادو مسيمنات بحشوات مختلفة نتمنى ينالو اعجابكم : المقادير ديال العجينة 500 غرام طحين فورص 100 غ طحين زرع ملح 3 معالق زيت كتعجن مزيان وتكون شوية قاصحة وندلكوها ونخليوها ترتاح (للأسف بعض الصور تمسحات لية) مقادير الحشوة الأولى : سبانخ بصلة مشلضة بشكل كبير ماشي رقيق شرائح فرماج ملح ابزاز شوية زيت الزيتون الحشوة الثانية : خزو محكوك فلفلة مقطعة مربعات صغيرة صدر دجاج مقطع الى مكعبات بصلة مشلظة قصبور ومعدنوس ملح ابزار شوية خرقوم زيت زيتون الحشوة الثالثة : بصلة صغيرة مشلضة باكية صغيرة شعرية صينية 200 غرام كروفيت أو أي نوع بغيتي زيتون أخضر مقطع شوية هريسة (اختيارية) ملح زيت زيتون ابزار الطريقة : كنشحرو كل حشوة على حدة وملي طيب نخليوها تبرد باش متقطع لينا العجين ونسرح كوريات العجين أنا كنطلق على زليجة كبيرة باش نتحكم فالطليق ديال العجينة ونبدا ندير كل مرة حشوة ونلوي ونديرهم على شكل محينشات أم ممكن نخليهم فرديين ونستمر حتى نكمل الحشوات اللي عندي وندخلهم للفران ونرد ليهم البال أنا كان قريب الفران يشمتني هههههه نخليكم مع الصور التوضيحية: الحشوة الثانية : الحشوة الثالثة : ولا بشكل فردي نتمنى يعحبوكم في رعاية الله

المقادير 300 سميدة رقيقة قياس 3 كيسان العنبة 50 بدرة اللوز معلقة كبيرة خميرة معجونة 2 خمارات 7 غرام نصف ملعقة صغيرة ملح نصف معلقة صغيرة بزاف قرفة 4 كيسان الا ربع ماء دافي العبار بكأس العنبة دوبت الخميرة في ماء دافئ وضعت كل المكونات في الخلاط الكهربائي حتى تخلط مزيان فرغت العجين في اناء و خليتو يخمر بعد ما خمر طيبتو في المقلة يتقدم مع الزبدة و العسل أو يتدهن بزيت العود و العسل

ميلفوي بالشحمة هههههههههه نحتاج للعجينة ديال المسمن الفورص+ دقيق القمح+ ملح+معلقة صغيرة سكر وتجمع بالماء دافئ وتكون مرخوفة شوية وتدلك مزيان من بعد نقسمها لكويرات يكونو كبار شوية ونخليهم يرتاحو للحشوة 2 بصلات كبار مشلضين رقيق شحمة ديال الكلوة مقطعة رقيق او محكوكة هريسة ملح بزار تحميرة كمون ونشحرهم في قليل من زيت بلدية ونخليهم حتى تبان لينا الشحمة طابت ونطفي عليهم ونخليهم يبردو من بعد ناخد الكرة الاولى نطلقوها بقليل من الزيت ونديرو فيها قليل من الحشوة ونجمعها بحال لمسمن ونعاود ناخد كرة تانية تاهي نطلقها بالزيت وندير فيها الحشوة وحط فيقها المسمنة الاولى عاد النسدها ونبق نكرر هاد العملية تانوصل 3 مسمنات فقلب بعضهم عاد نزيد لمسمنة الاخيرة ولكن تكون بلا حشوة نخليهم يرتاحو تم نطلقهم في اللاطة وندهن وجه ديال المسنة بالزيت وندخلها للفران يكون مسخن مزيان وهنا ميلفوي ديالنا طاب هههه بالصحة والراحة

رغايف الفران بالكفتة و عقدة اللوز المقادير: للعجينة: زلافة دقيق فورص زلافة دقيق الحرش (الفينو) ملح ملعقة كبيرة زيت الماء دافي الحشوة: 200 كفتة (بلا عطرية) بصلة متوسطة مشلظة ضريس الثومة محكوك زيت ملح قرفة كوزة راس المعلقة الصغيرة من راس الحانوت( المروزية) 2 معالق كبار قسبور و معدنوس مفروم 100غ لوز مصلوق و منقي و مطحون مع ملعقة كبيرة سنيدة للتزيين: أصفر بيضة اللوز إفيلي الطريقة: أول حاجة نخلط العجينة و ندلكها مزيان حتى ترخف نعمل منها كويرات صغار و نخليهم يرتاحو بينما وجدت الحشوة نشحر البصلة و الثومة مع شوية الزيت و الملحة نخليها حتى تدبل و تتحمر مع التحريك المستمر نزيد الكفتة و نخلط مزيان باش تفرتت نزيد عليها القرفة و راس الحانوت و نحك شوية الكوزة نخلط مزيان و نزيد القزبور و المعدنوس و نحيدها من فوق العافية نطحن اللوز مع السكر حتى يولي معلك نزيد العقدة على خليط الكفتة و نخلط مزيان حتى تنسجم العناصر و ها الحشوة ديالنا واجدة نخليها تبرد مزيان ناخد كويرة العجينة و نورقها بالزيت نحط فيها ملعقة كبيرة من الحشوة و نسرحها الوسط نجمعها على شكل رغيفة و نسرح كويرة أخرى و نحط الرغيفة الأولى وسطها نجمعها و أنا كندهن كل مرة بالزيت و ها الرغيفة واجدة نحط الرغايف فلاطة مدهونة أو ملبسة بالورق السولفيريزي و ندهنهم بأصفر البيض مع قطرات من الخل و نزينهم باللوز إفيلي أو لوز مهرمش اللي موجود عندنا و ممكن نخليوهم بلاش ندخلهم لفرن مسخن من قبل و نخليهم حتى يطيبو و يتحمرو و هدا الشكل ديالهم النهائي اللهم أدمها نعمة و بارك لنا فيها و احفظها من الزوال

السلام عليكم ورحمة الله تعالى وبركاته مسمنة مورقة اللوز المقادير 500غ دقيق فورص 250غ دقيق قمح ملح 1 خمارة،فاني بيضة كأس صغير زيت كأس صغير سكر م ك خميرة ماء دافي للعجن مقادير التوراق 200 غ لوز مطحون فاني زبدة كنخلطو كل مكونات العجين وكنجمعوها بالماء الدافي وندلكوها مزيان ونخلوها ترتاح شوية تم نحضر منها كورات متوسطة ونخلوهاها ترتاح شوية نأخد كويرة ونورقها كما كنورق لمسمن العادي ندهنها بالزبدة ونرش عليها شوية من اللوز لي خلطناه مع فاني من بعد كنخدو كويرة اخرة ونورقها حتى هي ونرشها باللو ونوضعو فيها لمسمنة السابقة وهكدا لنهاية الكويرات اللى عندنا أنا هادا لعجينة عملت ليا 2 مسمنات ملي نكملو نوضعو المسمنة في لاطة مدهونة نخلوها ترتاح تم نكرصوها ونخلوها تخمر ملي تخمر ندهنوها بأصفر بيضة وندخلوها للفرن ملي كتطيب ندهنوها بالعسل ونرشوها باللوز ونقطعوها ونقدموها بالصحة والراحة في أمان الله

السلام عليكم ورحمة الله تعالى وبركاته مسمن معمر بالطون والخضر المقادير زلافة قمح 2 زلافات كبار فورص شوية الملحة قبيييييصة خميرة الخبز الما الكافي للعجن كندير الطحين والملحة وشويييية الخميرة فالقصرية وبقيت كانزيد الما شوية شوية حتى ولات العجينة رطبة دلكتها مزيان وخليتها ترتاح قسمت العجين لكويرات وغطيتو بميكة وخليتو يرتاح مقادير الحشوة بصلة جوانح كرعة مقطعة على الطول فلفل مقطع رقيق 2 حكاك طون ربيع ملح،إبزار،خرقوم،تحميرة ،سكين جبير فرماج السندويش تم بديت كنوجد في الحشوة خديت مقلة عملت فيها شوية زيت والبصل و الفلفل والكرعة وخليتهم يتقلاو مزيان ثم ضفت عليهم الطون والعطرية والربيع وحركت مزيان وطفيت عليه من بعد مرتاحت العجين سرحت كويرة من العجين وعملت في وسطها قطعة من الفرماج وملعقة من الحشوة كانتنيها على شكل مربع ونطلق كويرة ثانية ونعمل الأولى وسطها ونطوي العجين مع الدهن بزيت الزيتون ملي نكملو العجين ديالنا كنبداو نطيبو مباشرة في المقلة التقيلة في أمان الله

اخواتي انشاء اله وصفاتي تلقى قبول عندكم هاد لمسيمنات فاش يكونو يطيبو الدار تتعطر بريحة البيتزا يا سلام المقادير للعجين 500غ فورص 250 غ فينو انا استعملت فرخ سميدة ملح قريصة خمارة معجونة ماء لجمع العجين للحشوة كمية من البصل مشظة ومشحرة مع زيت وملح زعتر منقي ومغسول فرماج السندويش حسب ععد حبات المسمن لي ناوية توجدي الطريقة نخلطو مقادير العجين ونعطيوها دليك لمدة 10 دقائق لحقاش سميدة تبغي دليك نخليوو عجينة ترتاح شوية ونقطعوها كرات صغار في الزيت ونخليها ترتاح 10 دقائق قبل التعمار نسرحو الكرة الاولى مزيان ونحطو ملعقة او اكثر من البصل المحمر نحطو فوقها فرماج السندويتش او ممكن نعوضوع بكمية من الفرماج الاحمر او اي نوع اخر نرش الزعتر بكثرة ونرد الوجه الاول للعجينة على الحشوة ثم الوجه التاني للحصول على مستطيل طويل ..نرد الجهة اليمنى على الوجه ونقلب لمسمنة ديالنا ونرد الجهة اليسرى على الجنب لي كان التحت …باش متتقطعش لينا لمسمنة ..وفي هاد الحالة منحتاجوش نديرو مسمنة في وسط مسمنة ..هاد الطريقة احسن وكافية انشاء الله الصور ستوضح الامر هنا قلبنا الجهة اليمنى وهنا قلبناها كاملة باش نردو عليها الوجه الباقي نخليو لمسيمنا ت منطيبوهمش حتى نكملو الكل .. نسخنو المقلة ثقيلة ونبادوو نطيبو نمدو لمسمنة شوية مشي بزاف