دورة الحلويات اللوز

على بركة الله

],vm hgpg,dhj hgg,.

الكعبة /ملكة الحلويات/

مقادير العجين

1/2كلج طحين
كاس ص زبدة مدوبة
2 م ك زيت
م ك سكر كلاصي
قبصة ملح
فاني
م ص خل مصورتوشي
بيضة
ماء الزهر لجمع العجين تكون قاصحة نوعا ما
تجمع العجين مزيان ومتدلشي وتعمل في بلاستيكة وترتاح 12 ساعة

مقادير العقدة

1/2 كلج لوز مفسخ ومطحون مرتين مع 250ج سكر كلاصي المرة الاولى لوحدة ثم المرة الثانية مع السكر
70 ج زبدة +قبصة مسكة متكريشي منها لانها تتمرر
2 م ك ماء الزهر
نخلطو كلشي مزيان ونعملوها حرابل على قد حجم الكعبة
الطريقة
نطلقو العجين ريققة ونعملو رسطها لحرابل ونشكلو كيف العادة ونقشوهم من الجوانب ونتقبوهم بالابرة ونعملوها في اللاطة ونخليوها ليلة كاملة ونطيبوها على نار هادئة ما بين 15 و20د بلا ميتغير لونها

السلام عليكم

الشروق
المقادير والطريقة
500 غرام لوز اخضر مطحون بقشرته
250 غرام كوك مطحون
250 سنيدة
2 م ك كونفتير مشماش
قشرة حامضة محكوكة
50 غرام سنيدة
5 البضات
ربع كاس ماء الزهر
للتزيين
سكر كلاصي
ماء الزهر
الشروق

تنخلطو مليح اللوز و السنيدة والكوك+ الزبدة +الكونفتير + قشرة الحامض نخلطو مزيان او نزيدو البيض وحدة بوحدة في الاخير ربع كاس ماء الزهر
الخليط تيكون جاري اندخلوه للتلاجة ليلة كاملة فالصباح انزيدو عليه 2 خميرات حمرين
انعملو كويرات انغطسوها في الزهر او نفندوها في سكر كلاصي
ملي نديروها في الطا انخلو فراغ بينها باش متلسقش من الاحسن نفرشو ليها ورق الطبخ الفران مخصوص اكون مجهد

الشروق

المقادير

نصف كيلو لوز مطحون بقشورو ومحمر في المقلة
200 غرام سنيدة
معلقة كبيرة العسل
خمارة
3 بيضات إلى كان البيض كبير ديري 2 بيضات المهم البيض لي إجمع ليك الخليط
سكر كلاصي لتفناد
اللوز صحيح لتزيين

الطريقة

نخلطو جميع المقادير ونكوروها نديروها في السكر كلاصي ونزينوها بلوزة ندخلوها الفران طيب من فوق شوية عاد نطيبوها من التحت

حلوة الوردة

الشروق

ولا تنسوني بدعواتكم

العجين:

500g دقيق

قبصة ملح

1 م ك سكر كلاصي

1/2 كاس ماء زهر

1 كاس صغير زبدة دايبة

ماء بارد للخلط

الحشو:

1kg لوز مفسخ ومحمر

6 م ك سكر كلاصي

1 م ص قرفة

2 م ك ماء زهر

1/2 م ص مسكة حرة مدقوقة

للسقي:

عسل

ولوز مصلوق

كنهرمشوا اللوز ونضيفولو السكر كلاصي والقرفة,ماء الزهر والمسكة الحرة ونخلطوا الكل جيدا ونحتافظوا به جانبا

كنخلطوا مقادير العجين كلها وحنا كنضيفوا في الماء حتى نحصلوا على عجينة تكون شوي قاسحة

تدلك جيدا وتقسم الى 12 كويرات صغيرة

نوضعوهم في بلاستيك, يرتاحوا ساعة

كنورقوا الكرة الاولى وتكون رقيقة جدا ونلبسوها للمول يكون مدهون بالزبدة وندهنوا العجينة بالزبدة دايبة

ونوضعو فوقها الكرة الثانية بعدما نكونو ورقناها مزيان وتكون رقيقة وندهنوها بالزبدة دايبة ..وهكدا حتى نكملوا 6 كرات

كنفرشوا الحشو ونبسطوه مزيان

ونغطيو بالعجين المتبقي بنفس الطريقة الاولى

كندهوه مزيان بالزبدة دايبة ,نقطعوا الحلوى مربعات ونغرسوا في كل مربع حبة لوز

وندخلوه الفرن حتى تحمر وطيب تقريبا ساعة

تسقى بالعسل الساخن مباشرة بعد اخراجها من الفرن

وبالصحة والراحة

بحلاوة بكاوكاو والجنجلان

مقادير العجين
250جرام طحين
+ ربع رابعة زبده طرية
+2م/ص خل
+2 م.ك ماء الزهر
+م.ك سنيدة
+ رشة ملح
+ قليل ماء دافي تكون قاصحة شوية وتدلك مزياااان وترتاح فبلاستيكة
الحشوة
1كيلو كاوكاو مصهد في الفران غير جهد لتحيدليه القشره ويتقشر ويكون بيض ويقلى في الزيت ويتطحن جيدا + رابعه جلجلان محمر و مطحون
+ شوية قرفه
+شوية الزبدة مداية شي 2م.ك
+ ماء الزهرلغادي يجمع الخليط
الطريقة
. تنقصم العجين على جوج كويرات كنتلقو الاولى حتى تولي ورقة ونعملوها في الاطة ونعملو فوقها الحشوة كاملة ونبسطوها مزيااان بدلاك باش تاخد شكل متساوي ونطلقو الكويره التانيه مثل الاولى ونغطيو بيها الحشوة ونتبتوها اعليها مزيان دائما بدلاك ونقطعوها مربعات او معينات ونزلو في وسط كل مربع وردة من العجين نفسو ونتكووسط الوردة بحبة لوزاو كاوكاو وندخلوها للفرن تطيب على نار اقل من متوسطة شوية حتى تاخد اللون الدهبي ونسقيوها بالعسل مباشرة وهي سخونه ونرجعوها للفرن مطفي ونخليوها حتى تبرد مزيام ومن الاحسن تبات ونقدموها فكويغطات ديال الحلوة

حلوة التاج

المقادير نفس مقادير الكعبة

1/2كلج طحين
كاس ص زبدة مدوبة
2 م ك زيت
م ك سكر كلاصي
قبصة ملح
فاني
بيضة
ماء الزهر لجمع العجين تكون قاصحة نوعا ما
يتبسس الطحين بالزبدة و تجمع العجين مزيان ومتدلشي وتعمل في بلاستيكة وترتاح 12 ساعة

مقادير العقدة

1/2 كلج لوز مفسخ ومطحون مرتين مع 250ج سكر كلاصي المرة الاولى لوحدة ثم المرة الثانية مع السكر
70 ج زبدة +قبصة مسكة متكريشي منها لانها تتمرر
2 م ك ماء الزهر
نجمعو كلشي مزيان ونعملوها حرابل

الطريقة
نطلقو العجين ريقة ونقطعوها مربعات 8ونصف سنتم

وناخدو كل مربع ونعملو في طرفو حربول العقدة

ونلفوه عليه ومنوصلوهشي للاخير كيف الصورة

ولويوه على شكل حلزوني

ونقشوه

ولحبينا نعملو تزين اكثر نعملو فوقهم وريدات من نفس العجين ملون

ونخليوهم يرتاحو واحد 4 ساعات على الاقل او ليلة كاملة ونطيبوهم على نار مهيلة مابين 12 و15د مخاصهمش يتغير لونة يبقاو في لونهم وندهنوهم بالناباج ورشوهم بالبرييو ونزينو بحبة عقيق من الوسط ونقدموهم في كواغط دالحلوة

بالهنا والشفا

غريبة اللوز والجنجلان

المقادير
2بيضات
كاس ص سكر
كاس ص جنجلان محمر ومطحون
100ج كوك مطحون
100ج لوز مفسخ ومقلي ومطحون
خمارة ناقصة ربع م ص
م ك كاكاو مر
للزينة
سكر كلاصي +ماء الزهر

نخدمو البض مع السكر غير يتجانسو

ونضيفو ماقي المواد

ونجمعو الخليط ونخليوه يشرب حيت تيكون مطلوق ولجا ناشف بزاف نزيدو اصفر بيضة على حسب البيض كاين الصغير والكبير

وندهنو يدنا بماء الزهر ونعملو كويرات ونفندوهم في السكر كلاصي مغربل

ونعملوهم في لاطة مغطية ورق الطبخ ضروري باش ميلسقوشي

ونطيبوهم من الفوق حتى يتشقو اي النر تكون من فوق عاد نطلعوهم الفوق يطيب من التحت

بالهنا والشفا

حلوة الوردة بشكل اخر

مقادير العجين

1/2كلج طحين
كاس ص زبدة مدوبة
2 م ك زيت
م ك سكر كلاصي
قبصة ملح
فاني
بيضة
ماء الزهر لجمع العجين تكون قاصحة نوعا ما
تجمع العجين مزيان ومتدلشي وتعمل في بلاستيكة وترتاح 12 ساعة

مقادير العقدة