دوارة الخروف ،اللي بغات تساعدني1!!!!

السلام عليكن إخواتي.
بغيت نطلب مساعدتكن في طبخ الدوارة.
حيت بغيت نعرض على أم زوجي ،مع هي كتحماق عليها.
و أنا عمري ما طيبتها حيت الزوج ديالي مكتعجبوش. و حتى يماه مسكينة متديرهاش حيت حتى ولادها متتعجبومش ،وقلت هادي فرصة نفرحها بشي طبق مغربي من أعماق الغربة.
كنتمنا تعاونني الله يجازيكم بخير أ خواتي الحدكات

---

],hvm hgov,t Khggd fyhj jshu]kd1!!!! hgpv,t jshu]kd1 juhf [,hvf

السلام عليكم ورحمة الله تعالى وبركاته
دوارة خروف او كرشة
4 فصوص الثوم مدقوق
بصلة مشلضة
ملعقة كبيرة طماطم مصبرة
العطرية: ملح +تحميرة + كامون + ابزار+ سحين جبير + زعفران
قزبو ومعدنوس مفرومين
زيت بلدية أو عادية
زيتون وحامض مصير
الماء الكافي للطهي
-=- تغسل الدوارة في الماء الساخن مزيان وتنظف جيدا بواسطة السكين مع اضافة الماء الساخن عند الحاجة حتى تصبح بيضاء و تزال منها كل الشوائب و تقطع هي و الرئة مربعات ثم تستقطر جيدا من الماء
في طنجرة كنوضوعو الدوارة + الثوابل + الزيت + القصبر و البقدونس وطريفات الحامض مصير ونقليوها شوية من بعد نضيفو الماء الكافي و نسدوا ونراقبوا مستوى الماء و اضافته عند الحاجة
ملي الطيب الدوارة نزيدو الزيتون ( من الأحسن الزيتون احمر كيواتي الدوارة) و نخليوها تشرب الماء جيدا
وبالصحة والراحة

نفس الطريقة كندير ويني مكنقليهاش كنخلط كلشي و نسد الككوط

شكرا بزاف أختي فاطمة
صافي غدي نعرض العكوزة ديالي نهار الاحد و نديرها
ساعة نرد عليك
الله يعطيك ما تمنيتي

الطريقة السحرية باش تجيك التقلية بنينة هو انك تاخديها بعدما تكوني نظفتيها تاخديها و تصلقيها نص صلقة في الماء مع الحامض ( الرية و الشحمة متصلقيهومش) قطريهوم من لما عاد باش تنصبي.
ماتنسايش تقوميها مزيان بالعطرية والقزبور و المعدنوس والحامض المصير والزيتون