دسير ببوعويد او الاجاص من مطبخي وبطريقتين جديد في جديد

اخواتي العزيزات .والى محبات ط§ظ„ط§ط¬ط§طµ مثلي ..هانتوما طريقتين باش تقدمو بها هاد الفاكهة كدسير او سلطة زوينة تحمر ليك الوجه مع مالين الدار وضياف

الدسير فهو عبارة عن 4 حبات بوعويد وحبة تفاح كبيرة مقشرين ومرقدين في جوج برتقالات ..حطيت الخليط في الكؤوس وضفت عليهم كريم باتسيير خفيفة يعني ما كثرتش نشا فيها وصبيتها عليهم وهي سخونة وفاش بردت شدت راسها والتزيين انتي ودوقك…
كريم باتسيير
2 صفار بيض +3 معالق سكر وملعقة صغيرة نشا ..وكاس حليب كبير + 1 فاني خلطيهم مزيان في مولنكس وحطيهم في كاسرونة فوق النار صبي الخليط وهو ساخن فوق بوعويد


ملاحظة
هاد الدسير غير اجتهدت فيه وهادي سنوات وانا نديرو ويجي بنين …ضروري بوعويد…راه كنت نديرو بطريقة اخرى كتجي فنة هاد الشي زمان والمشكل تلفت ليا الطريقة ..فيها حك صغير ديال الحليب مشي محلى ..وللاسف معقلتش عليه كنت غي كاتباه ومع المشاغل اليومية نسيتو …لي تعرفو تفيدني هههه

الطريقة التانية

المقادير والطريقة
2 حبات بوعويد مقطعين رقاق
2 برتقال مقطعين رقاق مشي غير معصورين نشدو البرتقالةونقطعوها
2 معالق ارز كلاصي مصلوق
2دانون فاني ولا النكهة لي تفظلو
2 معالق سكر
شوية زبيب مرقد في عصير البرتقال لمدة ساعةعلى الاقل
خلطي كلشي وزينيه بالكولي ديال لفريز انا مكانش عندي درت السيرو ديال الرمان

وشكرا لكم على المرور الطيب ..

]sdv ff,u,d] h, hgh[hw lk l’fod ,f’vdrjdk >>[]d] td []d] dwdv