دخلي شاركينا بوصفتك المعتمدة فالباسطا

كنتممنا كل اخت تحط لي وصفتها ط§ظ„ظ…ط¹طھظ…ط¯ط© ظپط§ظ„ط¨ط§ط³ط·ط§ بكل انواعها

---

]ogd ahv;dkh f,wtj; hglujl]m thgfhs’h

سلام امة الحق موضوع زوين فعلا
انا باستا بالطماطم
كندير بصيلة صغيرة وتومة ونشحرهم شوية ونزيد الماطيشة بزار مليحة وزعيترة صافي
وكندير باستا تسلق من بعد نصفيها ونخلي منها شوية الما ديالها ونرجعها الكاميلة وانا كنحرك حتى كطلق داك نشا ديالها مزيان كتولي معلكة عاد نزيد صوص طوماط وانا كنحرك ونطفي البوطة وهايا واجدة

الباسطا بالبيسطو كنسلق الباسطا بنفس الطريقة اولى وكنكب عليها صلصة البيستو
شفت شي ناس كيديرو البيستو يطيب بوحدو في مقلة مع زيت وهذا خطأ حيت بيستو ديجا ماخاصوش يطيب بزااف كيفسد.

اما بالخضر فكنشوي الخضرة قبل في الفرن وكنخلطها مع صوص طوماط

ولي بي فواكه البحر كنطيبهم مع تومة ربيع شوية الحار وبزار صافي هدشي لتفكرت دابة نتمنى يذخلو البنات نستافذو منهم

اختي موضوع زوين انا الباسطة فورنو كنشد بصيلة حكوكة ونشحرها فنقيطة زيت ونزيد عليها كفة ونزيد منبعد صوص طماطم وندير العطرية ملح بزار شوية سكين جبير تحميرة خرقوم الحبق ورقة سيدنا موسا شوية ازير معدنوس ونزيد شوية زيت الزيتون ونخلي كلشي يطيب ونوجد صلصة بيشاميل انا تنشريها واجدة من ليدل تنزيد عليها شوية الحليب باش تطلق وشوية ملح وشوية بزار وشوية كوزة محكوكةونسخنهم فوق البوطة شوية والباسطة تنكون سالقاها تنصفيها وتردها الطنجرة ونزيد عليها نصف لاصوص ليوجدنا ديال الكفة ونخلط كلشي مع الباسطة ونشد مول تيدخل الفرن تندهنو بشوية صوص وندير نصف الباصطة وندير فوقها شوية صوص الكفتة ومن فوقها شوية صوص بيشاميل وندير من الفوق الفروماج لي بغيتو انا كندير فروماج المربع ديال سندوتش تيجي فيها زوين ونولي ندير من الفوق الباسطة لي باقة ونغطيها بصوص الكفة لي بقات وندير من الفوق نغطيها كاملة بصوص بيشاميل وندير فرماج محكوك او لي بغيتي وندخلها الفرن سخون واحد 10 الى 15 دقيقة ونجبدها غير يدوب الفرماج وتحمر شوية من الفوق ونخرجها تتجي زوينة وتنزيد عليها شي مرات حتى خيزو محكوك والكرعة خضرة محكوكة في اول مع البصلة يتشحرو او تنزيد مع الصوص طماطم شومبينيو وزيتون بلا عضم مقطع على حسب الموجود فدار كلهم تيجيو زوينين وشكرا حتى نزيدكم حاجة اخرى

بالنسبة الباسطة بالبيستو تتجيني مجهدة تنزيد عليها البانا انا تنسلق الباسطة وتنشد مقلة تنسخن فيها البانة مع نصف معلقة زبدة صغيرة او زيت بلدية وندير فيها البيستو القدر لي بغيت ونخلط مزيان ونطفي منخليش البيستو ع البانة حتى يغليو غير تتسخن بانة نزيد البيستو ونخلط ونطفي البوطة وشي مراة تنزيد حتى الطونو تيجي زوين صافي ونضيفها الباسطة واكلة شهية

,عليكم ،البسطا بالراجو تنقطع البصلة مزيان أتنشحرها مع شوية ديل زيت ,تم تنزيد الكفتة توم محكوكة تم أتنحرك تم تنزيد المطشة مطحونة أخزوة محكوكة أورقة ديال سيدنا موسى , أمن بعد تنضيف توابل أتنحركهىا أتنضيف الماء أتنخلهة طيب , أتنصلق البسطا بالصحة

زعما تاوحدة فيكم متطيب باسطة ولا باخلين علينا بوصفاتكم

السلام عليكم ورحمة الله وبركاته
تحية طيبة لكن أخواتي الأنيقات حبيت نشارككم وصفة من وصفاتي في تحضير الباسطة أتمنى تعجبكم
https://www.anaqamaghribia.com/vb/sho…d.php?t=333095

انا كحك بصلة نشحرها فالزيت و الملح من بعد نزيد صوص طوماط وندير بزار.سكين جبير خرقوم زعتر م ص سنيدة باش تهرس ديك الحموضة ونزيد زيتون مقطع دوائر والربيع تم فالاخير الطون و م ص كمون وكنصلقو الباسطا ونخلطو مع الصوص التانية………. كنصلق الباسطا غير نحس بها قربات طيب نأخذ مقلا ونهز شوية من داك الما لكتسلق فيه الباسطا ندير فيه م ك زيت الزيتون غير يبدا يسخن نهز لباسطا ونحطها فالمقلا نحرك شوية ونرش فرماج وملح وابزار ونحرك شوية ونطفي وهاهية واجدة

باسطا راجو تتكون بلحم راش اختي تديريها بلاش بيه