خياطة ثوب الصاري

---

odh’m e,f hgwhvd hgshvd

و لآآآا رد

يلا كنتي كتسكني بمدينة فاس نسيفطك عند الخياط ديالي يدير معك ثمن لي بغيتي و فنفس الوقت عندو خياطة معتبرة

للأسف اختي أنا بعيييدة على فاس أنا من مراكش
فاس معروفة مزيانة فاللباس التقليدي و لكن جات بعيدة
شكرا اختي على اهتمامك
ماكرهتش للي عندها فكرة تفيدني راه ماكانعرفش للبلدي بشحال كيطلع موالفة كانشري الحاجة طالعة

يلا بغيتي ممكن نعطيك فكرة تقريبية لاثمنة الخياطة حيت راكي عارفة كل خياط كيطلب لي بغا
بالنسبة للخياطة بالمكينة
_ التكشيطة ب 800 درهم و ايلا كنتي شاطرة ممكن تنزليهالو ل 500 درهم
_ المضمة العادية 150 درهم و ممكن غير ب 120 درهم
_ مضمة السقلي الحر 900 درهم و ممكن غير 700 درهم
اما الخياطة باليد انا ما عمري خيطت تكشيطة باليد حيت عندي واحد المبدء كنقول غادي تقام عليا غالية بزاف و ممكن ما لبسهاش ايلا ما كانت حتى شي حطرة و ممكن الموديل ديالها يقدام . الجلالب كنخيطهوم باليد ولكن غير الجلالب ديال الاعياد او لي تمشي بيها معروضة حيت كيتلبسو على الاقل 4 او 5 مرات في السنة
ولكن ماما كتخيط التكاشط باليد كنظن حيت ما متاكداش ب 1500 درهم حيت عندها خياط تاني
يلا مزالة شويا يوم الاثنين ان شاء الله نمشي عند الخياط و نجيبليك الخبر الصحيح

لهلا يخطيييك اختي ماعرفتش كيفاش نشكرك ماتصوريش شحال فرحتيني بالرد و الاهتمام ديالك
واخا اختي نتسنا حتال نهار الاثنين و نتمنى تلقاي الجواب عند الخياط لي غاتمشي عندو
حتى أنا عندي نفس المبدأ ديالك و لكن بحكم الثوب الفوقاني للي هو موسلين عامر بالحجر داكشي لاش قالو ليا ماتخيطيهش فالماكينة حيت ماغايدوزش و الله أعلم
أما التحتاني فهو كايشبه لساتان دو سوا هاداك نديرو بالماكينة ماكاين مشكل
شكرا لصبرك و اهتمامك اختي

بالصح يلا كان الثوب منبت بالاحجار خاصو لخياطة باليد باش ما يضيعش
المهم نجيب ليك ثمن لخياطة ديالو بوحدو باليد شحال كتقام

شكرا اختي لهلا يخطيييك

السلام عليك و رحمة الله
راني مشيت اليوم عند الخياط و سولتو على ثمن لخياطة باليد غير بالنسبة لثوب الفوقاني
قالي ب 700 درهم

شكرا شكرا شكرا أختي الله ينولك ما نويتي فخاطرك
عذبتك معايا الله يسمح ليا من حقك هههه
الله يجازيك كل خير