تبث في 18/08/2019
bent bladi
هذي وصفة كنت لقيتها في احدى المنتديات من اخت جزائرية وجربتها وجى غزال
المقادير
أقل من 500 ج دقيق نوع جيد
1 معلقة ونص خميرة فورية
1 بيضة
1 فنجان زيت
قبصة ملمكوناتح
1 ملعقة سكر
2 معيلقات ديال النيدو
1/2 معيلقة بكين باودر
الما دافي
للتزين
الحبة السوداء والجنجلان {اختياري}
الطريقة
كنخدو اناء غارق شوية ونخلطو المكونات مزيان ونعجنوها غير شوية فقط ومتكونش قاصحةةةة او جاريةةةة
ونغطوها ونخلوها تخمر
من بعد نعاودو نعجنوها بيدنا ونغطوها ونخلوها تضاعف مرة تانية
في المرة التالثة نرش شوية طحين ونحط العجين
نشد القالب ديال الفرن ندهنوه بالزبدة ونخذو العجين ديانا ونكرصوه فيها
وشدي كاس وبقاي تطراسيه على الوجه او شدي موس وديري علامة زائد
ومن بعد دهنيها باصفر البيض وعاد رشي عليها الجنجلان والحبة السوداء
كتسخني الفران وخليها واحد 10 دقايق على ما تطلع شوية ودخليها طيب ع درجو حرارة 180
من تحت وعاد شعلي عليها من فوق باش تحمر
وها هي من لداخل
وبالصحة والراحة
اعذروني على طريقتي راه اول موضوع ليا في قسم الطبخ
ofJJJJJ. iada ,gh hv,u ,fhgwJJJJ,v
تستاهل تقييــــــــــــــــــــــــــم
المشاركة الأصلية كتبت بواسطة zineb-chwiwa 
كدهنيها باصفر البيض فاش كديريها في القالب وتكرصيها ومن بعد كترشي عليها الجنجلان والحبة السوداء
سعدت لمرورك
المشاركة الأصلية كتبت بواسطة أم أنس وإلياس تستاهل تقييــــــــــــــــــــــــــم
بارك الله وفيك احبيبة
10/10
-قبصة ملمكوناتح
– ملعقة سكر: ملعقة كبيرة؟
– معيلقات : ملعقة شاي؟
المشاركة الأصلية كتبت بواسطة Humble -قبصة ملمكوناتح
– ملعقة سكر: ملعقة كبيرة؟
– معيلقات : ملعقة شاي؟
مادا تقصدين ب:
-قبصة ملمكوناتح غلط كيبيوردي ههه اقصد شوية ديال الملح
– ملعقة سكر: ملعقة كبيرة؟ نو مكبيراش اما اذا بغيتيها تجيك حلوة ديري السكر اكثر انا جربتها بالملح وجربتها بالسكر في كلا الحالتين جات زوينة
– معيلقات : ملعقة شاي؟ نو الحبيبة 2 معالق كبار
سمحي ليا راه اول مرة نحط وصفة ومكنتش كندقق في الكتابة
شكرا ع المرور
المشاركة الأصلية كتبت بواسطة Humble 10/10
نورتي موضوعي وشكرا على 10