حساسية الجلد الاوتيكاريا او تاوردايت الي عندها علاج تعتقني بيه

السلام البنات كيف فالعنوان عندي ط­ط³ط§ط³ظٹط© مزمنه اورتيكاريا كرونيك وكنت كاندير الكوغتيكويد وكانت كاتمشي دابا هادي ثمن شهور مابغاتش تمشي مبقا يقضي ليا الدو والو وعيت من الحكة حتا جلدي كلو تسلخ وتجوح بالحكة اللي ط¹ظ†ط¯ظ‡ط§ شي عشوب ولا شي حاجه تنفعني ماتبخلوش عليا الله يرحم الوالدين قهراتني الله يشافيني وياشافي جميع المسلمين يارب

---

pshsdm hg[g] hgh,jd;hvdh h, jh,v]hdj hgd uk]ih ugh[ jujrkd fdi

السلام عليكم اختى كنتمانالك الشفاء العاجل غير اجل يارب ممكن اختى تشري وحد بومادا دهن من صيدلية والى بغيتى نعطيك لحليب وبندوش وبومدات الى كنعمل لبنتى انا قبل غير هما ثمن شوية قاصح 445درهم انا بنتى كتعانى بحالك من حساسية لدرجة وليت كنسهر الليل كلو كنحك معها في ايدها ورجليها نيضين فيها حبيبات صغار حمرين وجلدها قصاح شوية ومرفقها ولو نشفين يبسو من رطوبية الى كانو فيها بفعل لحكة ووجها نضفيه حزازة وحتى هو ولى فيه لحبوب شوية مهم ماسات وليت كنفكر لليل ونهار اشنو وقع واشنو نعمل يكما لكلوى يكما شي حاجة كاع الافكار الخيبة وللات كدورلى في راسي حتى مشيت عند وحد طبيبة يهودية هنا في كازا وعن تجربة الاشخاص اعرفهم ومنهم امى مشيت وخرجتلى هد الادوية تجميلة منكدبش عليك شكيت في نتيجة في الاول حيث الاستعمال خرجى فقط ولكنى نهار الاثنين الماضي بدية الاستعمال والبارح تانى استعمال والحمد لله جلد بدى يرطاب ومبقاش ناشف في مفاصل وحتى لحبوب قلالل منها ومبقاتش كتحك والحمد لله .

الى كنتى بغي الادوية هى دهن داليبور هاميل حكة او لحزاز في لوجه.
مرهم ديبروزون0.05% لدهن اجسم دون الوجه
حليب بعد الاستحمامlipikar لدهن الجسم
بندوش CAMOMILLA BLU

ونعلمك اختى طبيبة حضرتنى من استعمال الصابون العادى او طوس او اى حاجة معدا صبونة الصيدلية للبكتريا وحكة وحتى شنمبوان لزمتنى نستعملها غير للاطفال فقط قلتلى هدشي كياثر على اليلد وكيخليه يفقد رطوبة تاعو وكيساعد الحكة في انها ثكتر .

انا عطيتك جميع معلومات وبشفاء ونقصت عليك انكى تشدى نوبة من 6 صباح عند طبيبة وثمن 300درهم خخخخخخخخخخخخخخخخخ.

اوبشفاء العاجل يارب

salam khti ila sakna f casa siri 3and l3chab lwajdi kayn fi lmsalla f ain choq wra la fac dyal ain choq hakkak kant banti o 3tani sirop o creme o savon kolchi mn ala3chab o al7amdo lillah nfa3ni bzaaaaaaaaaaaaaaf o allah yjib chifaa

ila makaynach f casa jarrbi khal toffa7 f douch dima rattbi jald b chi zit tabi3iya

شكرا البنات علي جوابكم انا مكانسكنش فالمغرب ولكن راني دابا فاكادير دابا كنت كانستعمل مضاد الهيستامين المسبب لهاد الكارثه الحمدلله وهما ماشي حبيبات صغار كاتكون كوره كبيره و لوسط ديالها بيض والجناب حمرين

الحمدلله بارك الله فيك اختي غانسول علي هاد الدوا فالفرماسيان وسمحو ليا تعطلت فالرد

انا دخلت اختي غير ندعي معك الله يشفيك

ربي يخليك اختي اللهم امين

أول شيء شوفي لماكلة ديالك را كتكون شي حاجة كتهيج الحساسية. استعملي diprosalic pommade
جد فعااالة وماكتخليش الآثار راها ب 40 درهم على ما أذكر.وماتحكيش جلدك راها كتوسع أكثر بالحكان .الله يشافي.

اللهم امين ياربغادي نجربها شكرا اختي