19/01/2019 
هاد الحرشة اول مرة نجربها اخترعتها من راسي والمفاجاة طلعت فننننة وغزالة وبغيت نشارككم بيها وصدقات هشيشة وغزالة احسن من اللي كنت كنصاوبها والاهم انها صحية وردو البال راه كتهرس بسهولة يالله نخليكم مع المقادير كنديرو 3 كيسان كبار سميدة رقيقة نص كاس صغير زيت العود معلقة كبيرة زبدة معلقة كبيرة زعتر معلقة كبيرة خميرة العجين ومعلقة صغيرة ملح 2 ساشي فاني 1 خمارة كاس كبير ديال الماء كنخلطو كلشي في اناء ونخليوه نص ساعة يخمر ملي كيخمر كنرشو بسميدة وندلكوها بالدلاك ونقطعو بكاس اوزلافة ونطيبوها في نار هادئة وتردو البال معها مزيان حيث كتهرس وملي طيب كندهنوها بفرماج اوجبن او اللي متوفر عندكم مع كاس اتاي مممممممم ياسلام شحال كتجي لذيذة وكتذوب فالفم والاهم انها صحية ههههه ياربي السلامة شحال فيا ديال الهضرة مكنتقاداش ههههههه نخليكم مع الصور 
اللهم ادمها نعمة واحفظها من الزوال
pvam f.ujv ,.dj hg.dj,k lk l’fod
تبارك الله على نجمة جات زوينة الله يعطيك الصحة
المشاركة الأصلية كتبت بواسطة فلة المحجبة 
تبارك الله على نجمة جات زوينة الله يعطيك الصحة شكرا حبوبتي عويناتك اللي غزالين وكيشوفو كلشي غزال
تباركالله عليك اختي نجمة دارها بيا التقييم
تبارك الله عليك اختي ان شاء الله غانجربها انا عارفاها بالمينتا كاتجي لذييييذة ا عمري كليتا بالزعتر انا غانقولك واحد الملاحظة راها كتهرس دغيا حيت كترتي فيها الزيت بزاف راكي قلتي كاس زيت + ملعقة زبدة على داكشي كتفرتت ليك
المشاركة الأصلية كتبت بواسطة فدوى ام أحمد تباركالله عليك اختي نجمة دارها بيا التقييم الله يبارك فيك اختي فدوى مرة اخرى ان شاء الله وبوسي ليا سيدي احمد
المشاركة الأصلية كتبت بواسطة miss rif تبارك الله عليك اختي ان شاء الله غانجربها انا عارفاها بالمينتا كاتجي لذييييذة ا عمري كليتا بالزعتر انا غانقولك واحد الملاحظة راها كتهرس دغيا حيت كترتي فيها الزيت بزاف راكي قلتي كاس زيت + ملعقة زبدة على داكشي كتفرتت ليك الله يبارك فيك اختي واقيلا من زيت ولكن درت غير نص كاس وشكرا على الافادة
تبارك الله على نجومتي
حرشة تتشهي الله يعطيك الصحة أختي مع أحلى تقييم تم نقل موضوعك أختي الى قسم المعجنات
تبارك الله عليك نجومة باينة كاتشهي