السلام عليكم ط¹ط§ظپط§ظƒظ… بيتكم تقولو ليا على هاد المشكل واش مريتو منو وفنفس الوقت الا كاين شي حل المشكل ولدي عندو عام و7شهور من نهار تزاد ونا عندي هاد المشكل تاع البول كايخرج ليه ليكوش دغيا كيخرج ليه البول دابا تاندير ليه ليكوشا تاع الليل مايجي الصباح تايعمر كاملو كنت نقول من الرضاعة مي دابا كايخد غير وحدة فاش يبغي ينعس عييت ديما ضاصني نبدل ليه مع الصباح كيولي فازك جربت كل انواع ليكوش دابا كانعمل ليه دلع واش شحال كن ليكوشة خصني ندير ليه بالليل نتوما شحال كاتعملو سولت العيالات قالولي انا ماعمر ليكوش ماخرج لينا البول انا هاد المشكل كانعاني منو من كان عندو شهر عييت وخفت يكون عندو شي موشكيل ط¹ط§ظپط§ظƒظ… نصحوني
jrivj uhth;l ad pg
سلام عليكم
سمحيلي أختي معنديش فكرة دابا يدخل أمهات أ يفيدوك
الله يخليه ليك
سمحيلي أختي معنديش فكرة دابا يدخل أمهات أ يفيدوك
الله يخليه ليك
السلام عليكم ورحمة الله وبركاته اختي حقيقة هي مشكلة ولكنه ناتج عن عدة اسباب ربما كتشري ليكوش صغار على السن ديالو او الحفاظات ماشي من النوع الجيد او ربما ما كتسديهاش مزيان خصوصا من الاعلى وجوانب الفخدين حيت كتكون واحد لاستيك فيه فرافر خصك تخرجيهم باش يمنع تسرب البول والى ماكانش هاد شي كلو دي ولدك عند اختصاصي الاطفال او شرحي ليه المشكل او هو غادي ينصحك او مشكل خروج البول من الحفاضة راه عادي كيطرا مرة مرة ماشي دائما اومني تعملي ليه الحفاظة نزلي العضو التناسلي ديالو لتحت باش واخ يتبول مايخرجش برا الحفاظة ولكن لابد من استشارة طبيب ممكن يفيدك اكثر والله يدير لك تاويل الخير
شكرا ليكم على الرد ونتسنا الاخوات ليمرات من نفس التجربة
أختي بحال لقالو ليك الأخوات خودي كوش كبيرة وخرجي دك الفرفرة ديال جنب لهو لستيك وردي لبال ف لبكية ديال لكوش مكتوب وزن الأطفال ليجي قدهم أنا كنصحك ب- hugges وخى غالية شوية ولكن مكتزمتش ومكتيبش أنا ماعندي ولاد ولاكن أنا لمربية والد ختي وحمدلله مكيفزكش ليا فليل نتمنى نكون فدتك ولو شوية
السلام اختي انا تندير ليه بومبرز راه تتشرب البلل وحتى انا ولدي تيصبح فازك بعد المرات غير صبري معاه وبداي الا فقتي باليل بلي ليه ليكوش خصوصا دابا الحال بدا تيسخن متخافي والو اما دلع معجبتنيش
حتا انا كان عندي نفس المشكل و دابا كندير لولدي پمپيرس و بعد لمرات كاندير ليه كوشا ف كريشتو علا لعرض فهمتي وللا كانبدل ليه ليكوش ف 5 دصباح باش مايسبحش فازك ماتخلعيش راه عآآآآآآآدي
أختي أنا كنعمل لولدي ايكوشا وحدة الليل كامل وماكنغيرليه حتى كياخد الرضاعة ديالو ديال الصباح وماكاين لاتسرب لاوالو..ليكوش اللي كنستعمل هو بومبيرز …
واحد الأيام بغيت نقتاصد شريت دلع ولكن ماقتاصدت ماوالو حيث دغيا كيتقال وتيسرب ..بدليه واحد السيمانة وشوفي إلى كان باقي نفس المشكل عرضيه على الطبيب غير باش تطمئني
الله يسهل أمورك ويريح قلبك أختي
واحد الأيام بغيت نقتاصد شريت دلع ولكن ماقتاصدت ماوالو حيث دغيا كيتقال وتيسرب ..بدليه واحد السيمانة وشوفي إلى كان باقي نفس المشكل عرضيه على الطبيب غير باش تطمئني
الله يسهل أمورك ويريح قلبك أختي
اختي راه هديك مسالة عادية ماتخافي عليه والو راني مريت بنفس المشكل نوصيك بالصبر راه دبا يكبر ويحيدو كاع و هنيك ههههههههه
salam okhti matkhafi walo ikoun lkhir inchaa lah lah ichafih lik wi traba fi 3azak inchaa lah