سلام عليكم
عافاكم انا بغيت ندير نهار ط§ظ„طظ†ط§ بوحدو نهار الخميس متلا او الاربعاء وبغيت نعرف كيفاش نوجد ليه لانه اغلب العراس الي حضرت ليهم مؤخرا ط§ظ„طظ†ط§ مع العرس وانا بغيتو يكون بوحدو وبالتالي ماعارفاش ط§ط´ظ†ظˆ نقدرو نديرو في الماكلة او مع اتاي او او او كيفاش الطقوس كلها كتكون خصوصا العرس موراه وبغيت نبدل على الماكلة ديال العرس الي هي الدجاج واللحم وكدلك بغيت نبدل على الحلوة ديال العرس مابغيتش نحطها هي نيت
وفي العراضة على من نعرض؟؟ والمشطة والماكياج كيفاش يكونو باش يكون اليوم مختلف على يوم العرس ان شاء الله
وشكرا ليكم
jrhgd] gdgm hgpkh td hglyvf hv[, hglshu]m hgh hg;ghl hak, fhggi
نهار الحنة ديري ماكياج خفيف و مشيطة سامبل و شي قفيطن يصلاح للحنة ولا تكشيطة
كري لوازم الحناء من النكافة ويلا كنتي ديجا عاملة النكافة راه هي تاتتكلف
الهدية تاتجي نهار الحنة مللي تايدخلوا حباب العريس تاتكوني تاتحني نتين
ايوا يا لالا كاين اللي تايعمل تلباس الخواتم و شريب الحليب و التمر يوم الحنا
وكاين اللي تايخليهم تا للحفلة الكبيرة
من الاحسن يوم الحناء
بالنسبة للحلويات عطا الله الاشطال اختي ممكن تختاري ديال الحنة يوحديهم و ديال العرس بوحديهم
كيف يدخلوا حباب العريس تايدور التمر و الحليب و الشباكية و بريوات
من بعد اتاي و حلويات اللوزم
ن بعد عصير و بتي سواري ولا خليهم هما ولي سالي و بتي فور خليهم للعرس
ايوا العشا ديريلهم بسطيلة السمك ايلا بغيتي تنوعي و من بعد الشوا مثلا و الديسير مشكل و لا كاطو كلاصي
وصافي هاهي دازت
العرس راه معروف شنو تايكون فيه
الحلويات منوعة ديال العصير بوحديها و ديال اتاي بوحديها و لي سالي
و الماكلة ايلا عاملة طريطور
ولا نتين تتكلفي ديري الدجاج ولا بسطيلة الدجاج و الشوا ولا اللحم باناناس والمشماش ولا بالشريحة و اللوز
وفالاخير بييس مونطي
ايوا ايلا تفكرت شي نجيك تاني هههه
وربي يكمل عليك بكل خير ياربي
بغيت نسولك اختي انا دايرة عرس اسلامي يعني بالمنشدات وبالتالي العريس ماغاديش يبرز معايا غادي يوصلني كل مرة من غرفة تغيير الملابس وكاين واحد الكولوار طويل نمشي فيه انا وياه والكامرات وكدا يوصلني للباب ونمشي للبرزة بوحدي
ولكن بالصراحة بغيت ندير الطروطة الي فيها الطبقات وبغيت نعرف كيفاش نقدر نقطعها اناو ياه في هاد الحالة
وشكرا
الصراحة ايلا عاملة غير العيالات اكيد غاديين ياخدوا راحتهم وكاين اللي غادي تزول الحجاب على اساس انه غير العيالات
ممكن تعلميهم يعني مللي يبغي يدخل راجلك يعملوا فولاراتهم و يدخل غير بوحديه قطعي نتين وهو الطورطة و خودوا تصيورات و نيت يتصور معاك فالبرزة راه تايبقاوا فكرة زوينة اختي
والله ييسر
ربي يكمل بالخير الحبيبة