تفاصيل زيارتي كلينيك من أجل اصلاح cicatrice

السلام عليكم أنا بغيت نسولكم الله يجازيكم بخيرأنا عندي واحد الضربة قديمة فالجبهة محفورة وبغيت ندير ليها التجميل آش كتعرفو على فحال هاد العمليات واش تشجعوني نديرها أو لا، أنا دابا كنفكر نمشي ظƒظ„ظٹظ†ظٹظƒ السلاوي كاين فالرباط باش نشوف معاه الثمن آش بان ليكم نصحوني الله يرحم ليكم

هاد الموضوع كتبتو من قبل أنا دبا مشيت ظƒظ„ظٹظ†ظٹظƒ بغيت نعرف التمن ڭالو ليا خاصك تخلصي ڨزيت 300 درهم خلصتها ودخلت ،ڭال ليا الطبيب را واخا غا تحيد غايبقى بلاصتها واحد الخط، والتمن 2024 درهم وخديت موعد 06/4 ڭالي را العملية بسيطة كاتاخذ تلت ساعة، ملي جيت للدار ڭالت ليا ختي لا بقى لاطراس فحالي ما درت والو المهم صيفط ليه ايميل وسولتو واش ممن نديرها بلا ما يبقى الأتر ڭالي لا ولكن تقدري ديري الليزر من بعد باش ينقص، شنو بان ليكم فهاد الشي عفاكم اللي عندها باش تفيدني ما تبخلش عليا

---

jthwdg .dhvjd ;gdkd; lk H[g hwghp cicatrice gdg sdhvmi

لا فكرة لدي اختي..ونصيحة مديري والو حتى تعرفي الامر
وتكوني فاهمة الموضوع وفاهمة شنو غايدروليك

chokran akhti 3la rad w 3la nasi7a lhla ykhatik

الصراحة اختي ما نقدرش نفيدك ، ولكن كيف سبقت وقلت ليك أنا عندي صحبتي يالاه هادي اسبوع باش دارتها ، ومازال مزولتاتش الفاصمة باش نقدر نقول ليك واش مشى الاثر نهائي ولا مازال ، حتى هي كانت عندها الضربة فحنكها ،

حتى مراة خويا دارتها كانت عندها حفرة في الجبهة ولكن ضروري كيبقا واحد الخط تقريبا بنفس الثمن في الدار البيضاء

السلام عليكم .ختي حتا انا نضري من نضر الاخت متزربيش وسولي مزياااااان سولي كتر من 3 ولا ربعة ديال الاطباء على الاقل عاد ختاري واش دريها ولا لا راه صحتك هاديك ولاطباء كيختالفو كولا واحد واش يقول ليك . ويكونو في صبيطارات ولا عيادات مختالفين ماشي في نفس البلاصة .الله يدير ليك ليييي فيه الخير اختي حينت اختي راه هاد شي ديال الاطباء كيرون وكيخصك تكوني عارفا اش باغا مزياااان حينت شحال من واحد سدق مزرف في صحتو الله يستر مشا على قبل حاجا بسيطة صدق حوايج خراين… الله يستر .لي في الخير الله يجيبو ليك اختي

شكراsosanita على الرد بغيت آختي نسولك واش صاحبتك دارت الليزر هو اللول عاد دارت العملية؟

شكرا آختي على اهتمامك بالموضوع نتمنى داك الخط مايكونش باين بزاف

آمين أختي شكرا على الدعيوات الله يخلي ليك آدم أنا آختي ماكرهتش نسول كتر من واحد ولكن آختي را التسويلة ب 300 درهم، هههههه المهم هدا اللي مشيت عندو معروف والناس اللي لقيتهم عندو شكروه ليا وشكرا

أختي راه حتى واحد صاحبتي حتى هي دارتها شي 4 سنين هذه أ بقى ليها حتى هي داك الخط المهم أحسن بكثير من الأول، في نظري غير تشجعي أختي أ الله يدير ليك لي فيها الخير.