تطبيقي للارز بخيزو والفرماج مع وصفة من اختراعي هه

السلام عليكم ليوم(ليوم أنا فرحانة بزااف حيت تعلمت نحط صور أخيرا هادي مدة ونة كنحاول ومكنت كنعرف) جبت لكم طريقة غزالة وساهلة لتحضير الأرز ديال الاخت BENT BLADI كيجي فعلا بنين بزاف ومتشبعش منو أنا رافقتو بشرائح الدجاج بدانون وشمبنيون نخلق مع المقادير والطريقة والصور غادي توضح لكم مزيان .
أولا غادي نرقدو شرائح الدجاج فملعقة مطارد،ابزار ،ملح،سكنجبير ، توم محكوك و واحد دانون طبيعي ويكن حلو مشي إييييه حلووو مشي مسوس وهدا سر البنا ديالو كيجي رائع ونخلط مزيان ونخلوه فتلاجة شي ساعة ولا 2 على حسب الوقت ،من بعد ندير زيت فمقلات وندر دجاج يتقلى شوية ومن تدخلو طيب نزيد عليه علبة ديل شمبنيون ونخلوه شوية تم نضيف شوية ديل القشدة الطرية ونخليوه تغلي غي شوية ونطفو .
فهاد الوقت نكونو طيبنا الروز فلما والملح وسفنه،وفمقلات ندير زيت ونزيد 2 بصلات مشلضن ومن طيب نزيد الجزر محكوك نخليوه غي يدبل ونزيد 4 فرمجات غي يدوب نزيد الملح ولبزر ونزيد عليه الروز ونخلط مزيان ونقدمه مع الدجاج و بالصحة والراحة .

j’fdrd gghv. fod., ,hgtvlh[ lu ,wtm lk hojvhud ii