تشييز كيك بالتوت من مطبخي بالصور

هي كتجي لديدة بزاف انا غادى نكتب المقادير بالمغربي والصورة ديال المقادير بالسعودية حيت انا ساكنة تماك وراه نفس المقادير عربية كتختلف غير بالصورة
نبدا بالمقادير
علبتين بسكوت ديال اتاي
2 حكاكي ديال جبنة السائلة للدهن
3 ملاعق ديال الزبدة
2 حكاكي ديال الكريمة المخفوقة انا استعملت دريم ويب موجودة في السعودية
2 حكاكي ديال القشطة الطرية
حك ديال جيلي اناناس دوبيه في كاس الماء مغلي
حك ديال جيلي فراولة دوبيه حتى هو في كاس الماي مغلى
حك ديال الكنفتير الفريز
نبداو ببركة الله

يتكون الكيك هدا من اربع طبقات نبداو بالطبقة الاولى
مقاديرها هي الزبدة والبسكوت
الطريقة كنطحن البسكوت في مولينكس حتى كيتفرتت ونحطوه في القالب ديال الكيك ونحطو الزبدة معاه
ونخلطوه مزيان ونخلوه يتماسك ويدخل الثلاجة باش نحضروا الطبق التاني

الطبقة التانية مقاديرها
كاس جيلي الفريز زائد كاس ديال القشدة الطرية زائد حك ديال الجبنة للدهن زائد كريمة المخفوقة دريم ويب

تاخديهم وتخليطهم في مولينكس من بعد خرجي القالب الي في التلاجة وكوبي عليه هاد الخليط لي صوبتي

ورجعيه مرة التانية للتلاجة باش اتجمد الطبقة التانية وهدي صورتها

نبداو دابا الطبقة الثالتة مقاديرها نفس التانية اختلاف فبلاصة مدير جيلي ديال الفريز ديري جيلي ديال اناناس
وهدي صورة توضح

وخلطيهم حتى هما في الخلاط بحال التانية

بعد ما تكملي تخلاط في مولينكس خرجي القالب من الثلاجة وكوبي عليه الخليط التالت دابا عند ثلات ديال الطبقات
كوبينا الخليط الثالت دخليه الثلاجة وخليه ربع ساعة ودابا وجدي الطابق الثالت وهو ساهل كيحتاج غير الكنفتير الفريز

بعد ما خرجتيها من الثلاجة كوبي عليه الكونفتير الفريز وزيني بيها القالب

وهدي النتيجة اخيرا بالصحة واراحة نتمنى تعجبكم

---

jadd. ;d; fhgj,j lk l’fod fhgw,v fhgj,f

https://www.anaqamaghribia.com/arabic/
استعملي لوحة مفاتيخ بالعربية
عواطف نبيلة

ربي اخليك الزين بصحتك وجربيها راه لذيذة بزاف

الله شحال تيشهي انا تنحماق على التوت مممممم
بالصحة و الراحة الزين

الله يعطيك الصحة جربيها ازين راها ساهلة ماهلة وبنينة وحتى انا كنحمق على التوت بالاخص الى كان عصير

ريب يخليك حبيبتي
قوليلي واش مربى التوت اينا مارك و واش تيكونو فيه دوك طريفات توت

هاد الفريز من السعودية

السلام عليكم
اهلا بيك اختي معانا
اهلا احتي راني حدفت الصور لانها تتحمل اسم اخر مرة اخرى الا بغيتي تنقلي شي موضوع الصورمخصهمش احملو اشهار لاي منتدى او كتيب منقول للامانة
شكرا اختي على الموضوع

مشكورة على نقل الطيب
وعيد مبارك سعيد

الله اخليك وسمحلي راني جديدة في المنتدى انا اصلا خديت هاد الكيكة من كتاب عندي وجربتها بنفس المقادير الى في التصاور الي شفتي وحتى كتبت الطريقة لكن صور ماعرفتش كيفاش نقلهم من تلفون للمنتدى كتبت الطريقة لصوبت بها الكيكة وعملت البحت في جوجل ولقيت تصور ديال كيكة لصاوبت قلت نصفتها باش تكون واضحة الطريقة مع صورة ويشوفو الشكل لكن انا صوبتها في داري كتر من مرة وكيما قلت انا ذيدة لاني دقتها وجربتها وحتى صورتها في جوالي لكن حوالت نصفتها معرفتش سمحلي مرة خرى الى معرفتش النسفط احسن نكتب الطريقة بلا صورة هدشي لي خاصني ندير لكن انا نيتي صافية بغيت النلس تعرف الطريقة وتشوفها شكرا على التنبيه