تحقيق الكوميساريا بالنسبة للأنيقات الي متزوجات أجانب غير عرب

لسلام عليكم جميعا الأنيقات الله يفتح على كل واحدة فيكم ويعطيها الي كتمنى أنا سؤالي بسيط و كنترجاكم تفيدوني،أنا مقبلة على الزواج من إيطالي مسلم والحمد لله،بغيت نعرف فتحقيق ديال ط§ظ„ظƒظˆظ…ظٹط³ط§ط±ظٹط§ آشنو هما لأسئلة لي كيطرحو،واش كيجمعونا أولا كل واحد بحدو،وأنا خطيبي كيهدر غير الإيطالية والإنجليزية فهاد الحالة كيفاش غادي يتعاملو معاه ؟
واش كاينة تدويرة ويلا كانت شحال كطلبو؟عاونوني راني مخلوعة وما عارفة مندير جاوبوني الله يرزقكم جنة

---

jprdr hg;,ldshvdh fhgksfm ggHkdrhj hgd lj.,[hj H[hkf ydv uvf gj.,[hj hld

ما عندي حتي فكره لكن الله يسر ليك الامور

شكرا على مرورك سمراء النيل،ٱمين أختي ويسر لجميع

المشاهدات متبخلوش عليا بردودكم الله الي عالم شحال محتاجكم تنوروني

انتظر ردودكم بفارغ الصبر ………

اولا الله يكمل بيخير.غدخلي نتي وياه بجوجكم المهم اسئلة عادية عن العائلة ديالك اسم امك ابوك فين كيسكنو واش مجموعين ولا مفارقين اخوتك شحال واش مزوجين وشحال عندهم تاع لولاد وفاش خدامين اشنو كنتي كديري قبل متزوجي شنو هما لخدامي لي خدمتي وحتى لاش قريتي…. نوصيك واحد الوصية مهمة بزااااااااااااااااف سمعيني وطلقي ودنيك ضروري تافقي نتي وراجلك فين تلاقيتو فين تعارفتو عندااااااااااااااك تقولي الانترنت ولا الزنقه يعني فشي قهوة ولا فشي شارع ولا فالخدمة ولا ولا… بجوجكم قولو من طرف العائله مثلا عندكم شي حد فالبلاد فين ساكن شافك فشي صورة وعجبتيه وهضر مع داركم وجا شافك وهضرتو وارتاحيتو لبعضكم وقررتو تزوجو.خصكي توصي راجلك يقول نفس الهضرى راه حتى مورى متزوجو وتبغي دفعي وراقك ايقدر يسولكم نفس السؤال فين تعارفتو وتجاوبي نفس الجواب.الاسئلة لي غيسولوه هو عادية وغيجاوبهم بكل صراحه ميكدبش الا فهادي لي قلت ليك تافقو عليها حيت الى قلتي الانترنت ولا الزنقه تيفهموها بالغلط متيعرفوش بانه راه كاينين بنات الناس تيتزوجو غير من الانترنت حيت الانترنت فهاد الاواخر خدا سمعه مزويناش على لبنات والتعارف بصفه عامة.الله شاهد عليا مبغيتش نكدب ونقول تعرفت عليه فالخدمة ديالي ولكن هاد الناس كيجبروك تكدبي باش تزوجي.ويلا محتاجين التضويرة حدك 200درهم لهداك لي تيسول و200درهم لهداك لي غيسني ليكم على المحضر المهم راه عندكم واحد ساعتين ونص حتى 3سوايع غير ديال الاسئلة نسيت غيسولك واش فايت لك درتي مع هاد السيد علاقه غير شرعية؟ كون بغينا علاقات غير شرعية كاع منجو لعندكم تشحفونا بالاسئلة.راجلي قليا لي بغى يدير لحلال عندكم كيصعبو ليه المهم اختي درنا لعقد ف 14يوم وهي اصلا غير اسبوع ولا غير 3ايام ديريه انا واد الورقه هي لي عطلاتني.ايوا سمحي ليا كترت عليك غير تفكرت حالتك بحالي فاش بحرى بغيت ندير لعقد كنت مشطونه بزاف ومخلوعه مرتبكه متخافي مدهشري المهم وراقو يكونو ناضيين عاودي راجعيهم معاه قبل مايجي خصوصا كفاءة الزواج زعما موافقة الدوله خصو يدوزها لوزارة الخارجية تماك قبل متجي لهنا ويلا بغيتي تعرفي شي حاجة اخرى انا رهن الاشارة ولي عرفتو غدي نقولو ليك بكل فرح.

السلام عليكم bissanalex كيف دايرة الناس حداكو ولاو كيديرو المواضيع وبالعربية ههههههههههه ما عندي ما نتسالك كيف كيقول المثل كل الطرق تؤدي إلى روما…… كنشكرك أختي ريم محمود على جوابك الله يجازيك بخير أختي حتى انا غادي ان شاء الله نتزوج بايطالي هده الشهادة ديال الكفاءة اللي قلتي فعلا خاصو يجيبها من بلاده ويصادق عليها في الخارجية تما عاد يجيبها للقنصلية الايطالية اللي في كازا ولا حتى يجي للمغرب عاد كيمشي ياخدها من القنصلية الله يرحم ليك الوالدين الى ما جاوبيني حيث انا هاد الورقة بالضبط اتعقدت منها بكثرة ما سولت عليها وكل واحد واش كيقوليا ؟؟؟؟؟؟؟؟ ولك جزيل الشكر

اختي bissanalex عندي ليك خبر زوين الحمد لله أخيرا لقيت جواب لتساؤلاتي بخصوص شهادة الكفاءة اكتبت امييل البارح للقنصلية الايطالية بكازا وجاوبوني واعطاوني سيت ديالهم وقلبت فيه عاد لقيت الاوراق اللي خاصنا نوجدو ونترجمهوم للايطالية باش نعطيوهم ليهم عاد يعطيونا هاديك الشهادة وما نحتاجوش لشي موعد مسبق ايوا كيف جيتك كا ولا ما كا ههههههههههههه حتى تدخلي ونعطيك المعلومة يلاه نشوفوك

الأخت ريم محمود معرفتش كيفاش نشكرك على هاد المعلومات للي عطتيني لهلا يخطيك و يبارك ليك ف زوج ديالك و يرزقك الدريه الصالحه و يعطيك صحيحتك راكي فدتيني بزآآاف،بغيت نعرف حاجه وحده كيف غادي يدير الخطيب ديالي حتى يتواصل مع البوليس و هومكيعرف يهدر غير لايطاليه وشويه ديال الانجليزي .و التدويره عفاك واش كتعطى ليهم عين بين ولا كيفاش؟ حيت قالو لي كيطلبوها منك عين بين. وشكرآآآآان بزاف

اختي سمارينا كدايره كنتمنى تكوني ب الف خيير و سمحيليا هاد لايام عندي الخدمه بزاف غادي نخلي ليك مساج فل هوتميل اوكي بيزوو ههههه