تجربتي مع الكيراتين بالتفصيل

السلام عليكم
انا اليوم جيت نعاود طھط¬ط±ط¨طھظٹ مع ط§ظ„ظƒظٹط±ط§طھظٹظ†
حيت حتا انا كنت شحال هاذي كنسول البنات و ملهوفة نعرف غا شي تجربة لشي انيقة باش نزعم
و بعدها توكلت على الله سبحانه و زعمت و درتها
انا شعري من النوع المشوك شوية و مدرج و طبيعي ما مصبوغش و مكندير ليه والو من غير شمبوان فيشي للقشرة و مي كنصوبو بالبروشينغ يبان بحال رطب بصح
زعمت و مشيت درتتها لكن بعد ما تاكدت من الصالون و سولت و شفت البرودوي و درت دبحة و لا ربحة و قبل كلشي درتها في يد الله
مشيت اليوم الاول غسلو لي شعري بشمبوان ديالهم و نشفاتو شوية و و بدات طلس لي في شعري ب برودوي دارت لي انوار الاسود ريحتو بحال الشكلاط
و خلاتو شي ساعة في شعري و يبساتو شوية تاني ب شوشوار
و عاد بدات بالبلاك زغبة زغبة تقولي كتخدم شي 3 ساعات و هي بالبلاك رجع شعري فن فن فن فن و قالت لي سيري تا اليوم 3 عاد اجي دازت 3 ايام غا في الدار لا خروج لا والو حيت شهر 6 كان الحال سخووون و مكانش عليا نعراق
رجعت عندها ولات صوبات لي بلاك و غسلات ليا غا بالما و نشفاتو الصراحة و تبارك الله رجع روعة روعو و لله الحمد فرحت الشوشوار من شهر 6 تا لدابا مكنمشيش للصالون تا دازت 3 شهور و بدا يبان لي لي غاسين شوية بديت نقيسو بشوشوار غا في الدار و صافي و دابا كنهبطو غا في الدار بشوشوار اما التالي مازال شاد الحمدلله في شهر 12 نكمل 6 اشهر بالظبط

اعراض ديالو
في الاول ديك 3 ايام الاولى مي كنت دايرا البرودوي جاتني قشرة بحال بلاستيك
زولاتها لي بالمشطة و غسلاتو لي و ماولاتش رجعات
شعري انا اصلا كيطيح شوية يعني مكاين حتا تغير ف هاد الناحية بقا كيف هو
درتو بي 28 الف 1400 درهم حيت شعري طويل فايت نص ظهري
و شريت شمبوان و كريم و سروم ب 600 درهم دابا بدلت شريت مجموعة اخرى عاد غا نبداها غدا ان شاء الله مي ندوش
هادي طھط¬ط±ط¨طھظٹ بكل امانة بدون زيادة بدون نقصان هو رحمة والله
ان شاء الله نحس بيه بدا يزووول نعاودو ان شاء الله

---

j[vfjd lu hg;dvhjdk fhgjtwdg

بصحة وراحة اختي شكرا بزاااف على المعلوات تقدري عافاك تقولي لينا اسم شمبوان والكريم و السيروم الي خديتي ا…

كنت شريت من الصالون نفسو شمبوان و كريم و سيروم سميتو rover hair ماركة ايطالية لكن بغيت نبدلها باحسن و بحاجة طبية
شريت دابا شمبوان و كريم بيو كلين ” bio clin” و سيروم ايفولديرم للكيراتين

شكرا احبيبة انك شاركتينا بتجربتك والله يجعلك نور على نور
تانا بغيت نديرو مي قلت تايسخن الحال ان شاء الله
تقدري تقولي لينا انا مدينة درتيه؟؟

امين يا ربي لهلا يخطيك اختي انا درتو في فاس
نصيحة ليك اخيتي ديريه و الحال بارد حيت مخاااصكش تعراقي ابدا ابدا في ديك 3 ايام الاولى مي كيكون في شعرك البرودوي

ان شاء الله احبيبة وشكرا على النصيحة ربي يحفظك

العفو اختي . اللهم امين لهلا يخطيك

بصحتك آختي ممكن تقولي لي إسم الصالون وفين كاين و شكرا

الله يعطيك الصحة درتو في صالون عيشة اللي جاي في ايت سقاطو لا ما عرفتيهش شدي غا طاكسي قولو ايت سقاطو تحت واحد القهوة سميتها على ما كنظن سو سويت و وتحت مصحة السلام

بصحتك اختي ولكن نصيحة ردي بالك راه اي حاجة برودوية راها فيها اضرار علاش غادي تعاوديه اختي الله يحفض لا يقرع ليك شعرك متبقايش تعاوديه هادي نصيحة وشوفي انتي رايك هوة الاهم