سابلي الكوك+سابلي هرنيس+1فلان ديال الفريز+1فلان ديال ڢاني+كريمة القهوة+وقهوة سريعة الدوبان باش نغطسو البسكوي
— نفرشو سابلي ديال الكوك من بعدما غطسناه فالقهوة ونستفوه كتفريشة أولى فقاع المول ديالنا
من بعد ندوزو نحضرو الفلان ديال لفريز كفما ماكتوب فساشي و نزيدو عليه واحد 2 معالق ديال مايزينة باش يجينا عاقد مزيان ونكبوه فوق البيسكوي وندخلوها لتلاجة تبرد وتچهد راسها نخرجوها ونديرو تفريشة وحدة أخرى ديال سابلي هرنيس بعدما فزكناه فالقهوة
— نحضرو كريمة القهوة: 1/4 لتر ماء +2 معالق نسكافيه +3 معالق ك شكلاط غبرة+ 2 معالق كبار مايزينة+2معالق ك زبدة + 2 معالق ك سكر == نخلطو الكل ونديروه فوق نار حتى تعقاد ونصبوها فوق هرنيسس لي فرشنا و ندخلوها تبرد وتشد راسها
نعاودو نديرو تفريشة ديال سابلي هرنيس اكيد بعدما فزكناه فالقهوة
— وندوزو نحضرو فلان ديال الڢاني بنفس طريقة ديال لفريز ونضيفو ليه 2 معالق ديال مايزينة باش يجينا عاقد حتا هو ونصبيه فوق طبقة البسكوي وندخلوها مرة أخرة تشد راسها
— نخرجوها ونفرشو طبقة ديال سابلي الكوك ونزينوها من الفوق بلي بغينا أنا هنا شاط ليا كريمة القهوة زدت عليها شكلاط اسود مدوب فحمام مريم وخلطهوم مزيان ودهانت بيها طبقة البسكوي وزينتها بالشكلاط أبيض محكوك ودخليها لي التلاجة تبرد مزيآآآآآآآآآآآآآآآآآن و قدميها بالصحة و الراحة
ملاحضة: البسكوي مكتبتش شحال مان باكية لي انهو كول وحدة و المول ديالها
jhvj hg’frhj fhgfs;,d ,hgtghk
بارك الله فيك أختي والله يجازيك بالخير مرحبا أختي خوديليك واحد طبيسيل
باينة عليها دايزها الكلام
يشهي
5 نجوووووووووووووم
بارك الله فيك أختي فعلا كاتجي غزآآلة تجربيها إن شاء الله وحكمي