بغيت نبدا نخيط للناس و مزعمتش

السلام اخواتي ط¨ط؛ظٹطھ نسول الخياطات واش كاع وقعلهوم فحالي انا فالغربة كنخيط شوية لكن فقط لراسي و هاد جهة مفيهاش الخياطات كاينة فقط وحدة و كتشرط و دير تمن لي بغات كتختار الكليان ديالها بكترة مكايجيو يخيطو عندها كتختار و متخيطش لكلشي وانا ملي نلبس شي حاجة مخيطاها الكل كيزعمني ظ†ط®ظٹط· و مكنبغيش وخا باااغيا لكن نخاااف نضيعلهوم.دبا عامين و انا نقول اليوما ظ†ط¨ط¯ط§ اليوما نزعم اليوما ظ†ط®ظٹط· لشي وحدة لكن ماي تسولني شي وحدة نقولها لا منبعد وااالو مقدرتش نزعم.

---

fydj kf]h kod’ ggkhs , l.ulja

زعمي اختي علاش متزعميش الى عندك الظروف الملائمة انك تخدمي وتوفقي بينها وبين واجباتك المنزلية على بركة الله
كاول شيء اختي استخري الله عز وجل راها مهههههههمة هاد القضية انك تشاوري مع الله عزوجل
احنا نقدروا نعطيهم نصيحة على حسب كل وحدة والمنظور ديالها اما الله عزوجل غيسر ليك على حسب اش بصلاح ليك دابا ومن بعد لذالك نجاح البداية ديالك غتكون باستخارتك لله عزوجل والله يدير ليك الخير
فعلا حتى انا هنا كنت نقلب على خياطة بالريق الناشف منلقاش وكنت تسنا حتى نزل البلاد عاد نخيط
الله يعاونك اختي

حتى أنا بحالك أختي مزعماش كيشجعوني الناس ولكن كنحشم بزاااف والله جيراني المغاربة تبارك الله كثار وأنا كنخيط ليهم تقريبا الكل غير بحال ننقص شي حاجة معمري تخلصت من شي وحدة والإيطاليات نعم مثلا البياسة 4-5 euro يعني كيعطوني بوحدهم اللي بغاو لأن الخياط عندهم غالي والثمن اللي كيعطوني بالنسب ليهم بسيط
توكلي على الله أختي وبداي وحتى أنا إن شاء الله ملي نرجع من المغرب ندير مادرتي ههههه

و عليكم السلام و رحمة الله و بركاته

شوفي أختي كيف منصحتك الانيقة هدى1 استخري الله عز وجل وتوكلي علي الله بداي بشوية بشوية الله يوفقك

شكرا اخواتي على تشجيع انا هاد العشية انشاء الله مدامها ليلة الجمعة المباركة و العواشر ندير شي ركعات خصيصا لهاد المسالة و نطلب ربي لي فيها الخير يسهلي فيها.بالنسب للاخت لي سولاتني واش نقدر نوفق مع الواجبات المنزلية؟؟نعم اختي الضروف ملاااائمة بزززاف عندي غير بنت وحدة كتقرا و راجلي نهار كلو خدام.راكي عارفة ديور الغربة صغار شقا تساليه فنص ساعة و راجلي يتغدا فالخدمة مكنلقى مندير غير الى نتلف الوقت فالماكينة او نختش فالحلويات ندوز الوقت راجلي مبغانيش نخدم على برا و قلت ندير شي حاجة غي فالدار.تعلمت الحلويات و الخياطة غير بقلة الشغل و كترة الوقت اي ملقيت مندير فيه.

ماشاء الله ايوة الله يوفقك غي توكلي على الله واستخري وربي يدير لك تاويل دالخير

السلام عليكم
علاش متزعميش بما أن عندك حرفة فيدك وداكشي لي كتخيطي ليك كيعجبك ويعجبهم علاش لا حاولي تبداي غي داكشي لخفيف ويلى خفتي كاع تبقاي تستعملي لباطخون باش متغلطيش
راه الإرادة والعزيمة هيا لي تزيدك للقدام والتردد ديما كيرجعك لور هادي عامين ونتي مترددة ومدرتي والو كون زعمتي غي شهر كون درتي لعجب
باللتوفيق

الاخوات قبل مني شجعوك وانا بدوري تنشجعك بكل تاكيييييييييييد
دام ظروفك مناسبة والاهم انك في الغربة يعني الخياطات قلال وغادي تخدمي انطلاقا من المنزل يعني علاش التردد خصوصا انك تقدري تساهمي في ستر الكتير من النساء لي تيقلبو على لباس مستور وماتيلقاوهش
تزكلي على الله وبداي بالاقراب والجيران ونتي غايا تتوسعي الدائرة وان شاء الله في المستقبل نشوف نجمة تلمع في سماء الخياطات الناجحات
الله يسهل عليك وييسر ليك ويسهل على كل وحدة لها اي طموح بغات توصل ليه
بالتوفيق

شوفي اختي إيلا خفتي تغلطي او ضيعيلهوم التوب تقدري تشري مجموعة من الأثواب وديري الموديلات لي كتقنيهوم ولي يقدرو يعجبو معارفك وعرضيهم للبيع ولي عجباتها شي حاجة تشريها

حتى انا اختي كنت بحالك كنخيط غير لراسي وكيعجب الناس وكنت خايفة نخيط شي حاجة ونخسرها ولاكن واحد النهار زعمت وبديت بمرات لوسي هيا لولا لانها تبارك الله طويلة وعامرة قلت ليها نبدا بيك نتي لولا تعطيني رخصة ههههه هادا هو اول حاجة خيطت ليها والحمد لله

وهادا ديالي

وهادو مخيطاهم لناس

وهاد لعباية شريت توب وقلت نخيط راسي على قياسي انا ونعرض على سيدات لجات قدها تشريها لكن للاسف اجسام الناس لا تتشابه ما تباعت ليا على شحال واحد سيدة قصيرة بغاتها وطريت ننقص ليها منها يعني خدمة معاودة