تبث في 21/01/2019
bent bladi
السلام عليكم ورحمة الله والصلاة والسلام على اشرف المرسلين سيدنا محمد وعلى اله وصحبه اجمعين
بعد طول ط؛ظٹط§ط¨ ماحبيت ندخل بايدي خاوية اوى ياالله ظ…ط±طط¨ط§ بكل الانيقات
غادي نبدوا اول شيء بالديك الرومي =
لغسيل الديك الرومي ننقعه في ملح والخل و5 الحامضات معصورين مع القشرة ديالهم ويترقد في هذا الخليط تقريبا ساعتين حنت الديك الرومي كيكون زفر ماشي بحال الدجاج
لتتبيل الديك=2كيلو ديال البصلة تقريبا نقسمها على 2 النصف نطحنه مزيان ونضيف عليه ملح وفلفل اسود هذا البصل هو اللي غادي يكون بين الجلد
النصف التاني =نطحنوا باقي البصل خشن تم نحكوا عليه 2 جزر+ملح وفلفل اسود ورقة موسى مقطغةوحبات من الهيل والبزار حبوب وشوية الزعتر وشوية الروز ماري وهذا الخليط كنديروه في بطن الديك
بعد ماتبلنا الديك من كل الجهات نقطعوا 2 جزر مع شوية هيل ورز ماري وبزار حبوب ورقة موسى وزعتر ونديرهم في الصنية اللي غادي نحطوا فيها الديك
هذه التتبيلة كيبقى فيها اليك ليلة كاملة وهو مغطي بورق الالمنيوم وتدخل الفرن حسب حجم الديك
الديك اللي عندي تقريبا 9 كيلوا خاد 5 ساعات في الفرن
لا احد يرد حتى نكمل الموضوع
fu] ‘,g ydhf [hdfm g;l ludh ]d; v,ld dhggi lvpfh dhg[ldu ph]em d]; v,gd udhj
كنوجد الخليط اللي غادي ندهنوا به الديك وهو ملعقة كبيرة زبدة وملعقة كبيرة موطارد وملعقة كبيرة صلصة طماطم وندهنوه كله وندخلوه مرة تانية الفرن باش يتحمر
في كسرولة كنديروا 3 معالق كبار سكر كنديرهم فوق النار حتى يولي كراميل تم نضيف عليهم 2 كيسان ماء و2 كنور محكوكين وشوية القرفة ونخلوه يغلي ونطفوا عليه النار
في حلة كنديروا معلقة كبيرة زبدة و2 اعواد قرفة ثم الرز نحركوا الكل ونزيدوا المرق اللي وجدنا ونعلوا النار حتى يغلى ونقصوا عليه ونديروا الغطاء بلا مانحلوا عليها كتاخد تقريبا 15 دقيقة على النار
لا احد يرد مازال ما خلصت
لا احد يرد عفاكم
كناخدوا القرعة كنخووها من الوسط ونقسموها على 2 ونسلقوها نصف سلقة مع شوية ملح
لتجهيز الكفتة= كفتة مع شوية الزيت وبصلة مشلدة وتوابل حسب الرغبة نخلهم يطيبوا مزيان تم نضيف ملعقة صلصة طماطم وواحد طماطم محكوكة وواحد كنور محكوكة
نستف القرعة في مول فرن ونعمرها بالكفتة ونديروا ليها البشاميل وندخلها الفرن تتحمر
الباشميل = ملعقة زبدة +وملعقة دقيق وحليب ونصف كنورمحكوك وشوية ملح وبزار وفرماج محكوك
ونعمرها بالكفتة ونديوا صلصة مكونة من 1 تومة محمرة في قطعة زبدة و2 طماطم مبشورة وملعقة كبيرة صلصة طماطم ةشوية كنور وملح وبزار نخلوها تطيب ونديروها في مول ونحط الخضر نستفها وندخلها الفرن تتحمر
وكنتمنا من اي واحدة من المشرفات الى دخلت تزول لي الصورة اللي في الموضوع التالت لاني نزلتها بالغلط وشكرا
والله اعطيك الصحة على داك الديك الرومي
تيشهي بزاف ومحمر هو هداك
والشليضات
تبارك الله عليك وصافي
تسلم الأيادي