بريوش سويسري

في تاريخه

السلام اخواتي

هاد البريوش شفت فالنت و جربتو جا رائع نتمنى تجربوه لانه ساهل و بسيط انا عملت غير نصف المقادير نعطيكم الطريقة كيما نقلتها من صاحبتها جزاها الله خيرا
المقادير:
700 غ طحين ابيض
230غ مل حليب دافئ
80غ زبدة طرية
15غ خميرة فورية
معلقة صغيرة ملح
2 بيضات
للتزيين:
كريم باتسيير بنكهة الحامض(اي كريم باتسيير معتامداها زيديلها معلقة روم الحامض صايبيه خليه يبرد مزيان

شكلاط حبيبات صغار

كنخلط المقادير فالعجان و نخليه يتجن مزيان انا عجنتها غير بيدي

من بعد نعمل 3 كرات متاويين

نخليهم يرتاحو شوية من بعد كناخد 2 كراتكنورقهم طوال بحال هكدا

ندهنها بالكريم باتسيير ليوجدنا و باردة و نرش حبيبات الشكلاط اوشكلاط مقطع

نطويها على نفسها ها الشيئ كنعملو لزوج نتاع اكرات

وحدة كنقطعها مستطيلات رقاق شوية بحال هكدا

و الاخرى كنقطعها مستطيلات عراض شوية و ناود نقطعه فالوسط بلا ما نوصل للجنبات بحال هكدا

وكنضفرهم

الكرة 3 كنعمل منها كرات صغار نقرصهم و نعمل وسطهم شويه كريم باتسيير و شكلاط

و نجمعهم بحال القرصة

كنعملهم فصنية الفرن مرشوشة مزيان بالدقيق نخليهم يخمرو ندهنهم باصفر البيض وندخلهم لفرن معتدل سمحولي مصورتش هاد المرحلة و هاهما واجدين
نصايب سيرو مكون من كاس سكر ونص كاس ماء و قشرة حامضة و ندهنو بيه