بريوات باللوز المعتمدين عندي والموضوع لا يخلو من نصائح للمبتدئات

السلام عليكم ورحمة الله وبركاته ورمضان مبارك سعيد
واي وحدة مبتداة ولى اول رمضان لها مع راجلها وبغات تصاوبهم نتبع معاها من الالف للياء وتالبنات ليبغاو يتعلمو دبا عطلة مرحبا بيهم تنا ط¹ظ†ط¯ظٹ زوج بنات عاونوني وتعلمو كفاش يطويو لبريوات ههههه علمو لبناتكم شغال
ندوزو دبا للمقادير

نصف كلغ لورز مقشر ومقل
125غرام سكر سنيدة
معلقة صغيرة زبدة
2 اصفر بيض
2معالق كبار ماء الزهر
معلقة صغيرة عامرة مزيانقرفة مدقوقة
ورقة البسطيلة البلدية احسن
العسل وزنجلان مقلي للتزيين
الطريقة كانخلطو لوز لي قليناه وهو سخون ونفركوه بدينا مزيان عاد باش نطحنوة
كايخرج لنا بحال هكدا طالق الزيت لي فيه
ثم كنزيدو العناصر الاخرة وكانخلطو مزيان كاندلكوهبحال لعجينة

ومن بعد كانديروها كويرات والى مكنتوش غادي تخدموها ديك ساع معليكم غير تغطيوها ببلاستيك غدائي باش ماتنشفش مع الحرارة

ملي كانبغيو نصايبوها كناخدو وراق بسطيلة انا كانقطعهم بالمقص بحال هكدا ومن بعد ناخد شريط ننزل فيه كويرة دلوز نطوي لورقة ونبرك عليها شوية باش تاخد لفورما ديالها ونبدا نطوي المثلث تانوصلو للحافة ديال المستقيم لليمين تو عاود نطوي تايكون الخط ديال لبريوا متطابق مع خط ديال الشريط لي كانخدم به وملي كانسالي مكانلصقش لا بالبيض ولا بالطحين فقط كانحشي ديك الشياطة للداخل نخليكم مع الصور توضح لكم اكثر

على فكرة طريقة لبريوا لي صورت راه فيها حشوة ديال دجاج لان نفس طريقة باش نكسب لوقت استعنت بالصورلي كانت ط¹ظ†ط¯ظٹ من قبل ودبا نزلهم تاهما ان شاء الله الى لقا الموضوع تجاوب منكم وشجعتوني

fvd,hj fhgg,. hglujl]dk uk]d ,hgl,q,u gh dog, lk kwhzp gglfj]zhj ]og,