اش اخباركم واخبار ماعز عليكم نتمنى تكونو بالف خير،اليوم غادي نحط ليكم وصفة باط آشو pate a choux كيجيو غزالين بشهادة ليكلاوهوم هههه والنتيجة ان شاء ط§ظ„ظ„ظ‡ مضمونة الى تبعتو الخطوات.اوا بلا كثرة الهدرة نبداو على بركة الله 
1،5cl ماء 60g زبدة 90g دقيق مغربل 2 بيض قبصة ملح كريم باتسيير كاناش: شكلاط+كريم فريش في كسرونة كنوضعو الماء،قبصة الملح والزبدة ونديروهم فوق العافية حتى دوب الزبدة 
من بعد نزولوهم من فوق العافية ونضيفو الدقيق ونخلطو بملعقة خشبية حتى كنحصلو على كرة 
كنخلطو البيض ونبقاو نضيفوه غير شوي ونحركو مزيان حتى تشربو العجينة ونضيفو شوي تاني … وهكدا حتى نكملو البيض ليعندنا 
كنوضعو الخليط في جيب الحلواني وكنوضعوه في لاطة الفرن ملبسة بورق الطبخ وكنفزكو صبعنا بالماء وكنبركو على الراس باش ميبقاش طالع 
كندخلوها الفرن مسخن من قبل على 200د مدة 25 تقريبا 
منين يطيبو كنطفيو الفران ونخليوهم 5د عاد نزولوهم ويكون الفران مفتوح شوي 
وهدا شكلهوم من الداخل مكيجيوش معجنين 
كنوضعو فتحة صغيرة من التحت ونعمروهم بالكريم باتسيير ليكنكونو وضعناها في جيب الحلواني 
كندوبو الشكلاط في حمام مريم ونضيفولها شوي كريم فريش وكنغمسو فيها ليشو من الراس ونخليوهم يبردو قبل التقديم وهاهما واجدين بالصحة والراحة،انا غيرت شوي في طريقة التقديم رافقتهم بكرة من لكلاص والشكلاط 
ملاحظة مهمة:ليعندهم الفران لي فيه المروة منين تشعلوه كتركلوه على المروة ولي معندهمش كتوضعو زلافة فيها الماء في الفران
fh’ Na, pate a choux fhgw,v ,hgjthwdg hgllgm ,lk l’fod ‘fuh lsk hggi hggi du’d; hgwpm hojd vhzu
شحال كنحماق على لي باط اشو غزالين تبارك الله الله يعطيك الصحة
و أخيرا تاندخول أنا أولى هههههههههههههههه لله يعطيك صحة ديما مبدعة و كاتاحفينا بلجاديد لله يخلي ليك دوك ليدييات و ينول ليك لي ف بالك
امممممممممم غزالين باركة علية راني غلظيت وانا باقة صغيرة اشنو غادي ندير وهذه الاشياء كتعجبني
بسم الله وماشاء الله ولا قوة إلابالله يعطيك الصحة متقن صراحة يسلم الايادي
شكرا لكن جزيلا كل وحدة باسمها على مروركن الطيب وردودكن الحلوة الله يبارك فيكم ويحفضكم ويوفيلكم مكتمناو
تبارك الله عليك اختي تنموت على باطاشو تسلم يدك
تبارك الله عليك اختي
