ايوا يا لالياتي العراضة دازت بخير هههه

مساء النور حبيباتي !
كيف حالكم ؟ كاين شي شباكية؟شي سلو؟؟ا
كيف طلبتو مني، هانا جيت نحكي ليكم كيف ط¯ط§ط²طھ ط§ظ„ط¹ط±ط§ط¶ط© اللي دارت لينا عجوزتي نهار السبت!!
المهم خدينا كيكة صاوبتها بيدي وطبعا المقادير من المنتدى الغالي 🙁
وكنت صاوبت جلابة لعجوزتي خديت معاها شربيل و فولار حمممحممم زعما بحال الناس ههههه
ايوا الاستقبال كان مزيان الحمد لله، فرحو بينا وما خلاو ما حطو مساكن..
بالنسبة للشقا انا شفت مرات لوسي اللي قديييمة معاهم غير جالسة ماعاونات حتى فشي حاجة … قلت للوستي واش نعاونك فشي حاجة؟راجلي شاف فيا و قاللي ابدا ههه ط§ظٹظˆط§ هو اللي حط الطبلة وصاوب داك الشي …زعما حادك حممممم هههه
و لوسي مسكين جاب لينا الشلال .. ديك الساعة قلت ليه حاشاك وخديت انا دوزتو لوخرين،وآآه حشومة !!
صافي ضحكنا وفوجنا،، وحيدنا الدهشة حتى هي هههه
يلا نسيت شي حاجة غا نرجع نقولها ليكم ههه
في امان الله وعواشركم مباركة مسعودة

---

hd,h dh ghgdhjd hguvhqm ]h.j fodv iiii ohwm

وتبارك الله عليك هاكداك عاملي حماتك بالحسنى باش تبغيك والى بغاتك كوني اكيييدة ان زوجك غادي يحماق عليك ايوا الله يدوم المحبة بيناتكم ويدخل عليكم رمضان بالصحة والعافية ومغفرة الذنوب

تبارك الله عليك احبيبة الله يخليك ديما ضاحكة ناشطة أحسن حاجة هي يرضي عليك راجلك أمرضية راجلها , و الله يكمل ليك بالخير . الله يسخر . و الله يرزق الجميع االذرية الصالحة اللهم آآآآآآآآمين لا تنسينا من صالح دعائك .

الله يبارك فيك احبيبة ، والله العظيم كنبغي عجوزتي، والصراحة حتى هي امرأة طيبة !!
وعندك الحق فهاد الشي اللي قلتي، فاش عطيتها ليها ، زوجي فرح بزآآف
رمضان كريم اختي بالصحة والمغفرة وكل ما تمنيتي ين شاء الله

آآامين الله يحفضك وينجيك من كل سوء آختي
الحمد لله زوجي راضي عليا و عائلتو كلها الله يعمرها سلعة الحق يقال!!
ربي يخليلك زوجك يصونك ويرعاك و يجعلك دايما كيف الوردة فعينيه ورزقكم الدرية الصالحة يا رب!!
دعيو معايا حتى انا ربي يسر امورنا حيت راحنا فواحد الازمة و هي اللي جات فطريقنا ومزال مادرنا العرس!

زين مادرت أختي بينت أولا أنك كتفهمي في الصواب حيث ما خليتيش لوسك يعطيكم تغسلوا كبرتي بيه مزيان وانا كنت قلت لك متشقايش معهم حيث أول مرة لكن هنا جابتها الظروف وأحسنت التصرف وحتى عدوزتك هاديتيها وفرحتيها الله يكملك بعقلك ويخلي لك زوجك ويجمع بيناتكم على خير ووصيتي لك حسن العشرة والنية والمحبة لله هي الأساس في أي علاقة لا صداقة لا شراكة لا زواج

آآآآآآميين شكرا على ردك حبيبتي..
انا حشمت مللي لوسي جاب الشلال ومراتو جالسة كتفرج ، غرقت والله !!
الف شكر على وصيتك القيمة احبيبة؛ اكيد غا ندير بيها..الله يعطيك ما تمنيتي و يسر ليك امورك يآآرب

باينة فيك بنت الناس الله يرحم لي رباك والله يسخرلك فهذ الزواج ولي زرع شي حاجة راه يحصدها اعانك الله

الله يحفظك احبيبة على كلام الخير
ربي ينولك ماتمناي ويسر ليك امورك يآا رب

الله يكمل بالخير ياربي