السلام البنات شكون اللي فاتحة على ط§ظ„ظ…ط±ط§ط±ط© تفيدني بجميع الاعراض بعد العملية باش كانت كتحس امتى حيدات الغراز
hglvhvm
السلام اختي حتى انا بحالك كاليا الطبيب خصك تفتح على المرارة ومكرهتش الاخوات يفيدونا الي سبق لبهم داروها بتقنية الايزر اي المجهري
وعليكم السلام ورحمة الله وبركاته انا فايت ليا فتحت على المرارة والحمد لله كنت كنرجع بزاف اي حاجة ناكلها تضرني في المعدة ونحس انني بغيت نرد ومن بعد ولات كتضرني بزاف ويشدني كريز هذا هو الالم الكبير فاش كان يشدني الكريز كنت نبغي نموت وفاش مشيت عند الطبيب قاليا عند المرارة فيها الحجر خاصك تحيديها والحمد لله العملية ديالها ساهلة بزاف ولو انني كنت خايفة بزااااااااااااااااااااف ولكن الحمد لله ماشي صعيبة فتحت في مستشفى ابن رشد درت التحاليل قبل العملية والحمد لله دخلت بيوم الثلاثاء فحصو ليا الضغط وتصويرة الصدر وطلعو مزيانين والاربعاء الصباح مع 8 دخلت باش نفتح دخلوني لغرفة العمليات ركبو ليا السيروم وجا البناج دار ليا البنج وبقى كيسول فيا حتى غبت عن الوعي وفقت لقيت راسي في غرفة اخرى ومعايا ممرضة فاش شافتني حليت عيني جات عندي صرفقاتني ههههه(غير تصرفيقة خفيفة باش ما نعسش ثاني ونحل عيني) قالت ليا فيقي حلي عينيك سولتها قالت ليا الحمد لله دازت العملية وكلشي مزيان ولكن مسكينة كتهضر معايا وانا نرجع عليها وكانت الصراحة صبورة قالت ليا ماشي مشكل غير ردي لأن ولابد خاصك تردي من بعد العملية مزيان ومن بعد خذاتني لبلاصتي باش نرتاح وركبو ليا السيروم لأنني ماخاصنيش ناكل اي حاجة حتى نتنفس (راكم فاهمين قصدي) ومن بعد جا البناج والطبيب يشوفوني قالو ليا الحمد لله كلشي مزيان وبقيت في المستشفى حتى الجمعة وخرجت يعني ما جلستش بزاف ومن بعد العملية عطاني الطبيب الريجيم مناكلش اللحم الغنمي لمدة سنة ونبعد على الدهنيات والحار وما نهزش الثقل والحمد لله تبعت الريجيم وكلشي كان مزيان يعني غير اسبوع حسيت براسي مزيانة غير من بعد بقيت كنحس بلاصة الثقب اللي دارو ليا كينغزوني بحال الى كيقرصوني مشيت لعند الطبيب قاليا ماشي مشكل والحمد لله على كل حال. ما تخافو والو من العملية هي أسهل ما يكون بلا ما تسبقو الخوف راه مكتعقلي على والو المهم انه يكون الطبيب مزيان شوفو طبيب مزيان والله يشافيكم ويعافيكم وجميع مرضى المسلمين والله يتمم ليكم العملية بخير وعلى خير وبالشفاء العاجل يارب.
جزاك الله خيرا اختي لى الالتفاتة ونتمنى من الاخوات يزيدو يفيدونا واللي كتعرف شي دكتور مزيان فاكادير تخبرنا وشكئرا
islamiyate شكرا على المعلومات ماشي انا اللي مريضة راه عمتي دارتها كان عندها الحجر دابا اسبوع و كتقول بان الجهاز الهضمي ديالها كله مضطرب و امعائها كيتحركو بزاف و عندها اسهال و هي خايفة رغم انها دايرة الريجيم و كتاخذ المضاد الحيوي و الدواء الاخر…. واش نتي فتحتي يعني درتي االجراحة التقليدية و لا اللي بالمنظار
islamiyate شكرا على المعلومات ماشي انا اللي مريضة راه عمتي دارتها كان عندها الحجر دابا اسبوع و كتقول بان الجهاز الهضمي ديالها كله مضطرب و امعائها كيتحركو بزاف و عندها اسهال و هي خايفة رغم انها دايرة الريجيم و كتاخذ المضاد الحيوي و الدواء الاخر…. واش نتي فتحتي يعني درتي االجراحة التقليدية و لا اللي بالمنظار
Khti ana 3ad mhaydaha makayn la dtirab la walo ishal tabi3i hit katakol jari ama lhrik 3ndo osbo3 safi katwali 3adiya lkhyot yhaydo b3d 15jour
شكرا اختي انا كنظن ضرها الدواء الخيوط قاليها الطبيب تحيدهم على 10 ايام
سمحي لي أختي عاد شفت السؤال ديالك انا درت عملية المنظار ولكن ماجاني لا اسهال ولا اضطراب ولا والو الحمد لله والخيوط كنت خايفة منهم حيدتهم بسهولة بلا ألم بلا والو والحمد لله على كل حال راه من 1998 دابة تقريبا 14 عام والحمد لله اختي لازم ترجع عمتك عند الطبيب اللي عمل ليها العملية ويشوف مناش هادشي والله يشافيها.
المشاركة الأصلية كتبت بواسطة ام لجين9 
السلام اختي حتى انا بحالك كاليا الطبيب خصك تفتح على المرارة ومكرهتش الاخوات يفيدونا الي سبق لبهم داروها بتقنية الايزر اي المجهري العفو أختي والله ييسر ليك وتدوز الامور ديالك كلها بخير وعلى خير بالنسبة للدكتور مكنعرفش اللي في أكادير لأني انا من الدار البيضاء الله ييسر ليك في طبيب مزيان.