اللي كاتعرف تساعدني و اللّي مكاتعرفش تدعي بالشفاء :)

---

hggd ;hjuvt jshu]kd>>, hgg~d l;hjuvta j]ud fhgathx 🙂 jshu]kd,

اهلا اختي
الضغط الدموي اختي كيبغيك تبعدي على العصبية او اي حاجة تقلقك
بعدي على الملح او اي حاجة فيها الملحة طبيعي
مثلا المرقة فيها الملح -و لكن يكون خفيف- الخبز لازم يكون مسوس
كولي الثومة راها مزيانة بزاف ديريها صاينة مع المرقة او بخريها و كوليها
الكركديه البارد ماشي لكيدار سخون سولي عليه اختي جيبيه خدي كمشة و غسليها و ديريه فشي بواطة و كبي عليه الماء حتى يغطيه و خليه اقل حاجة 6 ساعات من بعد صفيه و زيديه السكر و الماء على حسب الدوق ديالك راه مفيد بزاف لضغط الدم المرتفع كتخفظه
بعدي على الحمام و خصوصا السخون راه كيرفع الظغط

هادشي لفراسي دبا و الله يجيب الشفا
كلشي هادشي لقلت ليك راه دايراه لراجلي حتى هو عنده الضغط و الحمد لله بخير و حتى ماما فيها و راه كتاكل المسوس و الثومة هما لكينفعوها

بارك الله فيك عزيزتي كلشي اللي قلتيه صحيح ان شاء الله غادي نشوف الكركديه .. الأب ديالي هو اللي معني بالأمر الله يشافيه و يعافيه و يبعّد عليه كل مكروه .. جزاكِ الله الجنّة

الله يشافيه اختي و يعافيه ليك يا رب و يطمنك عليه ان شاء الله

اللهم أمين .. اختي هاد الكركديه ماعندوش شي تأثير على مستوى السكر فالدم يعني مكايرفعوش؟ و هل هو مرّ؟ حيت ماخاصش ياكل السكريات .. سمحيلي كثّرت عليك .. و الله يخليلك راجلك و والدتك و كل عزيز يا رب

الكركديه اختي مافيهش السكر هو مزز شويه و الى الوالد فيه السكر ممكن تخفيه بالما صافي الى عجبه من غير سكر اما الى جاه مزز شويه يدير شويه السكر غير باش يعرف يشربه و لكن هو راه زوين بزاف حتى انا كنشربه كمشروب

و هاهي الصور دياله

و هاهو منقوع

و هاهو محيت تصفى و خففناه بالما

غير هو لازم ديريه فماء بارد و تخليه 6 ساعات و صفيه و خففيه بالماء بارد و يشربه بارد
و الله يجيب الشفا

الله يحفظك أختي .. شكرا على المعلومات و الله يجعلها ف ميزان حسناتك

السلام عليكم اختي الله يشافي الاب ديالك و يعافيه
بالنسبة للسؤال ديالك
يستعمل الثوم بكترة حكيها رقيق بلا قلب مكيتهضمش و نقعيها في ميها و عطيه يشرب
كذلك يتعشا بالسلطة التالية
الخس.الطماطم.البصل.الخيار مزيااااااان للضغط و الثوم محكوك مع زويتة العود و الكامون فقط
الخبز مسوس والمرق قلييييييل الملح
ابتعد من الضغط النفسي و السكين جبير و الابزار الحار و المملحات
الى كانت عندو المينيما طالعة يبعد على المنبهات كتزيد الامر سوء كالشاي و القهوة و الصودا و اللبن
واياااااااااك من وصفة والماس و الحلبة او والماس و ثوم لان والماس كلها املاح و كتهيج الضغط الدموي
الله يشافيه شفاء لا يغادره سقما

الله يشافيه شفاء لا يغادره سقما

شكرا على النصائح المفيدة عزيزتي..اللهم امييييين الله ينجّيك من كل سوء