اللعب الشعبية شاركوني

السلام عليكم ورحمة الله وبركاته

اخواتي شكون اللي تشاركني فهاد الموضوع وتدخل تعاود لينا على ط§ظ„ظ„ط¹ط¨ ط§ظ„ط´ط¹ط¨ظٹط© اللي كنا نلعبها في صغرنا اكيد كل منطقة ولعبها باش نعلموهم لاولادنا اشنو قلتو تعاونو معايا وكل واحدة تدخل تقولنا شنو اللعبة اللي كانت كيعجبها تلعبها وتحكي لينا طريقة لعبها اتمنى تشاركوني

في انتظاركم اخواتي

---

hgguf hgaufdm ahv;,kd hggym

أنا كان عزيز عليّ نلعب كاري و غمالة هههههه حيت كان عزيز عليّ الجري
كاري تقريبا الأطفال كلهم كيعرفو يرسموه
غمالة كنا كنرسمو مربع كبير وسط منو مربع صغيييير وفكل قنت من المربع الكبير كنرسمو مربع صغير
فالمربع الي لوسط كنديرو فكل قنت من قناتو الربعة غلاقة ديال مونادة ( فيتشة هههههه )
وكنصَيبو حزمة من الكواغط أو بلاستيك و كواغط المهم حاجة قاسحة شوية الي ممكن نضربو بيها هههههههه
هادشي اللي عقلت عليه ولكن أش كنا كنقولو ماعقلتش ههههههههه

كنا كنلعبو حتى لاستيك ومازال كيلعبوه لدابة
غير أنا كانت فيَّ حاجة : اللي طويلة واخا تكون صاحبتي مانلعبش معاها
حيت ( كُو ) و ( طِيط ) ديالها غادي يكونو طوال عليّ ههههههه مع ختكم قصيرة كنت كنلعب غير مع القصارات هههههههه

حتى انا كانت كتعجبني هاد اللعبة بزاف كنسميوها كريطنة كنا نعملوها بالميكة ديال الحليب نعمروها باش ماكان ونربطوها والغلاقات ديال الزيت كانت غزااالة شكرا لتذكيري بها

هههههه عنصرية هادي لاستيك مزيون تاهو كنت قااافزة فيه

اختي فاطمة شكرا على الموضوع انا كانت عزيزة عليا ملا عرفتيها تنلعبو بخمسة لحجرات كنضن كلشي تيعرفها

رجعتينا ليام الصغر الله يجازيك بالخير
انا كنصحك لعبتي ديال الصغر ماتعلميهاش لولادك ولا راك غادي تندمي انا حدرتك حيت التقليد عليا
ملي كنا صغار ماكناش كنخرجو لزنقة نهائيا فكنت كنظل انا وخويا صغر مني بعامين نتجاراو فوق السدادر واحد فينا يشد لاخر ولا كنرمي كاع الخديات فالارض وكنبداو نتسوطاو عليهم زعمة لبحر ومانقولكش ملي كنحصلو اش من قرصات حارين كناكلو من عند اختي لكبر منا وهدا ماكان

هذي واقيلا كنسميوها احنا الملاقف ياك كنهزو واحدة بوحدة من بعد 2 من بعد 3 ياك اوا شرحلي كيف كتلعب هههههه

هههههههههه هادي شكون ملعبهاشي فايام الشتاء حيت لا دخول لا خروج ضروري نلقاو الحل والحل هو السدادر او التنقيز فالدروج او الكرشون ياما نقزنا عليهم شكرا على مشاركتي بلعبتك المفضلة

حتى حنا شحال جرينا فوق السدادر وشحال لحنا ديال لمخاذ وكنا دايمن سامعين عليهم المعيار ههههههه ومني دابة ولاد خوتي كيبداو يلوحو فالمخاذ ماكنقدرش نعايرهم هههههه كنذكر أيام زمان هههههه