السلام عليكن عواشركم مبروكة ربي يتقبل من الجميع يارب بغيت مساعدة بغيت ندير لحوفا لسدادر ومعرفت كيفاش نخيطهم واشنو كنشريو باش نديروهم ياريت تساعدوني وشكرا زيونات ربي يحفظكم ويحميكم
hggp,th ]dhg hgs]h]v
وضحي إينا نوع داللحوفة كتقصدي أختي واش لمعمرين بالبونج واللواط أو القطن ;أو غير البونج بوحدو..?
بغيت لي بالبونج واللواط
أول شي نصيحة من مجرب راهم ماشي زوينين كيمحنو فالتخمال;دابا كاين البونج النوع الجيد كتجي بيه التفريشة مزيانة وخفيف ممكن تهزيه غير بوحدك.أما إذا كنتي مرتاحة للبونج واللواط.فمن الأحسن تشري السلعة راسك وتجيبي لمعلم للدار يعمرهم ليك.كياخذ فالأول لعبار ديال السدادر اللي عندك وكتمشي لعند مول البونج كتشري بونجات ديال البصمة رقاق فالسمك ديالهم ;ديال التعمار را هو عيعرفهم.كيوجدهم ليك بالعبار ديال السدادر اللي عندك.وكتشري من عندو اللواط ;المعلم اللي كيعمر غيقوليك شحال من كيلو خاصك.وقولي ليه مايديرهومش مدكوكين بزاف;ويكونو مواطيين كيف الجناب كيف الوسط.وأخيرا الثوب اللي عيغلف بيه لك فيه الاختيار;وراه تاهو كاين عند مول البونج وبثمن رخيص.
شكرا زين فعلا كيجيو صعاب نزيد نصدعك شوية وديك لحوفا لي كيندارو فوق التلامط اشنو رايك واش ندير فيهم غير اللواط ولا حتى لبونج وربي يجازيك الخير يارب
العفو أختي;وسمحيلي على التأخير فالرد مادخلتش للمنتدى من ذاك النهار.فرأيي ديريهم باللواط صافي باش يجيو خفاف ظراف .
ربي يخليك زين وشكرا بزاف على المساعدة ربي ينولك مرادك
آميييييين
المشاركة الأصلية كتبت بواسطة الرضا والنور 
شكرا زين فعلا كيجيو صعاب نزيد نصدعك شوية وديك لحوفا لي كيندارو فوق التلامط اشنو رايك واش ندير فيهم غير اللواط ولا حتى لبونج وربي يجازيك الخير يارب بالنسبة للحوفة كيديرو لبونج ويعمرو بالواط ويديرو لبونج طبقة أخرى وكيكون لبونج رقيق ومن رايي ديري هاد الطريقة باش ميبقاش يخرجلك اللواط من اللحوفة
المشاركة الأصلية كتبت بواسطة أم أشرف وإسراء بالنسبة للحوفة كيديرو لبونج ويعمرو بالواط ويديرو لبونج طبقة أخرى وكيكون لبونج رقيق ومن رايي ديري هاد الطريقة باش ميبقاش يخرجلك اللواط من اللحوفة كنشكرك زين غدي ندير كل بيت فيه حاجة ان شاء الله