الكنافة بطريقتي بالتفاصيل المملة المصورة

السلام عليكن

اليوم غادي نقدم ليكم واحد الحلوى أشهر من نارعلى علم في الشرق ماشي غير المشرق العربي ولكن حتى غير العربي بحال تركيا وماجاوراها وهي ط§ظ„ظƒظ†ط§ظپط©

والكنافة فيها أنواع كثيرة كاينة ط§ظ„ظƒظ†ط§ظپط© الناعمة (بالسميد ديال الحلوة ) وكاينة ط§ظ„ظƒظ†ط§ظپط© المصرية بالكاسترد (باتيسيير) ……ولكن أنا كتعجبني ط§ظ„ظƒظ†ط§ظپط© النابلسية بالجبن وهي لي غادي نقدم ليكم اليوم ولكن متاكلوش منها بزااف غير شوية ههههههههه ماديوش عليا هههههههه راني جاتني غريبة نزل الحلوى حيت كنطيبها غير لا كانو عندنا الضياف وخا كنقب معاهم شي شوية مرة مرة ههههههههه الاعتراف بالذنب فضيلة هههههههه

المهم خالونا من هاد الهدرة راني لابديت مغنساليش ههههه وأرانا المقادير

على بركة الله

عجينة ط§ظ„ظƒظ†ط§ظپط© ( بالنسبة للعجين وهي كيفما غتشوفو في الصورة كتبان بحال الشعرية الرقيقة ولكن راها ماشي شعرية والى عوضتوها بالشعرية مغاديش تصدق أبدا حيت الشعرية ملي كتطيب كترطاب أما هادي كتجي مقرمشة والحاجة الوحيدة لي ممكن تعوضوها بيها وتجيكم بحالها هي ورقة البسطيلة ولكن خاصها تكون مقطعة رقيييقة وممكن تستعملوا الآلة لي كانصابو بيها رزة القاضي باش تقطعوها)

نصف زلافة صغيرة زبدة دايبة (الوصفة الأصلية فيها زلافة كاملة ولكن أنا كندير غير نصف وكتجي زوينة وما ميدماش )

زلافة صغيرة جبنة عكاوي ( بالنسبة لهاد الجبن راه موجود في المحلات العربية والى ماكنش متوفر عوضوه بجبنة الريكوتا كاملة الدسم حتا هي كتجي زوينة)

ربع زلافة صغيرة جبنة الموتزاريلا

ملعقة صغيرة فانيلا

ملعقتين كبار سكر

بالنسبة للسيرو :

كأسين سكر
كأس ماء
عصير حامضة
و عود قرفة و حبتين قرنفل وحبتين قعقلة (بالنسبة للوصفة الاصلية كيديرو فيها ماء الزهر أنا مكتعجبنيش البنة ديالو) أو ممكن نكتفو غير بالحامض

المهم الطريقة را ساهلة : غادي نرقدو الجبن في الماء بتش تحيد منو الملحة و من بعد نصفيه من الماء مزيان ونشفو فوق شي فوطة ديال الكوزينة من بعد نضيفو عليه الفاني والسكر ونخلطو مزيان حتى يتجانس
بالنسبة لعجين ط§ظ„ظƒظ†ط§ظپط© غادي نقطعوه صغير أو نطحنوه بحال كيفما درت هنا ومن بعد نضيفو الزبدة الدايبة عليه ونخلطو مزيان حتا تشرب الزبدة
اخدو ثلاثة أرباع ديال ط§ظ„ظƒظ†ط§ظپط© نديروها في الاطة ونطغطو عليها باش تجي متماسكة ومتفرتتش ونضيفو الجبن ومن بعد نضيفو الربع ديال العجين الفوق ونظغطو عليه غير شوية وندخلوها للفرن تطيب حتى يبانو لينا الجوانب ديالها بداو يتحمرو ونظغط على الوسط ديالها باش نشوف واش الجبن داب مزيان عاد نخرجوها وخا الوسط ديالها غادي يبان باقي بيض ومن بعد نقلبوها في طبسيل أخر ونسقيوها بالسيرو ونضيفو عليها البيستاش أو أي نوع من المكسرات لي كتعجبك

وبالصحة والراحة


ملاحظة : ممكن تعوضي الجبن بالقشطة وتاهيا كتجي رااااااائعة

hg;khtm f’vdrjd fhgjthwdg hgllgm hglw,vm